Maganu Mangiste Maati?

QULLAAWU MAXAAFI TOGO YAANNO

“Iimi Magani horonta baꞌannokki mangiste uurrisanno.”—Daanieeli 2:44, Haaro Alame Tiro.

“Labbaa beetto uyinoonninke; qoleno gashshoote qotisira worranni.”—Isayyaasi 9:6; lekkaalliidi qaagiishsha.

TINI HEXXO WOꞌMITANNO WOTE AFIꞌRATTO ATOOTE

• Atera gilletenni kaaꞌlannohehu keeraanchimma woꞌmitino gashshooti heeꞌranno.—Isayyaasi 48:17, 18.

• Daggannote haaro alamera, guuta ordu keerenna hagiirre afiꞌratto.—Ajuuja 21:3, 4.

QULLAAWU MAXAAFI YAANNORE AMMANNEEMMO GEDE ASSANNONKERI NO?

Ee, ajayi ajeenna lamu coyi no:

• Yesuusi Maganu Mangiste albillitte maa assitannoro leellishino. Isi rosaanosi Maganu Mangiste daggaranna Maganu fajjo uullate aana woꞌmitara huuccidhanno gede rosiisino. (Maatewoosi 6:9, 10) Yesuusi, Maganu tenne huuccatto macciishshe qolanno wote ikkannore loosunni leellishino.

  Yesuusi uullate aana noo waro hudidhinore itisino, xiwantinore hursino, hattono reyitinore kayisino! (Maatewoosi 15:29-38; Yohaannisi 11:38-44) Isi hakkawote albillitte Maganu Mangiste Nugusa ikkanno daafira, tini Mangiste hajajamanno mannira abbitanno atoote kaajja gede asse leellishino.—Ajuuja 11:15.

• Alamete aana ikkanni noori Maganu Mangiste gambisse dagginota leellishanno. Yesuusi Maganu Mangiste uullate aana salaame abbitara albaanni alamete aana olu, hudenna uullate huxano batidhannota masaalino.—Maatewoosi 24:3, 7.

  Xa togoori ikkanna laꞌnanni heeꞌnoommo. Konni daafira, Maganu Mangiste muli yanna giddo qarra baalanka uullate aaninni huntannota dihuluullammeemmo.