KIRISTAANU HEESHSHO
Maateꞌne Giddo Baxille Leellishshe
Mitore gamba assine usurranni siiwo gede, baxillu maate mimmitunniwa gamba yitanno gede assanno. Baxillu hoogiro maatete mittimma baꞌaranna sumuu yite kaaꞌlama qarra ikkitansara dandiitanno. Ikkina minaanni, minaama, hattono annunna ama maatete giddo baxille leellisha dandiitannohu hiittoonniiti?
Baxillaanchu minaanni, minaamasira hasiisannore, mittu coyira noose laonna macciishshamannosere wodanchate woꞌnaalanno. (Ef 5:28, 29) Isi maatesira ayyaanaamittetennino ikko maalaamittetenni hasiisannonsare wonshanno; tenne giddo mitte ganye Maatete Magansiꞌra assiꞌrate. (1Xi 5:8) Baxillaancho minaama, minaannisera maahoyye yite galtanno, hattono iso lowo geeshsha ‘ayirrissanno.’ (Ef 5:22, 33; 1Ph 3:1-6) Lamunku mimmito mulla gatona yaa hasiissannonsa. (Ef 4:32) Oosonsa baxanno anninna ama mittu mittunku qaaqqinsara hedanno, hattono Yihowa baxxanno gede rosiissannonsa. (Mar 6:6, 7; Ef 6:4) Oosonsara rosu mine iillannonsa fonqoli maati? Oosonsa darawonsa gara ikkinokkire assitanno gede xixxiibbannonsata dandiite saꞌanni noohu hiittoonniiti? Maate baxillu woꞌminota ikkituro, baalanti maatete miilla beꞌe yitukki harshammi yite heedhanno.
MAATEꞌNE GIDDO GEEDANNO BAXILLE LEELLISHSHE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Baxillaanchu minaanni minaamasi itisannosehunna towaatannosehu hiittoonniiti?
Baxillaancho minaama minaannase ayirrissannota leellishshannohu hiittoonniiti?
Annuwunna amuuwu oosonsa wodanira Maganu Qaali qaꞌmanno gede assa dandaannohu hiittoonniiti?