Callimmate Shetto—Gargadha Dandaatto Gara

• “Ameerikaho heeꞌrannohu anja egemmino manni giddo darate meddi yaannohu callimma amaddinonsata coyiꞌrino; hakko iso kuni qarri roore huwinori wedellootaho.”—Callimmatenna Mannunniwa Gambo Giwate Fayya: Ameerikaho Fayyimmate Agarooshshi Gashshaanchi Dagoomittete Aantenna Dagoomu Fayyimmate Kaaꞌlanno Gara Xawisino, 2023.

• “[Alamenniti Fayyimmate Uurrinsha] callimma fayyimma buuto gawajjanno coyi gede assite xiinxallitannota, mannu albinni roore mimmitunniwa aananno gede jawaachishshannota hattono buxichono ikkito dureetteno ikkito baalante gobbara callimma gargarate loossannota addi gaamo xintitinota egensiissino.”—Alamennita Fayyimmate Uurrinsha, Bocaasa 15, 2023.

Qullaawu Maxaafi mannu ledo dancha aante heedhannonke gede kaaꞌlitannota kaajja amaale kulanno.

Kaaꞌlannoha Qullaawu Maxaafi biddishsha

Mannuwiinni xeertiꞌratto gede assannohe coye ajishi. Tennera kora ikkannori giddo mittu dagoomittete miidiya quwa sayise horoonsiꞌrate. Hatteentenni, mannu noowa maratenna addu jaalla kalaqiꞌrate kaaꞌlitanno faro hasiꞌri.

• Qullaawu Maxaafi biddishsha: “Jaalu woꞌmanka woyite jaalaholla; roduuno qarru barra iillanno.”—Lawishsha 17:17.

Woloota kaaꞌlatto faro hasiꞌri. Mannaho danchare assa jaalooma kaajjishshannoha calla ikkikkinni ninkeno hagiirraamma ikkineemmo gede assitanno.

• Qullaawu Maxaafi biddishsha: “Adhannonkunni aannohu baꞌraaꞌrinoho.”—Soqqamaasinete Looso 20:35.

Dancha jaalooma kalaqiꞌrate kaaꞌlitannota Qullaawu Maxaafi amaale ledde afate, webisayitenke daaꞌꞌati.