Yoonaasi Maxaafinni Maa Ronseemmo?

Yihowa ninke roso afiꞌneemmo gede, Qaalisi giddo ammanamino manni xagge borreessinanni gede assino. (Ro 15:4) Yoonaasi maxaafinni maa rossinoonni? Maatete Magansiꞌra: Yoonaasi—Yihowa Maaronni Roso Afiꞌra yitanno viidiyo laꞌini gedensaanni aante noo xaꞌmuwara dawaro qolate woꞌnaalle:

• Viidiyote giddo laꞌinite sase halashshaanora mayi qarri iillinonsa?

• Seejjinoonninkeha woy alba noonketa soqqanshote qoosso hoongoommoha ikkiro, Yoonaasi lawishshi jawaachishannonkehu hiittoonniiti? (1Sa 16:7; Yon 3:1, 2)

• Yoonaasi xagge soqqanshote qoqqowinke daafira gara ikkitino lao heedhannonke gede kaaꞌlitannonkehu hiittoonniiti? (Yon 4:11; Mt 5:7)

• Buutote dhibbi amadannonke wote, Yoonaasi lawishshi sheshifachishannonkehu hiittoonniiti? (Yon 2:1, 2, 7, 9)

• Qullaawa Maxaafa nabbawatenna hiincate daafira tenne viidiyonni maa rossinoonni?