“Konne “Coye Baala Wodaniꞌnera Wodhe!”

Hiikkonne coye? Filiphisiyusi Sokka 4:8, halaale ikkinoha, ayirrado, taalo, minshanniri nookkiha, baxille, dancha suꞌma, seyinohanna naandanni coye wodaninkera wodhineemmo gede jawaachishshannonke. Kayinni, Kiristaanu barru baala Qullaawa Borro daafira calla heda hasiissannonsa yaa diꞌꞌikkino. Ikkirono, wodaninkenni hendeemmori Yihowa hagiirsiisannoha ikka hasiissannosi. Hendeemmori isira ammanama qarra ikkitannonke gede assankera wodha dihasiissannonke.—Fa 19:14.

Gara ikkinokkire heda agura qarra ikkitankera dandiitanno. Gaarammeemmohu guuntete xeꞌne noo maalinke ledo calla ikkikkinni, ‘tenne gobba [alame] magano’ ikkinohu Sheexaanu ledooti. (2Qo 4:4) Alamenniha xaadooshshu buusa illaallisannohu Sheexaane ikkino daafira, televizhiinete, raadoonete, interneetetenna gaazeexaho fulannohu rooru coyi battaawinoho. Surrenke giddora eanno coye doodhineemmo woyite qoropha hoongummoro, gara ikkinokkire hendammora hattono galle honsanni gara ikkinokkire assinammora dandiineemmo.—Ya 1:14, 15.

AMMANAMA HOSHOOSHANNORE HOOꞌLA—GARA IKKINOKKI BOOHAARSHA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• 

  Roduu mobayilesinni laꞌꞌanni noori maati? Tini gawajjitinosihu hiittoonniiti?

• 

  Galatiyu Sokka 6:7, 8 nna Faarso 119:37 kaaꞌlitinosihu hiittoonniiti?