• Yesuusi Ayeti?
    Hegerera Hagiidhitanni Heeꞌra Dandaatto!—Qullaawa Maxaafa Xiinxalli

    • 4. Yesuusi Woꞌmanka Dandaanno Magano diꞌꞌikkino

      Qullaawu Maxaafi, Yesuusi gordoho nooha wolqaataamo sokkaasincho ikkirono, Annisiranna Maganisira Yihowara hajajamannota kulanno. Hatto yineemmohu mayiraati? Qullaawu Maxaafi, Yesuusi woꞌmanka dandaanno Maganiwiinni baxxannohu hiittoonniitiro kulanno gara huwatate, VIIDIYO laꞌe.

      VIIDIYO: Yesuusi Kiristoosi Maganoho? (3:22)

      Aante noo qummeeshshuwa Yihowanna Yesuusi mereero noo badooshshe huwanteemmo gede kaaꞌlitannonke. Mitto mittonka qummeeshsha nabbabbine, aante noo xaꞌmuwa hasaabbe.

      Luqaasi 1:30-32 nabbabbe.

      • Sokkaasinchu yiinori, Yesuusinna “Woꞌmunkura Aliidi Magani” Yihowa addi addire ikkitinota leellishannohu hiittoonniiti?

      Maatewoosi 3:16, 17 nabbabbe.

      • Yesuusi cuuami woyite, gordunni daggino huuro mayitino?

      • Hatti huuro ayeta labbannohe?

      Yohaannisi 14:28 nabbabbe.

      • Annunna beettu giddo dirono silxaaneno roorannohu hiikkoyeti?

      • Yesuusi Yihowa Annaꞌyaati yaasi maa leellishshanno?

      Yohaannisi 12:49 nabbabbe.

      • Yesuusi ‘Ani Anniꞌya ledo taaloho’ yee hedanno? Atera ma lawannohe?

  • Maganu Mangiste Maati?
    Hegerera Hagiidhitanni Heeꞌra Dandaatto!—Qullaawa Maxaafa Xiinxalli
    • Roso 31. Yihowa ayirrinyira albaanni nooha gordoho moohinoha Yesuusi Kiristoosi.

      ROSO 31

      Maganu Mangiste Maati?

      Qullaawu Maxaafiti qara sokka Maganu Mangistere kultannote. Yihowa tenne Mangiste widoonni, hunda uullate hedinore wonshanno. Ikkina Maganu Mangiste maati? Tini Mangiste xa gashshitanni noota mayinni anfeemmo? Maganu Mangiste kageeshsha maa assitino? Albillittena maa assitanno? Konninna aanannohu lamu rosira, tenne xaꞌmuwara dawaro afiꞌneemmo.

      1. Maganu Mangiste maati? Tenne Mangiste Moote ayeti?

      Maganu Mangiste Maganu Yihowa xintino gashshooteeti. Tenne Mangiste Moote Yesuusi Kiristoosiiti; isi gashshannohu gordoho heeꞌreeti. (Maatewoosi 4:17; Yohaannisi 18:36) Qullaawu Maxaafi, “[Yesuusi] hegerera moohanno” yaanno. (Luqaasi 1:32, 33) Yesuusi Maganu Mangiste Moote ikkino daafira, uullate aana noo manna baalanka gashshanno.

      2. Yesuusi ledo mookkannori ayeooti?

      Yesuusi gashshannohu callisi heeꞌre diꞌꞌikkino. ‘Gaꞌre baalate, addi addi afoo coyiꞌrannohu baalu giddonni, hattono gosanna sirchu baalu’ giddonni doorroonni manni ‘gobba gashshanno.’ (Yohaannisi Ajuuja 5:9, 10) Kiristoosi ledo gashshanno manni meꞌꞌeho? Yesuusi uullara dayi yannanni kayise, lowo miliyoone ikkanno Kiristaani isi rosaano ikkino. Ikkollana, iimira hadhe Yesuusi ledo mookkannori 144,000 callaho. (Yohaannisi Ajuuja 14:1-4 nabbawi.) Uullate aana heeꞌrannohu wolu Kiristaani baalunku kayinni Maganu Mangiste qansoota ikkanno.—Faarso 37:29.

      3. Maganu Mangiste mannu gashshoote roortannohu mayinniiti?

      Uullate gashshaasine danchare assate sharranturo nafa, heddinore baala assitanno wolqa dinonsa. Qoleno mite yanna gedensaanni insa bayicho wolu sae gashshasi digattanno; insa bayicho saꞌe gashshitannori qole mannansa kaaꞌla hasidhannokkire ikkitara dandiitanno. Ikkollana, Maganu Mangiste Gashshaanchi Yesuusi bayicho sae gashshannohu wolu horo diheeꞌranno. Maganu xintinohu “horonta diigamannokki” gashshooteeti. (Daanieeli 2:44) Yesuusi uulla woꞌma gashshanno; qoleno isi dimallaadanno. Isi baxillaanchoho, shaqqadohonna taashshannoho; qoleno isi mannu mimmitoho shaqqado, baxillaanchonna taashshannoha ikkanno gede rosiisanno.—Isayaasi 11:9 nabbawi.

      LEDDE XIINXALLI

      Maganu Mangiste mannu gashshoote baala roortanno yineemmohu mayiraatiro rosi.

      Yesuusi Kiristoosi gordoho zuufaanesira ofolle baatto gashshanni no. Ledosi mookkannori isira badheenni ofolte no. Yihowawiinni dayino xawaabbi insara badheenni waraꞌa yee xawanni no.

