Taashshe Nabbawa

1 Ximootewoosi 4:13

ASSA HASIISSANNOHERE: Borrote aana noore huurokki gotti assite noo gedeenni nabbawi.

KONNE ASSA DANDAATTO GARA:

• Seekkite qixxaawi. Hatte borro borreessinoonnihu mayiraatiro hedi. Mitto mitto qaale calla ikkikkinni haammata qaalla mitteenni nabbabbanni rosiisiꞌri. Nookki qaale ledattokki gede, kubbite saꞌꞌattokki gede woy wole qaale eessite nabbawattokki gede qorophi. Taxxeessu malaate, uurrinshu malaate, xaꞌmote malaatenna wole borrote malaatta seekkite lai.

• Mitto mittonka qaale garunni woshshi. Mitto qaale woshshinanni woy coyishiinshanni gara afa hoogittoro, dikshinere laꞌꞌa, qaddaꞌnoonniha macciishsha woy seekke nabbawa dandaanno manchi kaaꞌlannohe gede xaꞌmiꞌra dandaatto.

• Xawisse coyiꞌri. Coyiꞌrattori xawe leellanno gede, umo heeshshi yitooti, hattono afoo seekkite fante nabbawi. Mitte mittenta qoonqote tuqqo (syllable) coyishiishate sharrami.