ROSO 05
Qullaawu Maxaafi Maganu Soyinonke Sokkaati
Yihowa kaajja elto ikkinoha Qullaawa Maxaafa uyinonke; kuni Maxaafi giddosi 66 shiimmaadda maxaaffa amadino. Kayinni ‘Qullaawa Maxaafa borreessinohu isi ayeti?’ yite hedattoha ikkara dandaanno. Tenne xaꞌmora dawaro qolate, hanni Maganu Qullaawu Maxaafi widoonni sokkasi ninkera kulinohu hiittoonniitiro laꞌno.
1. Qullaawa Maxaafa mannu borreessinoha ikkina, Maganu Qaaleeti yineemmohu mayiraati?
Qullaawa Maxaafa mito 40 ikkanno manni borreessino; borreessine gundoonnihu 1513 K.A. kayise 98 M.D. geeshsha 1,600 diro meddi yitanno yanna giddooti. Qullaawa Maxaafa borreessino manni lophino garinna heeꞌrino heeshsho lowo geeshsha babbaxxitinote. Ikkirono, Qullaawu Maxaafi isi isiniiwa sumuu yaanno. Kuni ikkinohu mayiraati? Qullaawu Maxaafi Maganu Qaale ikkino daafiraati. (1 Teselonqe 2:13 nabbawi.) Qullaawa Maxaafa borreessi manni uminsa hedo diborreessino. Hatteentenni “Qullaawu Ayyaani massagino manni Maganuwiinni adhe coyiꞌrino.”a (2 Pheexiroosi 1:21) Maganu, mannu isi hedo borreessanno gede qullaawu ayyaanisinni massagino woy kakkayisino.—2 Ximootewoosi 3:16.
2. Qullaawu Maxaafi baalunku mannira kaaꞌlanno?
Qullaawu Maxaafi giddo noohu danchu duduwi “baattote aana noo gosara, gaꞌretenna addi addi afiinni coyiꞌranno manni baalaho” kaaꞌlannoho. (Yohaannisi Ajuuja 14:6 nabbawi.) Maganu, Qullaawa Maxaafa xaa geeshsha qixxeessinoonnite wole maxaaffa baalantenni roore lowo afiinni qixxeessinanni gede assino. Xaa yannara baalunku manni Qullaawa Maxaafa nabbawa dandaanno yaa dandiinanni. Aye gobbarano heeꞌranno manni woy aye qaaleno coyiꞌranno manni afiꞌra dandaanno yaate.
3. Yihowa Qullaawa Maxaafa baꞌꞌannokki gede agarinohu hiittoonniiti?
Hunda Qullaawa Maxaafa borreessinoonnihu tattae baꞌꞌara dandaanno coyi aanaati. Ikkirono Qullaawa Maxaafa baxanno manni duucha hige angatenni qorophe galchino. Mite gashshaanonna ammaꞌnote murrooti Qullaawa Maxaafa hunate woꞌnaaltinoha ikkirono, mitu manni Qullaawu Maxaafi baꞌꞌannota gatisate heeshshonsa qarru giddo tugino. Yihowa aye coyino woy aye manchino hedosi ninkera kulannota hoolasira sammi diyiino. Qullaawu Maxaafi, “Maganinke qaali . . . hegerera kaajje heeꞌranno” yaanno.—Isayaasi 40:8.
LEDDE XIINXALLI
Maganu manna Qullaawa Maxaafa borreessanno gede ayyaanisinni massagino gara, Qullaawu Maxaafi baꞌꞌannokki gede agarino garanna mannu ooso afidhanno gede assino gara ledde rosi.
4. Qullaawu Maxaafi qixxeessinosihu ayetiro kulanno
VIIDIYO laꞌe. Hakkiinni 2 Ximootewoosi 3:16 nabbabbine, aante noo xaꞌmuwa hasaabbe.
Qullaawa Maxaafa borreessinohu manna ikkina, Maganu Qaaleeti yineemmohu mayiraati?
Maganu Qullaawa Maxaafa borreessi mannira hedosi kulino yee ammana gara labbannohe?
