XAꞌMO 16
Yaachishanno coye dandee heeꞌrate kaaꞌlannonkeri maati?
“Duha ikkinohere Yihowa aana tuqqi, isi irkise amadannohe. Isi keeraanchu manchi uwara wore diaguranno.”
Faarso 55:22
“Diinaggaawe loosanno manni iqqide qinaabbanno; sassaqamanno manni baalunku kayinni buxanno.”
Lawishsha 21:5
“Ani ledokki noommona waajjitooti. Ani Maganokkiitina yaaddooti. Jawaachisheemmohe, kaaꞌleemmohe, hattono keeraanchimmate qiniiticho angaꞌyanni irkise amadeemmohe.”
Isayyaasi 41:10
“Kiꞌne giddo yaaddotenni dirisi aana mitte cigile lexxa dandaannohu nooni?”
“Konni daafira gaꞌa daafira horonta yaaddinoonte; korkaatuno gaꞌara umisihu yaachishanno coyi noosi. Mittu mittunku barrira umisihu baqete qarri noosi.”
“Roore hasiissanno coyibba hiikkuriitiro baddine affe.”
“Aye coyirano yaaddinoonte; hatteentenni baalunku coyira huuccattotenninna eeggifatatenni galatu ledo xiwinoꞌne coye Maganoho kuꞌle; wodancha baalantera aleenni ikkitinoti Maganu salaame, wodanaꞌnenna surreꞌne Kiristoosi Yesuusinni agartanno.”