Qara Hedo Xawisate Lawishsha Horoonsiꞌra

Manna galagalle marre hasaawinseemmo woyite woy Qullaawa Maxaafa xiinxallinseemmo woyite, mannu qara hedo huwatanno gede kaaꞌla hasiissannonke. Qara hedo xawisate lawishsha horoonsiꞌne, rosu wodaninsara coanno gedenna roso habbannokki gede kaaꞌlineemmonsa.

Galagalte marte hasaawisate woy Qullaawa Maxaafa xiinxallisate qixxaawatto woyite, lawishshunni xawisa hasiꞌrattota qara qara hedo balaxxe hedi. Hakkiinni mannu afinore horoonsidhe huwatate qarrisannokki lawishsha doori. (Mt 5:14-16; Marq 2:21; Lu 14:7-11) Hasaawisatto manni budenna looso afate woꞌnaali. (Lu 5:2-11; Yoh 4:7-15) Mittu manchi kuloottosiri leelleennansa hagiidhinota laꞌꞌatto woyite, aterano tashshi yaannohe.

MANNA ROSAANO ASSATE LOOSINNI HAGIIDHE—DANDOOꞌNE WOYYEESSIDHE—QARA HEDO XAWISATE LAWISHSHA HOROONSIꞌRA YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• 

  Qullaawu Maxaafi rosaano mitto qummeeshsha huwatate kaaꞌlo hasiissannonsahu mayiraati?

• 

  Niita Roomu Sokka 5:12 noo hedo lawishshunni kultinohu hiittoonniiti?

• 

  Danchu lawishshi macciishshaanonke kaaꞌlara dandaannohu hiittoonniiti?

• Sabbankeemmo woyite, Yihowa dirijjite qixxeessitino viidiyubbanna rosiisate kaaꞌlannoha wole uduunne horoonsiꞌra hasiissannonkehu mayiraati?