Kaphu ammaꞌno “Maganu halaale kaphunni soorritino.” (Roomu Sokka 1:25) Lawishshaho, roore ammaꞌno manninsara Maganu suꞌma dirosiissino. Qullaawu Maxaafi kayinni Maganu suꞌma woshsha hasiissannota kulanno. (Roomu Sokka 10:13, 14) Mitu ammaꞌnote murrooti bushuri ikkanno woyite Maganu abbinoreeti yitanno. Tini kayi kaphoho. Maganu bushare horonta diassanno. (Yaiqoobi 1:13 nabbawi.) Addanko ammaꞌno rosiissannohu kaphu rosi, mannu Maganuwiinni xeertiꞌranno gede assino.

4. Iillannonke qarrira xaꞌmamannohu ayeti?

Batinyu manni alame gashshe noohu Maganoho yee ammananno. Hatto yee ammana garaho? VIIDIYO laꞌe.

VIIDIYO: Alame Gashshe Noohu Ayeti? (1:24)

Yaiqoobi 1:13 nna 1 Yohaannisi 5:19 nabbabbe; hakkiinni aante noo xaꞌmo hasaabbe:

• Qarrammeemmo gede assannonkehunna alamete aana bunshe batidhanno gede assinohu Maganoho?