Soqqanshoꞌne Yannara Maganu Qaali Afiꞌrino Wolqa Loossanno Gede Asse

Mittu manchi dancha duduwo kullammosira maahoyye yiiro hatte faro horoonsiꞌne, Qullaawa Maxaafa fanne nabbambe Maganu Qaali wolqa loossanno gede assineemmo. Nirihu baxxino gambooshshira togo assa hasiissannonketa luphi assine xawinsoonni. Hatte yannara woradu aliidi laꞌꞌaanchi “Soqqanshote Yannara Maganu Qaali Afiꞌrino Wolqa Loossanno Gede Asse” yitanno nigiggire shiqishino. Tenne nigiggireta qara qara naxibba qaagginanni.

• Yihowa qaali ninke coyiꞌneemmorinni roore wolqaataamo ikkinohu mayiraati?—2 Xim. 3:16, 17.

• Qullaawu Maxaafi simmeete kakkayisannohu, hedo quxannohu, mitto coye assate noonke hasattonna dooꞌꞌonke biddi assannohu hiittoonniiti?—Ella 15, 2012 Agarooshshu Shae (Amaaru Afoo) qool. 27, guf. 7 lai.

• Soqqanshonke yannara mittu manchira Qullaawa Maxaafa fanne nabbambeemmo wote, kuni manchi Maganu Qaale ayirrisanno gede assanno garinni nabbawa dandiineemmohu hiittoonniiti?—Soqqanshote Rosi Mini maxaafi (Amaaru Afoo) qool. 148, guf. 3-4 nna Badheessa 2013 Maganu Mangiste Soqqanshonke qool. 8, guf. 8 lai.

• Nabbamboommo xiqise xawisanna kayinsoommo naxiwe xabbe leeltanno gede assa hasiissannohu mayiraati? Togo assa dandiineemmohu hiittoonniiti?—Looso 17:2, 3; Soqqanshote Rosi Mini maxaafa, (Amaaru Afoo) qool. 154, guf. 4 kayise qool. 156, guf. 5 lai.