XAꞌMO 7
Qullaawu Maxaafi ninke yanna daafira mayyee masaalino?
“Daga dagate aana, mangiste mangistete aana ola kayissanno . . . Tini baalanti coyibba gamete rakkora hanafote.”
“Lowoti kaphu masaalaano fulte batinye manna soꞌrisiissanno; qoleno bunshe batidhanno daafira lowo manni baxilli qiidanno.”
“Olu daafiranna olu duduwo macciishshitinanni wote, shabbarantinoonte; kuri coyibba ikka hasiissannonsareeti; goofimarchu kayinni ganaati.”
“Uulla lowo geeshsha huxidhanno, hattono addi addi basera sagalete anjenna dhibbu heeꞌranno; iima waajjishanno coyinna bayiru malaati leellanno.”
“Goofimarchu barra dandee heeꞌrate qarrisannohu baxxino diri daannota afi. Korkaatuno mannootu umonsa baxxannore, woxe baxxannore, umonsa gotti gotti assitannore, booꞌnaleeyye, xonantannore, annahonna amate hajajantannokkire, galattannokkire, ammanantannokkire, kalaqamu baxilli noonsakkire, sumuu yitannokkire, suꞌma huntannore, umonsa qeeꞌlitannokkire, kaajjadda, danchare baxxannokkire, kaadaasine, ani yoommoti calla ikkito yitannore, naaxxa batidhinore, Maganunni roore qawaaxxo baxxannore ikkitanno; ammaꞌnote dani noonsa, wolqase kayinni kaaddanno.”