Yihowa muli yannara, Mangistesi widoonni qarranke baala hunanno. Kuni duduwi lowo geeshsha dancha ikkino daafira, mannu baalunkura kula hasiissannoho. Yesuusi rosaanosi tenne sokka manna baalaho kultara hasiꞌranno! (Maatewoosi 28:19, 20) Yihowa Farciꞌraasine Yesuusi hajajinore wonshitanni noohu hiittoonniiti?

1. Maatewoosi 24:14te noo masaalo yannankera woꞌmitanni noohu hiittoonniiti?

Yesuusi togo yee masaalino: “Kuni Maganu Gashshootihu Danchu Duduwi gobba baalate kulamanno.” (Maatewoosi 24:14) Yihowa Farciꞌraasine konne lowo geeshsha hasiisanno looso loosa baxxanno. Dancha duduwo alamete doyichora 1,000 saꞌꞌanno afiinni sabbankanni heeꞌnoommo! Konne halaꞌlado looso loosate lowo sharronna dancha gede qinaawa hasiissanno. Yihowa kaaꞌlo nookkiha konne looso umo fushsha didandiinanni.

2. Mannaho dancha duduwo duduwate sharrammeemmohu hiittoonniiti?

Mannu noowa baalankawa sabbankeemmo. Umi xibbi diri Kiristaaninte gede, ‘minunni mine’ haꞌne sabbankeemmo. (Soqqamaasinete Looso 5:42) Konni garinni diinaggaambe soqqammeemmo daafira, diru dirunku lowo miliyoone ikkanno manna hasaawinseemmo. Mito woyite mannu mine heeꞌrannokki daafira, gudumaalehonna tuutiwano sabbankeemmo. Woꞌmanka woyite mannaho Yihowarenna isi ninkera hedinore kulate faro hasiꞌneemmo.

3. Dancha duduwo duduwa hasiissannonsari ayeooti?

Addu Kiristaani baalunku dancha duduwo mannaho kula hasiissannonsa. Konne looso mulluri gede assine dilaꞌneemmo. Dudumbeemmo sokka mannu lubbo gatissannota anfoommo daafira, dandaaminke deerrinni konne looso woꞌma wolqankenni loonseemmo. (1 Ximootewoosi 4:16 nabbawi.) Qullaawu Maxaafi “Calla adhitinoonnire calla uuyye” yaanno daafira, sabbankeemmohu woxe uyineennanke diꞌꞌikkino. (Maatewoosi 10:7, 8) Hige batinyu manni sokkanke macciishsha hasiꞌrannokkita anfoommo. Ikkirono, sabbakanke Yihowara hajajama ikkitino daafiranna iso hagiirsiissannohura, sabbakanke diagurreemmo.

LEDDE XIINXALLI

4. Mannu baalunkura halaale duduwate sharrammeemmo

VIIDIYO: “Gobbate Qacce Geeshsha” Halaale Duduwa (7:33)

• Yihowa Farciꞌraasine halaale duduwate sharrantanno gara hedatto woyite dhagge ikkannoheri maati?

Maatewoosi 22:39 nna Roomu Sokka 10:13-15 nabbabbe; hakkiinni aante noo xaꞌmuwa hasaabbe:

• Soqqanshonke manna banxeemmota leellishshannohu hiittoonniiti?

• Dancha duduwo dudubbannori Yihowa albaanni hiittooreeti?—Kiiro 15 lai.

5. Ninke Maganu ledo loonseemmoreeti

Batinye woꞌnaalshuwa leellishshannonte gede, Yihowa loosonke qineessanni no. Lawishshaho, Niwu Zilaandete gobbara Pooli yinanni rodii barra minunni mine haꞌre soqqamanni heeꞌre mitte manchonni xaadino. Tini mancho hakko barra soodo widoonni, mittu manchi daye hasaawisannose gede kaaꞌlasera Yihowa yinanniha Maganu suꞌma gante huuccatto assidhino. Pooli, “Sase saate gedensaanni minisera maroommo” yiino.

Umi Qorontoosi 3:9 nabbabbe; hakkiinni aante noo xaꞌmo hasaabbe:

• Niwu Zilaandete gobbara ikkinohu gedee woꞌnaalshi, Yihowa loosonke massaganni noota leellishannohu hiittoonniiti?

Soqqamaasinete Looso 1:8 nabbabbe; hakkiinni aante noo xaꞌmo hasaabbe:

• Soqqanshonkera Yihowa kaaꞌlo hasiissannonkehu mayiraati?

Ati tenne afootto?

