Cuuamate Yaa Mayyaate?
Qullaawu Maxaafi mayyaanno?
Cuuamate yaa wayi giddora gudisame eꞌꞌe fulate.a Qullaawu Maxaafi giddo cuuaminota kulloonnihu batinyu manni no. (Soqqamaasinete Looso 2:41) Kuri giddo mittu Yesuusaati; isi cuuami woyite wayi giddora gudisame lixe fulino. (Maatewoosi 3:13, 16) Yannate gedensaanni, mittu Itiyophiyu manchi haꞌranni noo doogora mule noo “wayi” giddo eꞌꞌe cuuamino.—Soqqamaasinete Looso 8:36-40.
Yesuusi, isi rosaano ikkitannori cuuama hasiissannonsata rosiisino. (Maatewoosi 28:19, 20) Soqqamaasinchu Pheexiroosino tenne xawise coyiꞌrino.—1 Pheexiroosi 3:21.
Konni birxichira
Daaima cuuatenna Kiristinna kayisate daafira Qullaawu Maxaafi mayyaanno?
Annu, Beettunna qullaawu ayyaani suꞌminni cuuamate yaa mayyaate?
Cuuamate tiro
Cuuama, mittu manchi cubbisira maaro einotanna aye coyino tuncu yiisiro Maganu fajjo wonshanni heeꞌrate qaale einota mannaho leellishate assannoreeti. Cuuamino manchi woꞌmanka woyite Yihowaranna Beettisi Yesuusira owaate hajajamanni heeꞌranno. Qoleno cuuantannori hegere heeshshowa massitanno doogo haꞌra hanaffino yaate.
Wayi giddo cuuama, mittu manchi heeshsho soorrantinota leellishannoho dancha malaateeti. Hiitto? Qullaawu Maxaafi, cuuama madaaramate ledo heewisiisanno. (Roomu Sokka 6:4; Qolasiyaasi Sokka 2:12) Mittu manchi cuuamanni wayi giddo lixanno woyite, albi heeshshosira reyinota leellishanni no. Wayi giddonni fulanno woyite kayinni, heeshshosi Maganoho sayise uyino Kiristaancho ikke haaro heeshsho heeꞌra hanafinota leellishanni no.
Daaima cuuatenna Kiristinna kayisate daafira Qullaawu Maxaafi mayyaanno?
“Kiristinna kayisa” yaanno qaali Qullaawu Maxaafi giddo dino.b Qoleno Qullaawu Maxaafi daaima qaaqquulle cuua hasiissanno yee dirosiisanno.
Daaima cuua Qullaawu Maxaafi rosi ledo sumuu yaannokki seeraati. Qullaawu Maxaafi, cuuamanno manchi balaxe assa hasiissannosiri noota kulanno. Lawishshaho, kuni manchi ajayi ajeenna qara qara Qullaawu Maxaafi roso afanna hakko rosi ledo sumuu yee heeꞌra hasiissannosi. Cubbisirano maaro einoho. Qoleno huuccatto assiꞌre heeshshosi Maganoho sayise uyinoho. (Soqqamaasinete Looso 2:38, 41; 8:12) Daaimu woy shiimmaaddu qaaqquulli tenne baala assite diaffanno.
Annu, Beettunna qullaawu ayyaani suꞌminni cuuamate yaa mayyaate?
Yesuusi rosaanosi, “Daga baalante giddonni manna rosaanoꞌya asse; Annu, Beettunna qullaawu ayyaani suꞌminni cuuꞌensa; hajajoommoꞌnere baala agadhitanno gedeno rosiissensa” yee hajajino. (Maatewoosi 28:19, 20) “Annu, Beettunna qullaawu ayyaani suꞌminni” yaa, cuuamanno manchi Annunna Beettu silxaane afe ayirrisannoho, hattono qullaawu Maganu ayyaani looso huwatinoho yaate. Lawishshaho, soqqamaasinchu Pheexiroosi ilami barrinni kayise laanshaawe heeꞌrino manchira, “Naazireetennihu Yesuusi Kiristoosi suꞌminni kaꞌe haꞌri!” yiinosi. (Soqqamaasinete Looso 3:6) Hatto yaasi goꞌlitinota diꞌꞌikkitino; Pheexiroosi Kiristoosi silxaane ayirrisannotanna hakkoye mancho hursanni noohu isi uyinosi wolqanni ikkinota buuxisanni no.
“Annu” yinihu Magano Yihowaati.c Yihowa Kalaqaancho, Heeshshote Buichonna Woꞌmanka Dandaanno Magano ikkino daafira gawalo nookki silxaane noosiho.—Kalaqama 17:1; Yohaannisi Ajuuja 4:11.
“Beettu” yinihu Yesuusi Kiristoosiiti; isi heeshshosi ninkera yee sayise uyino. (Roomu Sokka 6:23) Maganu mannu oosora hedinore wonshate Yesuusa horoonsiꞌranno gara anfe qeechasi ayirrisa hoongummoro gato afiꞌra didandiineemmo.—Yohaannisi 14:6; 20:31; Soqqamaasinete Looso 4:8-12.
