Agarooshshu Shaeta INTERNEETETE LAYIBIRERE
Agarooshshu Shae
INTERNEETETE LAYIBIRERE
Sidaamu Afoo
  • QULLAAWA MAXAAFA
  • ADDI ADDI BORRO
  • GAMBOOSHSHE
  • wp23 Kir. 1 qool. 3-4
  • Alame Woꞌmate Nooha Surrete Fayyimma Qarra

Doodhootto borrora viidiyo dino.

Hasi'rootto viidiyo fa'nama didandiitino.

  • Alame Woꞌmate Nooha Surrete Fayyimma Qarra
  • Yihowa Mangiste Egensiissannota Agarooshshu Shae (Ellannita)—2023
  • Cinaancho Birxichuwa
  • Fiixxanno Birxichuwa
  • Surrete fayyimma maati?
  • Surrete xisso . . .
  • Surrete xissora kaaꞌlo afiꞌra
  • Maganu Guuta Surrete Fayyimma Afiꞌnanni Yanna Abbara Hexxo Uyino
    Yihowa Mangiste Egensiissannota Agarooshshu Shae (Ellannita)—2023
  • 4 | Qullaawu Maxaafi Kaajja Amaale Amaalanno
    Yihowa Mangiste Egensiissannota Agarooshshu Shae (Ellannita)—2023
  • Fayyimmate Agarooshshe—Maganu Gashshooti Assannore
    Wole Birxichuwa
  • Bitima
    Yihowa Mangiste Egensiissannota Agarooshshu Shae (Ellannita)—2023
Ledde Nabbawi
Yihowa Mangiste Egensiissannota Agarooshshu Shae (Ellannita)—2023
wp23 Kir. 1 qool. 3-4
Mitte lowo geeshsha yaaddino beetto maskootenniwa ofolte no.

Alame Woꞌmate Nooha Surrete Fayyimma Qarra

“Mine calliꞌya ofolle noommo yannara nafa duucha woyite yaadeemmo.”

“Quwa sae hagiidheemmo woyite yaadeemmo. Mayira yiniro togoo hagiirri gedensaanni, mulenni hexxo mudheemmota afoommo.”

“Duucha woyite techoo barri daafira calla hedate woꞌnaaleemmo; mito woyite kayinni hedeweelcho duuchu coyi daafira yaadeemmo.”

Tenne coyidhinori surrete dhibbi waadannonsareeti. Ate hatto asse egenninohe? Woy hatto assannosihu wolu afootto manchi no?

Hatto ikkiro, hatto assannohehu ate calla diꞌꞌikkootto. Xaa yannara batinye manna woy maatensanna jaallansa surrete dhibbi waadanno.

Heeꞌnoommohu “qarrissanno yanna” giddo ikkino daafira, yaandeemmo gede assannonkehu bacu coyi no. (2 Ximootewoosi 3:1) Mitte xiinxallo, alamete aana settu manni giddo mitto surrete xisso waaddannota xawissino. Koroonu fayyanni kainohunni, 2020nni yaaddo amaddino manni kiiro sai dirinni xibbunni 26 anga lexxitino; quwa saꞌino yaaddo waaddanno manni kiiro kayinni xibbunni 28 anga lexxitino.

Ikkollana, qaru coyi surrete dhibbi waadanno manni kiiro mageeshshitero afa ikkikkinni, togoo xisso noonsa manna hiitto assannonsaronna kaaꞌlannonsari maatiro afate.

Surrete fayyimma maati?

Surrenke fayyo ikkituro giddonke hagiidhitanno; hattono assineemmore garunni assa dandiineemmo. Qoleno yaachishanno coye qeelle saꞌꞌa, loonseemmo loosinni dancha guma afiꞌranna heeꞌneemmo heeshshonni harshammi yaa dandiineemmo.

Surrete xisso . . .

  • Ninke laanfenni daggannota DIꞌꞌIKKITINO.

  • Quwa saꞌne yaandanni gedenna garunni hendannikki gede assanno dhibbaati.

  • Wolootu ledo dancha aante heedhannonkekki gede, hattono barru barrunku loosa hasiissannonke looso loosa qarra ikkitannonke gede assitara dandiitanno.

  • Ajano akkalano, woy addi addi budi, sirchi, gaꞌrenna ammaꞌno wido ikkino manna baala hattono roso rosinohanna rosinokkiha, buxicho woy dureessano ikkiro duuchunku gari manna amaddara dandiitanno.

Misilla: 1. Mittu qaaqqi lowo geeshsha yaadino. 2. Mittu manchi yaaddinota minaamasi sheshifachishanni no. 3. Mitte mancho akimittete ledo hasaabbanni no.

Surrete xissora kaaꞌlo afiꞌra

Mittu manchira hedeweelcho akatisi soorramara, goxichu giwasira woy quwa sae goxara, sagale giwara woy quwa sayise itara hattono seeda yanna yaadara woy dadillara dandaanno; togoo yannara konni qarrira kaima ikkinore afatenna xagisate kaaꞌlo hasiissannosiha ikkara dandaanno. Ikkina togoo yannara kaaꞌlo afiꞌra dandiinannihu hiikkiinniiti?

Uullate aana heeꞌrino manni baalunkunni roore hayyicha ikkinohu Yesuusi Kiristoosi, “Dhiwantinorira ikkinnina fayyaaleeyyete xagisaanchu dihasiisannonsa” yiino. (Maatewoosi 9:12) Togoo xisso waadannonsari hasiissannonsa kaaꞌlonna xagicho afidhuro, beedho afiꞌranna hagiirru noota dancha heeshsho heeꞌra dandiitanno. Dhiwanu malaati shota ikka hoogironna lexxanni haꞌrannoha ikkiro ranke akimete minira haꞌra hayyote.a

Qullaawu Maxaafi xaggate daafira kulanno maxaafa ikka hoogirono, aanno amaale surrenke fayyimmarano kaaꞌlitannonke. Aante noo birxichuwara, Qullaawu Maxaafi surrete xisso ledo xaadooshshe afiꞌrino qarra qeelate kaaꞌlannonkehu hiittoonniitiro ronseemmo. Kuri birxichuwa ballo seekkite nabbawi.

a Agarooshshu Shae xagisiꞌnanni gara badde kulte tini doogo roortanno diyitanno. Mittu mittunku manchi ma garinni xagisiꞌrannoro doodhanno woyite noosi doorsha heeshshi gotti asse heda hasiissannosi.

    Sidaamu Afii Borro (1995-2025)
    Fuli
    Ei
    • Sidaamu Afoo
    • Woleho Soyi
    • Addi Addi Doorsha
    • Copyright © 2025 Watch Tower Bible and Tract Society of Pennsylvania
    • Sheemaate
    • Foju Biddishsha
    • Privacy Settings
    • JW.ORG
    • Ei
    Woleho Soyi