Lamalate kiiro, lamalate mereero assiꞌneemmo gambooshshiwa soqqanshote kaaꞌlanno qajeelsha afiꞌneemmo. Togoo gambooshshe hadhe macciishshite egennoottoha ikkiro, konni qajeelshi daafira mayyaatto?

6. Maganu halaale dudubbe yee hajajinonke hajajo ayirrinseemmo

Umi xibbi diro, halaale gibbannori Yesuusi rosaano sabbakkannota hoolate woꞌnaaltino. Hundi Kiristaani “Dancha Duduwo xiibbannore gargare” sabbakate qoossonsa agarantanno gede assiꞌrino. (Filiphisiyusi Sokka 1:7) Xaa yannara Yihowa Farciꞌraasineno hatto assitanno.a

VIIDIYO: Danchu Duduwira Higgetenni Gaarama (2:28)

Soqqamaasinete Looso 5:27-42 nabbabbe; hakkiinni aante noo xaꞌmo hasaabbe:

• Sabbaka agurreemmokkihu mayiraati?—Kiiro 29, 38, nna 39 lai.

XAPHISHSHA

Yesuusi rosaanosi dancha duduwo daga baalate dudubbanno gede hajajino. Yihowa mannisi konne looso loosanno gede kaaꞌlanni no.

Kageeshsha Rosoottore

• Dancha duduwo alame woꞌmate aana dudumbanni heeꞌnoonnihu hiittoonniiti?

• Soqqanshonke manna banxeemmota leellishshannohu hiittoonniiti?

• Sabbakate loosi hagiirsiisanno looso lawannohe? Mayira?

EGENNO LEXXI

Yihowa Farciꞌraasine jajjabba katammara heeꞌranno mannira sabbakkannohu hiittoonniiti?

Paarisi Katamira Soqqammoonnita Baxxitinota Gudumaalu Soqqansho (5:11)

Yihowa Farciꞌraasine darame dayino manna kaaꞌlate maa assitino?

Darame Dayino Manni Giddo Ayyaanaamittetenni Goodhinore Kaaꞌla (5:59)

Mitte rodoo woꞌma yanna soqqansho heeshshose hagiirru woꞌminota ikkitanno gede kaaꞌlitinose gara kultanna macciishshi.

Hawallella Konne Looso Doodhumma (6:29)

Sabbakate loosira kaaꞌlitinoti yoote mini yiinoti mite yoo hiitteeti?

“Maganu Mangiste Duduwaasine Coyensa Yoote Mini Afanno Gede Assidhu” (Maganu Mangiste Gashshite No!, fooliishsho 13)

Yesuusi, mittu manchi Kiristaana ikkate cuuama hasiissannosi yee rosiisino. (Maatewoosi 28:19, 20 nabbawi.) Ikkina cuuamate yaa mayyaate? Qoleno mittu manchi tenne mixosi wonshiꞌrate maa assa hasiissannosi?

1. Cuuamate yaa mayyaate?

“Cuua” yine tirroonnihu Giriikete Afii qaali wayi giddo “lixisa” yitanno tiro afiꞌrino. Yesuusi cuuami woyite, Yordaanoosi Lagira wayi giddo lixino; hakkiinni isi “wayi giddonni [fulino].” (Maarqoosi 1:9, 10) Hatteente gede, addu Kiristaani cuuamanno woyite wayi giddora woꞌmunni woꞌma eꞌꞌe woy lixe fulanno.

2. Cuuamanke maa leellishshanno?

Mittu manchi cuuamasi, isonooto Yihowara sayise uyinota leellishshanno. Mittu manchi isonooto Maganoho sayise aannohu hiittoonniiti? Cuuamara albaanni, hegerera Yihowara soqqamanni heeꞌra hasiꞌrannota callisi heeꞌre huuccattotenni Isira kulanno. Yihowa calla magansiꞌrannotanna heeshshosi giddo wolu baalunku coyinni roore Isi fajjo balaxisiisannota kule qaale eanno. Isi umosi kaadatenna agurikkinni Yesuusi hoode haꞌrate murciꞌranno. (Maatewoosi 16:24) Heeshshosi Maganoho sayise aasinna cuuamasi, Yihowanna ammanate roduuwisi ledo muli jaalooma kalaqiꞌranno gede faro fantannosi.

