• Meya Roduuwa Kaaꞌle
    Agarooshshu Shae (Xiinxallote Ittime)—2020 | Wocawaaro
    • Yesuusi ofolle heeˈre rosiisanni no. Maartanna Maariyaami lekkasi hunda ofolte macciishshitanni no. Foto: 1. Mittu minaanninna minaama mitte geercho rodoo minese marte xaˈmitanni no. Minaanni geercho hasaawisanni no; minaamasi kayinni hire abbinore fushshitanni no. 2. Mittu rodii minaamasi ledo mitte rodoo minira mare isenna qaaqqose ledo maatete magansiˈra assiˈranni no. 3. Mittu rodii lame meya roduuwira makeenu goomma soorra kaaˈlanni no.

      Yesuusi gede ninkeno meya roduuwinkera hendeemmota leellisha dandiineemmo (Gufo 6-9 lai)e

      6. Luqaasi 10:38-42 kultanno garinni, Yesuusi Maariyaaminna Maarta kaaꞌlinohu hiittoonniiti?

      6 Yesuusi ayyaanaamittete roduuwisi ledo yanna sayisino, hattono insara addu jaalaati. Hanni Maariyaaminna Maarta ledo noosi aante laꞌno; insa lamenti mine assiꞌrinokkire ikkara dandaanno. (Luqaasi 10:38-42 nabbawi.) Yesuusi coyiꞌrinorinna assinori, insa isi jaalla ikkitanno gede assinonsa. Lawishshaho Maariyaami rosaanosic gede lekkasi hunda ofolla diwaajjitino. Maarta, Maariyaami kaaꞌlitinosekki daafira, hanqitinota Yesuusira coyiꞌra diwaajjitino. Hakkawoyite Yesuusi lamentera kaajja roso rosiisinonsa. Yesuusi wole yannarano minensa mare, insano rodoonsa Alaazaarino hedannota leellishino. (Yoh. 12:1-3) Alaazaari buuto dhiwami woyite, Maariyaaminna Maarta Yesuusi kaaꞌlo xaꞌmiꞌra hasiissannota afinoti dihuluullissannote.—Yoh. 11:3, 5.