Qaagatto?

Muli yannara fultinota Agarooshshu Shae metseetta seekkite nabbawootto? Hanni kuri xaꞌmuwara dawaro qolate woꞌnaali:

Meento ayirrisate Yihowa lawishsha ikkannonkehu hiittoonniiti?

Isi meentono labballono taashshe laꞌꞌanno. Maganu insa macciishshannonsa hattono giddonsatanna yaachishannonsare afa hasiꞌranno. Qoleno uyinonsa looso loose umo fushshannota ammanannonsa.—w24.01, qoola 15-16.

“Togoo manni ledo gutu heeꞌroonkeꞌne” yitannota Efesooni Sokka 5:7 noo amaale haꞌrunsa dandiineemmohu hiittoonniiti?

Soqqamaasinchu Phaawuloosi, Maganu biddishsha agadha qarra ikkitannonke gede assanno manni ledo aana qorophineemmo gede kulanni no. Togoo manni ledo xaande woy dagoomittete webisayite widoonni jaalooꞌmineemmokki gede qoropha hasiissannonke.—w24.03, qoola 22-23.

Qoropha hasiissannonketi kaphu mashalaqqe hiikkuriiti?

Ammanate roduuwinke danchare hedde kultannonkeha buunxoonnikki coye, anfoommokki manni soyinonke iimeele hattono halaale baxxannore labbanno kaadaasine qoropha hasiissannonke.—w24.04, guf. 12.

Yihowa Moote Selemoonira, Soddoomahonna Gomooraho reyino mannira hattono Baote Wayi yannara reyino mannira yaanno yoo lainohunni anfoommonna anfoommokki coyi maati?

Yihowa insa hegerera baꞌanno yee murinoronna teꞌee dianfoommo. Ikkirono, isi baalankare afinotanna maarote dureessa ikkinota anfoommo.—w24.05, guf. 3-4.

Maganu ‘jawaata goꞌlinanni kincho’ ikkasi maa buuxissannonke? (Mar. 32:4)

Yihowa golonke assiꞌra dandiineemmo. Isi addaxxinanniho, hattono eino qaale wonshannoho. Qoleno akatisino hedinorino disoorramanno.—w24.06, qoola 26-28.

Haaro songo rosatto gede mayi kaaꞌlannohe?

Yihowa addaxxi; isi konni albaannino soqqamaanosi kaaꞌlino daafira ateno kaaꞌlannohe. Haaro songokki bashshote ledo heewisiissooti. Haaro songo ledo mitteenni loosi hattono haaro jaalla kalaqiꞌrate woꞌnaali.—w24.07, qoola 26-28.

Maatewoosi fooliishsho 25 kulloonnihu sasu lawishshinni maa ronseemmo?

Geꞌreewunna meu daafira kulanno lawishshi ammanammoommore ikka hasiissannonketa luphi asse kulanno. Busulootunna gowwootu seemooti daafira kulanno lawishshi qixxaamboommore ikka hasiissannonketa kulanno. Qoleno taalaantete lawishshi diinaggaamboommorenna chaachaaroota ikka kaaꞌlitanno gara kulanno.—w24.09, qoola 20-24.

Salamoonihu qullaawu mini gafo hojja mageeshshite?

Angatenni galchinoonniti mite hundi borro 2 Duduwo 3:4te hojja “120 cigile” ikkitannota kultanno; hatto yaano 53 meetire (175 haꞌruma) ikkitanno yaate. Ikkollana wole addaxxinanni borro “20 cigile” ikkitanno yitanno; hatto yaano gafo hojja honse meetire ikkitanno yaate. Qullaawu mini girgiddi duꞌmille hendiro layinki hedo roore gara labbanno.—w24.10, qoola 31.

Songote soqqamaanchi ‘mitte galteha’ ikka hasiissannosi yaa mayyaate? (1 Xim. 3:12)

Mitte galte calla adha hasiissannosi; hattono foora dihasiissannosi yaate. Hakkiinni saeno, wole meyatera gara ikkinokki baxille leellisha dihasiissannosi.—w24.11, guf. 19.

Yohaannisi 6:53 noo hedo Mootichu Hurbaati yannara assinannire leellishshannota diꞌꞌikkitino yineemmohu mayiraati?

Yohaannisi 6:53 Yesuusi maala itanna mundeesi aga hasiissannota kultanno. Yesuusi tenne hedo coyiꞌrinohu 32 M.D. Galiilaho Ayihudete manniraati; insa xaano iso ammana hasiissannonsa. Ikkirono, Mootichu Hurbaate xintinoonnihu mittu diri gedensaanni Yerusaalameteeti. Yesuusi hakkiicho coyiꞌrinohu iima isi ledo mookkannoriraati.—w24.12, guf. 10-11.