Wosina Adhitine ‘Dancha Coye’ Beeqqe (Mat. 12:35a)

Ninke baalunku ‘wosina adhine’ ‘dancha coye’ wolootu ledo beeqqa hasiꞌneemmoti dihuluullissannote. (Rom. 12:13) Cimeeyye sinu biiro riqiwaano wosinsinanni gedenna haꞌrinshote wocensa kaffallanni gede assate albisa ikkitanno. Ikkollana, angate anjenni kainohunni woy mannu mininkera daannota waajjine wosina adhate kakkaꞌꞌa hoongammora dandiineemmo. Yesuusi Maartara uyino amaale huwatanke togoo hedo qeeꞌlineemmo gede kaaꞌlitannonke. (Luq. 10:39-42) Yesuusi ‘roore hasiissannoti,’ lowo jila jila woy qae quwa saꞌne seesiinsanni mitiiꞌma ikkitukkinni wosinchu ledo gamba yine mimmito jawaachisha ikkitinota coyiꞌrino. Ninke baalunku tenne amaale harunsine, Maganu Qaali yaanno garinni roduuwinke ledo “dancha coye” beeqqa dandiineemmo.—3 Yoh. 5-8.