      4. Maganu Mangiste uulla gashshitanno

      Yesuusi Kiristoosi uullate aana mookkino gashshaano baalanta roortino wolqa noosi Gashshaanchooti. Maatewoosi 28:18 nabbabbe; hakkiinni aante noo xaꞌmo hasaabbe:

      • Uullate gashshaasine giddo silxaane Yesuusi geeshsha ikkannohu horo dino yineemmohu mayiraati?

      Mannu gashshooti duucha woyite soorramanno; qoleno uullate gashshaasine uullate aana shiima shiima bayicholla gashshitanno. Maganu Mangistena? Daanieeli 7:14 nabbabbe; hakkiinni aante noo xaꞌmuwa hasaabbe:

      • Maganu Mangiste ‘gawalo nookkita’ ikkase ma garinni kaaꞌlitannonkeha lawannohe?

      • Maganu gashshooti uulla woꞌma gashshannoha ikkasi ma garinni kaaꞌlitannonkeha lawannohe?

      5. Uullate gashshooti mannu ooso qarra tira didandiino

      Maganu Mangiste mannu gashshoote hunte dargansa amada hasiissannosehu mayiraati? VIIDIYO laꞌe; hakkiinni aante noo xaꞌmo hasaabbe.

      VIIDIYO: Maganu Mangiste Maati?—Murre Haaꞌnoonnita (1:41)

      • Uullate gashshaasine maa assitino?

      Rosiisaancho 8:9 nabbabbe; hakkiinni aante noo xaꞌmuwa hasaabbe:

      • Maganu Mangiste uullate gashshoote hunte insa bayicho amada hasiissannoseha lawannohe? Mayira?

      6. Maganu Mangiste gashshaasinera qarrinke leellannonsa

      Mootenke Yesuusi manna ikke uullate aana heeꞌrino daafira, “wolqanke anjera [kaaꞌlannonkeho].” (Ibiraawoota 4:15) Qoleno Yihowa, Yesuusi ledo mookkannore 144,000 ammanantino labballonna meento doorinohu ‘gaꞌre baalate, addi addi afoo coyiꞌrannohu baalu, hattono gosanna sirchu baalu’ giddonniiti.—Yohaannisi Ajuuja 5:9.

      • Yesuusinna ledosi mookkannori baalunku qarrinke leellannonsare ikkitinota afakki jawaachishshannohe? Mayira?

      Addi addi yannara addi addi sirchinni gamba yiinoha buuramino labballonna meento.

      Yihowa Yesuusi ledo mookkanno labballonna meento baalante gaꞌrenni doorino

      7. Maganu Mangiste seeri uullate gashshooti fushshanno seerinni lowo geeshsha rooranno

      Mangistubba qansootinsara kaaꞌlanno yite heddanno seera fushshitanno. Maganu Mangisterano umise seeri noose; Maganu Mangiste qansooti konne seera agadha hasiissannonsa. Umi Qorontoosi 6:9-11 nabbabbe; hakkiinni aante noo xaꞌmuwa hasaabbe:

      • Mannu baalunku Maganu seera ayirrisanno alamera heeꞌnanni heeshsho hiittoota labbannohe?a

      • Yihowa Mangistesi qansoota ‘Seeraꞌya agadhe’ yaasi gara labbannohe? Mayira?

      • Xaa yannara Maganu seera ayirrisannokki manni heeshshonsa biddi assiꞌra dandaannota leellishannori maati?—Kiiro 11 lai.

      Polisichu makeenaancho tayinse saꞌnanniwa uurre makeena uurrisanni no. Hatte farora mannu doogo tayise saꞌꞌanni no.

      Mangistubba qansootansa kaaꞌlatenna agarate seera fushshitanno. Maganu Mangiste qansootase kaaꞌlatenna agarate fushshitanno seeri hakkiinni lowo geeshsha roorannoho

      MITU MANNI TOGO YAANNO: “Ninke baalunku iima Yesuusi ledo moonkeemmo.”

      • Ati tennera mayyaatto?

      XAPHISHSHA

      Maganu Mangiste gordoho noo gashshooteeti; tini Mangiste uulla woꞌma gashshitanno.

      Kageeshsha Rosoottore

      • Maganu Mangistera mookkannori ayeooti?

      • Maganu Mangiste mannu gashshoote baala roortannohu hiittoonniiti?

      • Yihowa Mangistesi qansooti maa assitara hasiꞌranno?

      Mixo

      EGENNO LEXXI

      Yesuusi Maganu Mangiste mama no yee rosiisinoro nabbawi.

      “Maganu Mangiste Mannu Wodani Giddo Nooreeti?” (Webisayitenkera fultino borro)

      Yihowa Farciꞌraasine mannu gashshootinni roore Maganu Mangistera ammanantannohu mayiraati?

      Maganu Mangistera Ammanantinore (1:43)

      Yihowa Yesuusi ledo mookkara doorinori 144,000 daafira Qullaawu Maxaafi mayyaannoro xiinxalli.

      “Gordo Hadhannori Ayeooti?” (Webisayitenkera fultino borro)

      Mitte mancho usurante heedhe taashsho woꞌmitino alame abbannohu Magano calla ikkinota ammantanno gede assinoseri maati?

      “Taashsho Abbannohu Ayetiro Afoomma Gara” (Baqqi Yiiyye!, Bocaasa 2011)

      a Maganu seeri giddo gama 3ki Gafira ronseemmo.