QANCHU SOQQANSHORA DIINAGGAABBE
Soqqanshonke Isilanchimma Woyyeessiꞌra—Metseete Elate Umikkiha Hasaawu Bitima Qixxeessiꞌri
HASIISSANNOHU MAYIRAATI? Xiinxallote maxaaficho aana lawishsha ikkannohu hasaawu bitimi nooha ikkirono, noo gedeenni horoonsiꞌra hasiissannohe yaa diꞌꞌikkino. Umikki yaatto horoonsiꞌra dandaatto. Wole hasaawu umo qixxeessa woy qooxeessaho roore injaanno garinni wole birxicho doorattoha ikkara dandaanno. Hatto ikkiro, metseete nabbawitto, lawishsha ikkannoha hasaawu bitimanna viidiyonnita loonse leellinshanni ikkito laitto gedensaanni umikkiha hasaawu bitima qixxeessiꞌrate aante noo hedo horoonsiꞌra dandaatto.
TENNE ASSA DANDIINANNI GARA:
Ateneeto togo yite xaꞌmi, ‘Lawishsha ikkannoha mitto hasaawu bitima horoonsiꞌreemmo?’
EE
Hanafote coyiꞌrattore qixxaawi. Qooxeessaho rosamino garinni keere haaꞌritto gedensaanni, maroottohu mayiraatiro haransite xawisse kuli. (Lawishshaho: “Techo kawa dayoommohu . . . ”)
Hasaawu mereero xaꞌmo eessatto gara, qummeeshsha nabbawattonna borro elatto gara hedi. (Lawishshaho: Qummeeshsha nabbawate togo yaa dandaatto: “Qullaawu Maxaafi tenne xaꞌmora qolanno dawaro lai.”)
DEEꞌNI
Metseetete giddonni woyyanno yaattohanna manna baxisanno birxicho doori
Qaete anni afa hasiꞌranno gedeetanna hasaawa hanafate kaaꞌlitanno xaꞌmo xaꞌmi; kayinni qola hooge saalfatanno gede assitanno xaꞌmo xaꞌmitooti. (Lawishshaho: Metseetete qoola 2 noo xaꞌmo xaꞌma dandaatto.)
Nabbawatto qummeeshsha doori. (Baqqi Yiiyye! yitanno metseete eltanni noottoha ikkiro, tenne metseete qixxeessinannihu gari geeshsha Qullaawa Maxaafa afinokkihunna ammaꞌno yitannore huluullamanno mannira ikkino daafira qummeeshsha nabbawano agurano dandaatto.)
Qaete anni konne birxicho nabbawiro afiꞌranno horo xawissannota mitte woy lame coyi fooliishsho qixxeessi
Lamunku wotira
Galagalte marte hasaawisatto wote dawaro qolatto xaꞌmo qixxeessi
Aantanno yannara yaattora qixxaawoottore hawattokki gede borreessite amaxxi