Mittu manchi sokkasi borreessaanchisi borreessanno gede assara dandaanno. Hatteente gede, Qullaawa Maxaafa borreessinohu manna ikkirono, borreessino hedo kayinni Maganuwiinni dagginote
5. Qullaawu Maxaafi hunate gaarammanna gate saino
Qullaawu Maxaafi Maganu Qaale ikkino daafira, Maganu konne Maxaafa baꞌꞌannokki gede agaranno yine hedanke garankolla. Hundi warinni kayise, lowo silxaane noonsa manni Qullaawa Maxaafa hunate sharramanni keeshshino. Ammaꞌnote murrooti mannu Qullaawa Maxaafa nabbawara dihasidhino. Ikkollana batinyu manni gimbinsarono hattono shinansara dandiinanniha ikkirono, Qullaawa Maxaafa gatisate yee heeshshonsa qarru giddo tugino. Konni manni giddo mittu xagge macciishshate, VIIDIYO laꞌe; hakkiinni aante noo xaꞌmuwa hasaabbe.
Mannu Qullaawa Maxaafa gatisate yee mageeshshi geeshsha qarraminoro afakki, Qullaawa Maxaafa nabbawate albinni roore kakkaꞌꞌatto gede assitannohe? Mayira?
Faarso 119:97 nabbabbe; hakkiinni tenne xaꞌmo hasaabbe:
Batinyu manni Qullaawa Maxaafa tiratenna mannaho iillishate heeshshonsa qarru giddo tuganno gede kakkayisinonsari maati?
6. Mannu baalunkura kaaꞌlanno Maxaafa
Hundinni kayise, Qullaawu Maxaafi geeshsha tirroonnihunna mannaho iillinshoonnihu wolu maxaafi dino. Soqqamaasinete Looso 10:34, 35 nabbabbe; hakkiinni aante noo xaꞌmuwa hasaabbe:
Maganu Qaalesi lowo afiira qolle tirraranna lowo mannira iillinshara hasiꞌrinohu mayiraati?
Qullaawu Maxaafire hedatto woyite dhagge ikkannoheri maati?
Xibbunni
100
anga meddi yaannohu alamete manni
huwata dandaanno qaalinni Qullaawa Maxaafa afiꞌra dandaanno
Woꞌma woy xea
3,000
ikkanno afiinni
qixxeessinoonni
5,000,000,000
ikkannoha Qullaawa Maxaafa attammoonni yine hendanni;
kageeshshiha attammoonnihu wolu maxaafi horo dino
MITU MANNI TOGO YAANNO: “Qullaawu Maxaafi biꞌre birqiiqa mannulla borreessino maxaafaati.”
Tennera mayite qolatto?
Qullaawu Maxaafi Maganu Qaale ikkinota leellishshanno taje hiitteeti?
XAPHISHSHA
Qullaawu Maxaafi Maganu Qaaleeti; Maganu konne Maxaafa mannu baalunku afiꞌra dandaanno gede assino.
Kageeshsha Rosoottore
Maganu manna Qullaawa Maxaafa borreessanno gede ayyaanisinni massagino yaa mayyaate?
Qullaawu Maxaafi hunate sharrammanna gate saino gari, hattono konne Maxaafa lowo afiinni tirroonninna tuqinsoonni gari dhagge ikkannohehu mayiraati?
Maganu hedosi ninke mannu oosora kulate assinore hedatto woyite mayi macciishshamannohe?
EGENNO LEXXI
Qullaawa Maxaafa hunda angatenni borreessini warinni kayise yannankera qixxeessinoonni tiro geeshsha noo xagge nabbawi.
“Qullaawu Maxaafi Dirinke Geeshsha Iillino Gara” (Baqqi Yiiyye!, Bocaasa 2007)
Qullaawu Maxaafi guficho ikkannoha sase coye qeele baikkinni gatino gara afate nabbawi.
“Qullaawu Maxaafi—Gate Saino Gara” (Agarooshshu Shae Maaja 2016)
Mannu Qullaawa Maxaafa tirate yee heeshshonsa qarru giddo tugino gara wodanchi.
Qullaawa Maxaafa angatenni duucha hinge galchinoonni hattono tirroonni. Ikkirono Qullaawu Maxaafi sokka disoorrantino yineemmohu mayiraati?
“Qullaawu Maxaafi Soorraminoni?” (Webisayitenkera fultino borro)
a Lamalki rosira ronseemmonte gede, qullaawu ayyaani Maganu wolqaati.