Sargete Qixxaabbinanni Woyite Alamete Lawishsha Harunsitinoonte

Sargensara qixxaawanno Kiristaani assa hasiissannonsahu duuchu coyi heeꞌranno. Insa qooxeessinsara rosamino garinni hoola yinoonni sarge assidhanno gede xixxiimbanninsaha ikkara dandaanno. Dancha jaallansanna maatensa sargensara ‘togo togo assidhe’ yite kultannonsaha ikkara dandaanno. Sargensara, keeraanchu tiiꞌꞌi heeꞌrannonsa gedenna gaabbisannori heeꞌrannokki garinni qixxaabbanno gede kaaꞌlannonsahu Qullaawu Maxaafihu xintu seeri hiikkonneeti?

YIHOWA AYIRRANNO GEDE ASSITANNO SARGE YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:

• Aane noohu Qullaawu Maxaafihu xintu seeri Niikinna Juliyaana kaaꞌlinonsahu hiittoonniiti?

  • 1Qo 10:31

  • 1Yo 2:15, 16

  • Ga 5:19-21

  • 1Xi 2:9

• Adhamate qixxaabbinori ‘jilu murricha’ ikkannonsaha ayyaanaamittetenni gikki yiino Kiristaancho doodha hasiissannonsahu mayiraati?—Yoh 2:9, 10.

• Niikinna Juliyaana hiikkonne uminsa doorsha doodhitino? Mayira?

• Sargete qixxaawonna woshshinanni manni daafira jeefote coye murannohu ayeti?—w06-AM 10/15 25, 26 guf. 10.