Soqqantinanni Woyite Yannate Ikkanni Noore Horoonsidhe

Yesuusi soqqami yannara yannate ikkanni noore horoonsiꞌre rosiisino. (Lu 13:1-5) Atino mannu Maganu Mangiste sokka macciishsha hasiꞌranno gede assate yannate ikkanni noore horoonsiꞌra dandaatto. Hidhinanniri giira kaxxino gara, kalaqamu dano daafira, gaancete daafira, jingilli assitanno xagga adhanno manni batiꞌrinota woy wole togoore kulittohu gedensaanni, afate quqquxammanni gede assitanno xaꞌmo xaꞌmi. Togo yite xaꞌma dandaatto: “Kuri coyibba heedhannokki yanna daggannoha lawannohe?” Woy “Kuri coyibbara malu maati yaatto?” Hakkiinni tenne hajo ledo xaadooshshe afiꞌrinoha Qullaawu Maxaafi qummeeshsha nabbawi. Hasaawissanni nootto manchi hasatto noosita leellishiro viidiyo leellishi woy Rosiisate Horoonsiꞌneemmo Borro giddonni mitte eli. Soqqanshote qoqqowinkera heeꞌranno manni wodana kakkayisate sharrammeemmo woyite, ‘danchu duduwi daafira yine baalankare assino.’—1Qo 9:22, 23.

Soqqanshote qoqqowiꞌnera heeꞌranno manni macciishsha baxannori maati?