Nabbawaano Xaꞌmitanno Xaꞌmo

Adhaminokkiri labbaahunna meyati gari korkaati nookkiha mitteenni galiro, tenne yoote komitera shiqisha hasiissanno?

Ee hasiissanno; mitteenni galtanno gede assinonsahu gari korkaati nookkiha ikkironna foortinota leellishshannoti gari taje heedhuro tenne hajo yoote komite laꞌꞌa hasiissannonsa.—1 Qor. 6:18.

Cimeeyyete bisi tenne haja yoote komite laꞌꞌa hasiissannonsaronna teꞌee murate mitto mittonka coye seekke xiinxalla hasiissannonsa. Lawishshaho, kuri labbaahunna meyati konni albaanni mimmitoho baxillu hedo noonsata leellishshanno taje no? Mimmitu ledo noonsa aante lainohunni konni albaanni amaalloonninsa? Insa mitteenni galanno gede assinonsari maati? Insa mitteenni galate balaxe mixiꞌrino? Insa mitteenni gala hoogate tunceenyi noonsanso, mitteenni gala agurranna wolu doorshi heeꞌrannonsakki gede assannori iillinonsa? (Ros. 9:11) Insa mama goxino? Baalanti hajo mitte ikkitinokki daafira, cimeeyye heda hasiissannonsahu wolu coyino heeꞌrara dandaanno.

Cimeeyyete bisi tenne hajo seekke buuxi gedensaanni, yoote komite laꞌꞌa hasiissannonsaronna teꞌee muranno.