‘Uyitinannire Ikke’

Yesuusi, ninke uyineemmore ikkinummoro wolootuno uyitannore ikkitannota coyiꞌrino. (Lu 6:38) Uyineemmore ikkinummoro, ammanate roduuwinkeno shaqqaddanna eltannore ikkitanno.

Shaqqillunni aa magansiꞌranke widooti. Yihowa, kaaꞌlo hasiissannonsare ammanate roduuwansa shaqqillunni kaaꞌlitannore laꞌꞌanno hattono insa baꞌraasate qaale eino.—La 19:17.

UYITINANNIRE IKKITINOONNI DAAFIRA GALANTEEMMOꞌNE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Fushshitinanni woxe ammanate roduuwaꞌne kaaꞌlate horoonsiꞌnanni heeꞌnoonnihu hiittoonniiti?

• Uyineemmori ikki geeshshihano ikkiro, woꞌmanka woyite uyineemmore ikka hasiissannonkehu mayiraati?—JW.ORG aana nooha, “Mittu Jiro Wolu Qarra Tirtanno” yaanno birxichono lai.