“Qullaawu ayyaani” Maganu wolqaati; loosu aana noo wolqasiiti yaate.d Maganu qullaawu ayyaanisinni addi addi coye kalaqino, heeshsho uyino, masaalaanotenna wolootaho sokkasi sayisino, hattono fajjosi wonshate hasiissanno jawaante uyinonsa. (Kalaqama 1:2; Iyyoobi 33:4; Roomu Sokka 15:18, 19) Qoleno Maganu Qullaawa Maxaafa borreessituri isi hedo sayissanno gede qullaawa ayyaanasi uyinonsa.—2 Pheexiroosi 1:21.
Wirro cuuama cubbo ikkitino?
Batinyu manni ammaꞌnonsa agure wolete higanno. Kayinni insa alba noo beetekiristaane giddo cuuantinorella ikkitu? Galagalte cuuanturo cubbo ikkannonsa? Efesooni Sokka 4:5 “Mittu Mootichi, mitte ammaꞌnanna mitte cuuama no” yitanno daafira, mitu manni wirro cuuama cubboho yaanno. Ikkollana kuni qummeeshshi, mittu manchi wirro cuuama hasiissannosikkita kulannoha diꞌꞌikkino. Hiitto?
Qooxeessaho noo hedo: Efesooni Sokka 4:5 qooxeessaho noo hedo kultanno garinni, soqqamaasinchu Phaawuloosi addu Kiristaani ammanatenni mitto ikka hasiissannonsata luphi asse xawisanni no. (Efesooni Sokka 4:1-3, 16) Togoo mittimma heedhannohu baalunku mittu Mootichi Yesuusi Kiristoosi hoode hadhannore, mittu gari ammana noonsarenna mittu gariti Qullaawu Maxaafi egenno noonsare ikkituro callaati; qoleno baalunku Qullaawu Maxaafi cuuamate daafira kulannore ammana hasiissannonsa.
Soqqamaasinchu Phaawuloosi alba cuuaminoha mito manna wirro cuuamanno gede jawaachishino. Isi hatto assinohu insa Kiristaanu roso gudisse huwattukki cuuantino daafiraati.—Soqqamaasinete Looso 19:1-5.
Cuuamate kaima ikkannore. Mittu manchi cuuamasi Magano hagiirsiissannohu, hakku manchi gara ikkitinota Qullaawu Maxaafi egenno afiꞌre cuuaminoha ikkirooti. (1 Ximootewoosi 2:3, 4) Mittu manchi Qullaawu Maxaafi ledo sumuu yaannokkiha ammaꞌnote roso ammane cuuamannoha ikkituro, Maganu hattee cuuamanni dihagiidhanno. (Yohaannisi 4:23, 24) Hakku manchi cuuaminohu fayyo giddonni ikkiro nafa, cuuamasi “halaalu egenno” aana xintantinota diꞌꞌikkitino. (Roomu Sokka 10:2) Konnira Magano hagiirsiisa dandaanno gede, Qullaawu Maxaafi halaale rosa, rosinore loosu aana hosiisa, heeshshosi Maganoho sayise aanna wirro cuuama hasiissannosi. Togoo yannara wirro cuuamasi cubbo diꞌꞌikkitanno. Isinni assa hasiissannosireeti.
Qullaawu Maxaafi giddo kulloonnita wole cuuama
Qullaawu Maxaafi, Kiristoosi rosaano wayi giddo lixxe cuuantanno cuuamano agurranna wolu gari cuuama nootano kulanno. Hanni mito lawishsha laꞌno.
Cuuaanchu Yohaannisi cuuino cuuama.e Ayihudenna insa ammaꞌnora higino manni Maganu Israeelete uyinoha Muse Seera agadha hoogansanni loossino cubbira maaro eꞌinota leellishate Yohaannisiwa marte cuuantanno. Kuni manni Yohaannisiwa mare cuuamansa Buuraminoha Naaziretete Yesuusa Gatisaanchonsa assite adhate qixxaabbanno gede kaaꞌlitinonsa.—Luqaasi 1:13-17; 3:2, 3; Soqqamaasinete Looso 19:4.
Yesuusi cuuama. Yesuusa cuuinohuno Cuuaancho Yohaannisiiti; Yesuusi cuuama kayinni wole baalantenni baxxitinote. Yesuusi guutaho; qoleno isi horo cubbo diloosino. (1 Pheexiroosi 2:21, 22) Hakko daafira isi cuuaminohu maaro einota leellishate woy “keeraancho tiia afiꞌrate” yee diꞌꞌikkino. (1 Pheexiroosi 3:21) Hatteentenni isi cuuaminohu Buuramino Moote woy Kiristoosi ikke Maganu fajjo wonshate umosi shiqishinota leellishateeti. Maganu fajjo giddo mitte Yesuusi ninkera reyasiiti.—Ibiraawoota 10:7-10.