3. Mittu manchi cuuamara albaanni maa assa hasiissannosi?

Cuuamattora albaanni, Yihowa daafira rosanna iso woꞌma giddonni ammana hasiissannohe. (Ibiraawoota 11:6 nabbawi.) Egennokkinna ammanakki lexxitanni hadhanno woyite, Yihowara noohe baxillino lexxanno. Hakkiinni isi daafira mannaho kulanna seerisi garinni heeꞌra hasiꞌrattoti dihuluullissannote. (2 Ximootewoosi 4:2; 1 Yohaannisi 5:3) Mittu manchi “Mootichaho maltino heeshsho” heeꞌranni Iso “woꞌmante doogonni [hagiirsiisanni]” nooha ikkiro, heeshshosi Maganoho sayise oye cuuamate kaꞌꞌara dandaanno.—Qolasiyaasi Sokka 1:9, 10.a

LEDDE XIINXALLI

4. Qullaawu Maxaafi Yesuusi cuuama daafira kulannorinni ronseemmore

Yesuusi cuuama daafira leddine huwatate, Maatewoosi 3:13-17 nabbabbe. Hakkiinni aante noo xaꞌmuwa hasaabbe:

• Yesuusi cuuami woyite daaimaho?

• Isi cuuaminohu hiittoonniiti? Albaho waa winxeennaati?

Yesuusi cuuami woyite, Maganu uullate aana loosara uyinosiha baxxino looso hanafino. Luqaasi 3:21-23 nna Yohaannisi 6:38 nabbabbe; hakkiinni aante noo xaꞌmo hasaabbe:

• Yesuusi cuuamihu gedensaanni, heeshshosi giddo hiikkoye looso balaxisiisino?

5. Cuuama wonshiꞌra dandaatto mixooti

Heeshshokki Maganoho sayisse aatenna cuuamate daafira hedatto woyite, umi qara waajjattora dandaatto. Ikkollana, waajjakki qeeꞌlite konne lowo geeshsha hasiisanno coye assatto deerra iilla dandaatto. Tenne assa dandiino manni giddo mitu woꞌnaalsha macciishshate, VIIDIYO laꞌe.

VIIDIYO: Yihowa Ledo Jaalooma Kalaqiꞌra (1:11)

Yohaannisi 17:3 nna Yaiqoobi 1:5 nabbabbe; hakkiinni aante noo xaꞌmo hasaabbe:

• Mitto mancho cuuamate qixxaawanno gede kaaꞌlannosiri maati?

1. Ninkeneeto Yihowara sayinse uyineemmo woyite, isira hegerera soqqammanni heeꞌra hasiꞌneemmota kulleemmo

2. Cuuammeemmo woyite, laꞌꞌannonke mannira ninkeneeto Maganoho sayinse uyinoommota leellinsheemmo

6. Cuuammeemmo woyite Yihowa maate wido ikkineemmo

Cuuammeemmo woyite, mittimma noote alamete doyicho maate wido ikkineemmo. Babbaxxino bayichinninna budinni gamba yinoommore ikkinummorono, ammanankenna galleemmo seeri mittoho. Faarso 25:14 nna 1 Pheexiroosi 2:17 nabbabbe; hakkiinni aante noo xaꞌmo hasaabbe:

• Mittu manchi cuuamihu gedensaanni, Yihowanna ammanate roduuwisi ledo hiittoo aante heedhannosi?

XAPHISHSHA

Yesuusi, mittu manchi Kiristaana ikkate cuuama hasiissannosita rosiisino. Mittu manchi cuuamara albaanni, Yihowa seekke ammana, seerisi garinni heeꞌranna isonooto Maganoho sayise aa hasiissannosi.

Kageeshsha Rosoottore

• Cuuamate yaa mayyaate? Cuuama hasiissannohu mayiraati?

• Cuuamanke maa leellishshanno?

• Mittu manchi isonooto Maganoho sayise aaranna cuuamara albaanni maa assa hasiissannosi?

EGENNO LEXXI

Cuuamate yaa mayyaateronna mayyaa ikkitinokkiro huwati.

“Cuuamate Yaa Mayyaate?” (Webisayitenkera fultino borro)

Cuuamate deerra iillatto gede kaaꞌlitannohe doogga wodanchi.

“Yihowara Noohe Baxillinna Galati Cuuamatto Gede Assannohe” (Agarooshshu Shae, Badheessa 2020)

Mitto mancho cuuamanno gede kakkayisinosiri maatiro nabbawi.

“Halaale Umiꞌya Xiinxalle Buuxammora Hasidhino” (Agarooshshu Shae, Ammajje 1, 2013)

Cuuama hasiissanno mixo ikkitinohu mayiraatironna tennera qixxaawa dandaattohu hiittoonniitiro rosi.

“Cuuama Hasiissannoe?” (Wedellu Xaꞌmanno Xaꞌmonna Mala Ikkitanno Dawaro, Xiraaze 2, fooliishsho 37)