Qaagatto?

Muli yannara fultinota Agarooshshu Shae metseetta seekkite nabbawootto? Hanni aante noo xaꞌmuwara dawaro qolate woꞌnaali:

Yihowa dirijjite biddishsha uyitanno wote roduuwu lawishshaho woradu aliidi laꞌꞌaanonna songote cimeeyye maa assa hasiissannonsa?

Insa rakke hajajama hasiissannonsa. Insaneeto togo yite xaꞌma dandiitanno: ‘Qooxeessiꞌyara heedhannori ayyaanaamittensa kaajjishidhanno gede kaaꞌleemmo? Albisa ikkitino roduuwi uyitanno biddishshira rahe hajajameemmo?’ —w16.11, qool. 14.

Addu Kiristaana Bayira Baabiloone qafaddinohu mamarooti?

Soqqamaasine reyite gooffuhunni shiima yanna gedensaanniiti. Hattee yannara qeesootu gaamo kalaqantino. Beetekiristaanenna Roomu gashshaano kaadaasinete ammaꞌno irkisse sindetenni lawinsoonniha addu Kiristaana hunate woꞌnaaltino. Ikkollana buuramino Kiristaani 1914 albaanni noote boode yannanni hanafe kaphu ammaꞌno giddonni fula hanafino.—w16.11, qool. 23-26.

Yihowa ninke daafira hedannota leellishannohu hiittoonniiti?

Yihowa shaqqadohonna halaꞌlado angaho, yannasi mararannokkiho, hattono gatona yaannohonna kaaꞌlo hasiissannonke yannara dode iillannonkeho. Tenne afanke isira ammanamme soqqammeemmo gede kakkayissannonke.—w16.6, qool. 3-5.

‘Maalu garinni heeꞌratenna ayyaanu garinni heeꞌrate’ mereero noo badooshshi maati? (Rom. 8:6)

‘Maalu garinni heeꞌranno’ manni, guuta ikkinokki maalinsa yorannore woy halchannore wonshiꞌrate illachishanno; togoo manni ganye maalu coyiꞌre hasaawanno woy jajanno. ‘Ayyaanunnire hedannohu’ kayinni Maganu hedo garinni heeꞌranno; kuni Kiristaanchi qullaawu ayyaani massagannosi gede assiꞌranno. Maalu garinni heeꞌra reyo abbitanno; ayyaanu garinni heeꞌra kayinni heeshshonna salaame uyitanno.—w16.12, qool. 15-17.

Yaaddo ajisha dandiinanniti mite doogga hiitteeti?

Hasiissanno coyibba balaxisiisa, assa dandiinannikkire heda hooga, barru barrunkunni fooliishshiꞌnanni yanna gaaꞌma, Yihowa kalaqinore laꞌꞌa, haariima, ganye ispoorte loosanna dancha gede goxate.—w16.12, qoola. 22-23.

“Heenooki reyo iillitannosikki gede . . . wolewa massinoonni.” (Ibi. 11:5, NW) Hiittoonni?

Maganu, Heenooki mannu shetise shaannosita hoolate sununni asse heeshshosi haaꞌre hoole reyanno gede assikki digatino. —wp17.1, qool. 12-13.

Dhukanke anfe heeꞌra hasiissannohu mayiraati?

Dhukanke anfe heeꞌra, ninkeneetira gara ikkitino hedo heedhannonke gede assiꞌranna assine anfeemmokkiri noota ammane adhate. Akatinke woloota kaaꞌlanno woy gawajjanno gara hedanna ninkeneeto janjeemmokki gede qoropha hasiissannonke.—w17.01, qool. 18.

Maganu yannankera nooha Aliidi Biso massagannonte gede umi xibbi diriha aliidi biso massaginota leellishannori maati?

Insa Qullaawa Borro halaale huwattanno gede qullaawu ayyaani kaaꞌlinonsa. Sokkaano kaaꞌlitannansa sabbakate loosi loosamanno gede assitino; hattono biddishsha uyitannohu Maganu Qaali garinniiti. Yannankera noohu Aliidi Bisino hatto assanno. —w17.02, qool. 26-28.

Wodote kakkalo muxxete yineemmo gede assannonkeri maati?

Shoole korkaataati; insano: Tenne elto uyinonkehu ewelumma, elto uyinoonninke korkaata, tenne elto aate assinoonnirenna tini elto assitinoreeti. Konne shoolenka coye seekkine hiinca hasiissannonke. —wp17.2, qool. 4-6.

Mittu Kiristaanchi murino coye soorranno woti heeꞌranno?

Coyiꞌnoommo qaale wonsha hasiissannonke. Ikkirono, murroommo coye galagalle biddi assa hasiissannonke woti heeꞌrara dandaanno. Yihowa Nennewe manni maaro ei yannara, insa gudate hedino hedo soorrino. Ninkeno murroommo coyi ledo xaado afiꞌrinohu mitu coyi soorramanno woy hakko coyi daafira haaro mashalaqqe afiꞌneemmo wote, hedonke soorra hasiissannonkeha ikkara dandaanno. —w17.03, qool. 16-17.

Coye mannaho tuqisa gawajjitannohu hiittoonniiti?

Coye mannaho tuqisa coyi batiꞌrannonna angayi fulanno gede assitanno. Coyiꞌneemmori gara ikkirono gara ikka hoogirono, coye mannaho tuqisa woyyeessitannori dino.—w17.04, qool. 21.