Qullaawu ayyaaninni cuuama. Cuuaanchu Yohaannisino Yesuusi Kiristoosino qullaawu ayyaaninni cuuamate daafira coyidhino. (Maatewoosi 3:11; Luqaasi 3:16; Soqqamaasinete Looso 1:1-5) Hatti cuuama qullaawu ayyaani suꞌminni cuuamate ledo mitte diꞌꞌikkitino. (Maatewoosi 28:19) Hatto yineemmohu mayiraati?
Yesuusi rosaano giddo qullaawu ayyaaninni cuuantannori kiiro bande kulloonni. Insa gordoho Kiristoosi ledo mootoollanna kakkalaano ikkite baatto gashshitara qullaawu ayyaaninni buurantinoreeti.f (1 Pheexiroosi 1:3, 4; Yohaannisi Ajuuja 5:9, 10) Insa baattote aana Gannatete heeꞌrate hexxo noonsare lowo miliyoone ikkitannore Yesuusi rosaano gashshitanno.—Maatewoosi 5:5; Luqaasi 23:43.
Kiristoosi Yesuusi ledo mitto ikkate cuuamanna reyosi beeqqate cuuama. Qullaawu ayyaaninni buurantinori “Kiristoosi Yesuusi ledo mitto [ikkateno]” cuuantino. (Roomu Sokka 6:3) Hakko daafira tini cuuama, Yesuusi ledo gordoho mookkannori buurantino rosaanosi cuuantannote. Insa Yesuusi ledo mitto ikkate cuuantanno woyite, buurantino songosi miilla ikkitanno. Isi songote Umoho; insa kayinni bisoho.—1 Qorontoosi 12:12, 13, 27; Qolasiyaasi Sokka 1:18.
Buuramino Kiristaani ‘Yesuusi reyo beeqqateno cuuamanno.’ (Roomu Sokka 6:3, 4) Insa Yesuusi lawishsha harunsite, umonsa hagiirsiisantenni Maganoho hajajantanni heedhanno; qoleno Yesuusinte gede, insano baattote aana hegerera heedhannokkita affino. Insa reyite kaꞌe gordoho ayyaanu kalaqo ikkite heeꞌra hanaffanno woyite tini cuuamansa gooffanno.—Roomu Sokka 6:5; 1 Qorontoosi 15:42-44.
Giiratenni cuuama. Cuuaanchu Yohaannisi macciishshanni noo mannira togo yiino: “Ane gedensaanni daannohu kayinni [Yesuusi] Qullaawu Ayyaaninninna giiratenni cuuannoꞌne. . . . Isi woowansinanni woowancho anga haaꞌre no. Hatte woowanchonni ayiddummesi coꞌo asse fee, qamade gamba asse qaldaho woranno. Kura kayinni xoꞌannokki giirara tuganno.” (Maatewoosi 3:11, 12) Giiratenni cuuamatenna qullaawu ayyaaninni cuuamate mereero badooshshu noota wodanchi. Yohaannisi konne lawishsha coyiꞌrinohu maa kulateeti?
Qamade Yesuusi yaannore macciishshe hajajamanno mannira lawishshaho. Kuni manni qullaawu ayyaaninni cuuamate qoosso afiꞌranno. Kuru kayinni Yesuusi rosiisannore macciishsha giwanno mannira lawishshaho. Insati geedonsa giiratenni cuuama ikkitanno; hatto yaa insa hegerera baꞌanno yaate.—Maatewoosi 3:7-12; Luqaasi 3:16, 17.
a Mitte borro kultanno garinni, “cuuama” yine tirroonnihu Giriikete afii qaali “wayi giddora ea, eꞌne kaꞌne gudisame lixanna hakkiinni fula” yitanno tiro afiꞌrinoho.—Vine’s Complete Expository Dictionary of Old and New Testament Words.
b “Kiristinna kayisa” mite mite beetekiristaane qaaqquulleho suꞌma fushshite kaꞌe waa wixxe woy umoho dunte wonshitanno seeraati; insa hattee “cuuate” yitanno.
c Yihowa Maganu suꞌmaati. (Faarso 83:18) “Yihowa Ayeti?” yaanno birxicho lai.
d “Qullaawu Ayyaani Maati?” yaanno birxicho lai.
e “Cuuaanchu Yohaannisi Ayeti?” yaanno birxicho lai.
f “Gordo Hadhannori Ayeooti?” yaanno birxicho lai.
g Qullaawu Maxaafi giddo “cuuama” yaanno qaale, Magano magansiꞌrate horoonsiꞌnanniha mito uduunne hayishshinanni gara kulateno horoonsiꞌnoonni. (Maarqoosi 7:4; Ibiraawoota 9:10) Tini kayinni Yesuusinna rosaanosi wayi giddora gudisante eꞌe cuuantino cuuama ledo mitte ikkitinokkiti egennantinote.