XAꞌMO 6
Qullaawu Maxaafi Mesihichu daafira mayyee masaalino?
MASAALO
“Beeteleeme Efiraata, . . . Isiraeelete gashshaancho ikkannohu ate giddonni fulannoe.”
Mikkiyaasi 5:2
GUMULO
“Yesuusi nugusu Heroodiisi waro Yihudaho noote Beeteleemete ilami gedensaanni, ayyaanto Soojjaati widinni Yerusaalame daggu.”
MASAALO
“Aaniidi uduunneꞌya beeqqitu, uddanoꞌyarano hixa tuqqitu.”
Faarso 22:18
GUMULO
“Wottaaddarootu Yesuusa suttu gedensaanni, aanaanni uddiꞌrino uduunne haadhe shoolewa murmurte beeqqitu . . . Giddiidi uddanosi kayinni alinni eeli geeshsha gowatto nookkiha gannoonnite. Hakko daafira insa mimmito, ‘Tenne darroonke, ayera iillitannoro afate hixa tuqqino’ yitu.”
MASAALO
“Isi miqqasi baalanta agaranno; miqqasi giddo mittuno dihiiqqamanno.”
Faarso 34:20
GUMULO
“Yesuusiwa martu yannara isi balaxe reye kaino daafira, lekkasi dihiiqqitino.”
MASAALO
“Isi baddalonkera yee madiꞌrino.”
Isayyaasi 53:5
GUMULO
“Wottaaddarootu giddo mittu midaadosi urdetenni qasisi, hakkawontenni mundeenna wayi fuli.”
MASAALO
“Insano 30 birra kaffaltue.”
Zekkaariyaasi 11:12, 13
GUMULO
“Hakkiinnino Tonaalamu giddo mittu Asqorootu Yihuda yinannihu kakkalaanote biillawa mare togo yii: ‘Iso sayise uummoꞌnero, maa uyitinannie?’ Insano 30 birra uyitasira sumuu yitu.”