Qullaawa Maxaafa Xiinxallinsanni Wote Assa Hasiissannokkire

Lowore Coyiꞌra: Baalankare kula hasiissannoꞌnehu gede assitine heddinoonte. Yesuusi mannu hedannonna gara ikkino coye buuxanno gede kaaꞌlate xaꞌmuwa xaꞌmino. (Mt 17:24-27) Xaꞌmo xiinxallo baxissannota ikkitanno gedenna rosaanchu maa buuxinoronna ammananno coyi maatiro afate kaaꞌlitannoꞌne. (be-AM 253 guf. 3-4) Xaꞌmo xaꞌmitinanni wote dawaro qola geeshsha cincitine agarre. Rosaanchu gara ikkitinokki dawaro qoliro, gara ikkitino dawaro kiꞌne kultinante, ledote xaꞌmo xaꞌmitine gara ikkitino dawara umisi qolanno gede asse. (be-AM 238 guf. 1-2) Rosaanchu haaro roso huwata dandaanno gede sununni kulisi.—be-AM 230 guf. 4.

Rosu Raqaxamanno Gede Assa: Xiinxallissinanni birxichira nooha kiꞌne affinoonni coye baala kultinoonte. (Yoh 16:12) Gufote giddo noote qara hedo aana illachishshe. (be-AM 226 guf. 4-5) Afate quqquxanno coye ikkiro nafa mitto mittonka coye kula qara hedo leeltannokki gede assitanno. (be-AM 235 guf. 3) Rosaanchu gufote giddo noota qara hedo wodanchiro, aante noo gufora saꞌꞌa hasiissano.

Kulle Calla Saꞌꞌa: Mixonke rosaano loosoho kakkaꞌanno gede assate ikkinnina kulle calla saꞌꞌa diꞌꞌikkitino. (Lu 24:32) Rosu giddo nooha qara qummeeshsha horoonsidhine Maganu Qaali wolqa loossanno gede asse. (2Qo 10:4; Ib 4:12; be-AM 144 guf. 1-3) Leellanno lawishsha horoonsidhe. (be-AM 245 guf. 2-4) Rosaanchu qarra ikkannosirenna ammanannori maatiro hasaabbe; hattono rosu xawe leellannosi gede asse. Togo yitine xaꞌma dandiitinanni: “Rossanni nootto rosi ma lawannohe?” “Tini Yihowa daafira maa rosiissannonke?” “Tenne amaale harunsa kaaꞌlitannohehu hiittoonniiti?”—be-AM 238 guf. 3-5; 259 guf. 1.