Masaalaanote Haꞌruma Hadhe—Imbaaqoomi
1. Masaalaanchu Imbaaqoomira macciishshantinosi gedee hedo macciishshantankera dandiitannohu mayiraati?
1 Heeꞌnoommohu bunshe batidhanni hadhino alamera ikkino daafira, Imbaaqoomira macciishshantinosi gedee hedo macciishshantankera dandiitanno; isi Yihowa togo yee xaꞌmino: “Gara ikkinokkire assinanna laeemmo gede mayira assattoe? Gadado laꞌanni cincite sammi yaattohu mayiraati?” (Imb. 1:3; 2 Xim. 3:1, 13) Imbaaqoomi borreessino sokkanna ammanate lawishshasi hiincanke Yihowaha yoote barra cincatenni agadhineemmo gede kaaꞌlitankera dandiitanno.—2 Phe. 3:7.
2. Xaa yannara ammanatenni heeꞌneemmota leellisha dandiineemmohu hiittoonniiti?
2 Ammanatenni Heedhe: Imbaaqoomi iillinosihu bushu coyinni hexxo dimudhino; qoleno ayyaanaamittetenni baqqi yeenna jawaate heeꞌrino. (Imb. 2:1) Yihowa masaalaancho Imbaaqoomi Qaalisi yannasira woꞌmannotanna ‘keeraanchu ammanatenni heeshshote heeꞌrannota’ kule jawaachishinosi. (Imb. 2:2-4) Kiristaanu goofimarchu lowo geeshsha gambise dayinota afansa maa assanno gede assitannonsa? Goofimarchu mamoote daannoro afatenni roore hasiissannoti goofimarchu daannota seekke ammanate. Ammana baqqi yine heeꞌneemmonna Maganu Mangiste soqqansho balaxisiinseemmo gede assitannonke.—Ibi. 10:38, 39.
3. Yihowara hagiirrunni soqqamanni heeꞌra hasiissannonkehu mayiraati?
3 Yihowanni Hagiidhe: Maagoogi Googi Yihowa daga sianno wote ammananke fonqolantanno. (Hiz. 38:2, 10-12) Olu jeefote qeeltannorira nafa qarra abbara dandaanno. Sagalete anje heedhara, miinju baꞌꞌaranna gadadaame heeshsho heeꞌnanniha ikkara dandaanno. Hakkawote konne qarra ma garinni laꞌꞌa hasiissannonke? Imbaaqoomi qarru iillannota hede agarino daafira, Yihowara hagiirrunni soqqamanni heeꞌrate murciꞌrino. (Imb. 3:16-19) Qoleno “Yihowa hagiirri” albillitte iillannonke fonqolo dandiine saꞌneemmo gede kaaꞌlannonke.—Neh. 8:10; Ibi. 12:2.
4. Xaano ikko albillitte hiikkoye hagiirre afiꞌra dandiineemmo?
4 Yihowa daannohu yoote barrinni gatise sayisannonsari, Maganu dooggare rosa diagurtanno. (Imb. 2:14) Reyotenni kaꞌannorino Yihoware rossanno. Xa nafa afiꞌnummo faro baala horoonsiꞌne, Yihowarenna dhaggete loososi mannaho kullo!—Far. 34:1; 71:17.