KIRISTAANU HEESHSHO
Yihowa Dadillunni Hiiqqantinore Gatisannonsa
Ninke baalunku dadillineemmo woyiti no. Dadilla ayyaanaamittetenni shoshshogginoonnita leellishshannota diꞌꞌikkitino. Yihowa umisi dadillino woyiti noota coyiꞌrino. (Ka 6:5, 6) Kayi ganyine woy woꞌmanka woyite quwa saꞌne dadillineemmoha ikkirona?
Yihowa kaaꞌlannoꞌne gede alba isiwa higge. Yihowa surrenke keeraanchimma daafira lowo geya hedanno; qoleno quwa saꞌne dadillinammora dihasiꞌranno. Isi dadillineemmo woyiteno ikko hagiidhineemmo woyite laꞌꞌanno. Isira hagiidhineemmohuno ikko dadillineemmohu mayiraatiro leellannosi. (Fa 7:9a) Baalunkunni roore Yihowa dadillineemmo woyite woy quwa saꞌino yaaddo amaddannonke woyite, tenne dandiine saꞌneemmo gede kaaꞌlannonke hattono towaatannonke.—Fa 34:18.
Surreꞌne keeraanchimma seekkitine agadhe. Dadillu hagiirrenke hunannoha calla ikkikkinni Yihowa ledo noonke jaaloomano hunara dandaanno. Konnira wodananke yaano giddiidi ayimmanke agadhate dandiinummore baala assineemmo.—La 4:23.
QUWA SAꞌINO YAADDO HEEDHUNSARONO RODUUWINKE KEERINSA BAIKKINNI NOO GARA YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Niiki quwa saꞌino yaaddo dandee saꞌꞌate kaaꞌlannosere maa assitino?
Niiki xagisira hasiissannoe yite heddinohu mayiraati?—Mt 9:12
Niiki Yihowa kaaꞌlannoseta addaxxitinohu hiitte doogganniiti?