Wedella—Danchu Loosira Diinaggaabbe

Soqqamaasinchu Phaawuloosi qullaawu ayyaaninni Tiitora borreessino sokkara, Tiito hattono wedellu ‘dancha coye assitanni baalunku coyira lawishsha ikkate’ sharrama hasiissannonsata kulino. (Ti 2:6, 7) Gedensaanni isi hatte fooliishshonkura, Yihowa daga ‘danchu loosira diinaggaawate’ qullaabbinore ikkitinota coyiꞌrino. (Ti 2:14) Konni danchu loosi giddo mittu sabbakatenna mannaho Maganu Mangiste daafira rosiisate. Wedelloota ikkitinoonniri wedellimmate wolqaꞌnenni kaaꞌlaano woy woꞌma yanna suwisaano ikka dandiitinanni?—La 20:29.

Suwisaano ikkitine soqqama hasidhinanniha ikkiro tennera kaaꞌlitannoꞌne mixo fushshidhe. (Lu 14:28-30) Lawishshaho, woꞌma yanna soqqamaancho ikkite soqqamatto woyite hasiisannohe woxe afiꞌra dandaattohu hiittoonniiti? Soqqanshote saate woꞌmitannohe gede assiꞌra dandaattohu ma garinni soqqamittorooti? Yihowa kaaꞌlannohe gede huucciꞌri. (Fa 37:5) Fushshiꞌrootto mixo annikkiranna amakkira hattono woꞌma yanna soqqamaano ikkite soqqamate qiniinonsa roduuwira hasaawi. Hakkiinni mixokki wonshiꞌrate sharrami. Yihowa isira soqqamate diinaggaabbe assattore maassiꞌrannoheti dihuluullissannote!

YIHOWA AYIRRISSANNI NOO WEDELLA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Mitu roduuwi suwisaano ikkite soqqamate hiikkonne qarra qeelte saꞌino? Qeelte saꞌinohu hiittoonniiti?

• Annuwunna amuuwu oosonsa woꞌma yanna suwisaano ikkitanno gede kaaꞌla dandiitannohu hiittoonniiti?

• Sabbakate pirogiraame fushshiꞌra hasiissannota ikkitinohu mayiraati?

• Songote miilla suwisaano jawaachishanna kaaꞌla dandiitannohu hiittoonniiti?

• Suwisaano ikkite soqqantannori afidhanno atooti maati?