Xiinxallate Kaaꞌlitanno Hedo

Yihowate Baxissanno Akatta Daafira Leddine Afate Woꞌnaalle

Qullaawa Maxaafa nabbambeemmo woyite, nabbamboommore roore huwatate addi addi uduunne horoonsiꞌra dandiineemmo. Ikkirono xiinxallineemmohu egenno lexxate calla diꞌꞌikkino. Yihowa ayimma daafira kultannota ayyaanaamittete jirono afiꞌra hasiꞌneemmo; tini isira noonke baxilli lexxanno gede assitanno. Togoo jiro afiꞌrate ninkeneeto, ‘Tini xagge Yihowa daafira maa rosiissannoe?’ yine xaꞌma dandiineemmo.

Lawishshaho Yihowa baxilli, hayyo, taashshonna wolqa daafira albinni roore afate xiinxalla dandiineemmo. Ikkirono Yihowa ayimma daafira kultannoti tenne akatta callaati yaa diꞌꞌikkino. Isira wole baxissanno akattano noosi. Kuri akatta daafira kultanno mashalaqqe mamiinni afiꞌra dandaatto?

Yihowa Farciꞌraasinete Xiinxallote Kaaꞌlitanno Borro giddo nooha “Magano Yihowa” yaanno birxichi hunda nooha “Yihowa Akatta” yaannoha lai. Hakkiinni nabbabbanni nootto xagge ledo xaadooshshe afidhino akatta illachishi.