Roduuwu Madagaskaari giddichora Dancha Duduwo yitanno biroshere horoonsiꞌre sabbakanni no
Lawishsha Ikkannoha Hasaawu Bitima
AGAROOSHSHU SHAE
Xaꞌmo: Baalunku manni konne Qullaawu Maxaafi seera harunsannoha ikkoommero alame woyyaabbannoha lawannohe?
Qummeeshsha: Ibi 13:18
Borro Elate: Qullaawu Maxaafi baalunku coyira ammanammoommore ikkineemmo gede amaalannonke. Hakko daafira ammanammoommore ikka heeshshonke woꞌmate ledo xaado afidhino. Tini Agarooshshu Shae tenne hajore kultanno.
AGAROOSHSHU SHAE (badhiidi qoola)
Xaꞌmo: Tenne xaꞌmora mayyaatto? [Umi xaꞌmo nabbawi.] Mitu manni, reyinihu gedensaanni wole kalaqama ikkine heeꞌnanni yee ammananno; wolu kayinni reyo baalunku coyi goofimarchooti yee hedanno. Ati tennera mayyaatto?
Qummeeshsha: Mek 9:5
Borro Elate: Kuni birxichi Qullaawu Maxaafi tenne hajo daafira mayyaannoro lede kulanno. Konne birxicho nabbawitto gedensaanni wole wote xaande hasaambeemmona.
MAGANUWIINNI DAYINOHA DANCHA DUDUWO!
Borro Elate: Techo kawa dayoommohu Qullaawa Maxaafa mulla xiinxallinseemmota kulammoheraati. Tini biroshere hasiissanno xaꞌmuwara Qullaawu Maxaafikki giddonni dawaro afiꞌratto gede kaaꞌlitannohe.
Xaꞌmo: Qullaawa Maxaafa nabbawatto? Tenne birosherenni roore shotu garinni xiinxallinanni gara leellisheemmohe. [Roso 2 hunda noota umi xaꞌmo hasaabbe.]
Qummeeshsha: Aju 4:11
UMIKKIHA HASAAWU BITIMA QIXXEESSIꞌRI
Aleenni noo lawishshuwa horoonsidhe umikkiha hasaawu bitima qixxeessiꞌri.