Pirogiraame Bocaasa 12 Jammaranno Saamminte

BOCAASA 12 JAMMARANNO SAAMMINTE

Faarso 10 nna Huuccatto

❑ Songonnita Qullaawu Maxaafi Xiinxallo:

my Xagge 116 (30 daq.)

❑ Tiokiraasenniha Soqqanshote Rosi Mine:

Qullaawu Maxaafi niwaawe: Amootsi 1-9 (10 daq.)

Kir. 1: Amootsi 3:1-15 (4 daq. woyi hakkuyi woroo)

Kir. 2: Albillitte Uulla Gannate Ikkitannota Kulannohu “Akkala Gondooro” Callahonso, “Haaru Gondoorino” Kulanno?—rs qoola 284 gufo 6–qoola 285 gufo 2 (5 daq.)

Kir. 3: Faarso 51:17 Yitannore Buuxanke Kaaꞌlitannonkehu Hiittoonniiti? (5 daq.)

❑ Soqqanshote Gambooshshe:

Faarso 38

10 daq: Mittu Manchi Togo Yiirona: ‘Kiꞌne Yesuusa Ammantinannikkireeti.’ Korkaata Xawisa yinanni maxaafira qoola 220, gufo 1-3 aana xintante hasaawunni shiqqanno. Mitte loonse leellinshanni ikkito shiqqanno gede assi.

10 daq: Maa Ronseemmo? Hasaawunni shiqqanno. Marqoosi 1:16-20 geeshsha nabbabbe. Hakkiinnino tini xiqisubba soqqanshonkera kaaꞌlitannonkehu hiittoonniitiro hasaabbe.

10 daq: “Loossinanni Loosinni Hagiidhe.” Xaꞌmotenninna dawarotenni shiqqanno.

Faarso 44 nna Huuccatto

Loossinanni Loosinni Hagiidhe

1. Diinaggaambe soqqammeemmokki gede assara dandaannori maati?

¹ Maganu manchu beetto ‘loosanno loosinni hagiidhanno’ gede asse kalaqino. (Mek. 2:24) Ikkollana soqqanshonkenni dancha guma afiꞌra hoongummoro, hexxo mudhinammora dandiineemmo; tini qolte hagiirrenke huntaranna diinaggaambe soqqammeemmokki gede assitara dandiitanno. Togoori tuncu yaannonke wote dancha lao heedhannonke gede mayi kaaꞌlankera dandaanno?

2. Soqqanshonkenni noore agadha hasiissannonkehu mayiraati?

² Noore Agadhe: Yesuusi rosiisino roso macciishshe adhino manni shiima calla ikkirono soqqanshosinni guma afiꞌrinoti dihuluullissannote. (Yoh. 17:4) Yesuusi wixa wixanno manchi lawishshire coyiꞌranni, rooru manni wixu gedeeha Maganu Mangisteha dancha duduwo adhannokkita masaalino. (Maat. 13:3-8, 18-22) Ikkeennano diinaggaambe soqqamanke lowo guma laaltanno.

3. Dudumbeemmo sokka mannu hakkeeshshi geeshsha adha hoogirono “guma laala” dandiineemmohu hiittoonniiti?

³ Batinye Guma Laala Dandiineemmohu Hiittoonniiti? Yesuusi coyiꞌrino lawishshi garinni dancha duduwo macciishshite adhitannori “guma laaltanno.” (Maat. 13:23) Sinde laaltino yinannihu daffite wole qaltino daafira ikkikkinni daraarte guma laalturooti. Hatteente gede mittu Kiristaanchi soqqansho qinaabbinote yinannihu haaro rosaano kalaqinohura calla ikkikkinni dancha duduwo marro marro hige batise duduwirooti. Tini qolte mannu kulleemmoha dancha duduwo adhirono adha hoogirono “hagiidhineemmo” gede assitannonke. Qoleno Yihowa suꞌmi qullaawanno gede ninke widiidi kaaꞌlo assineemmo. (Isa. 43:10-12; Maat. 6:9) Hattono Yihowa ledo loosate mabte afiꞌrankenni hagiidhineemmo. (1 Qor. 3:9) Togoohu “suumete gumi” Yihowa tashshi assannosi.—Ibi. 13:15, 16.

4. Soqqanshonke ninke anfummokki hiittoo guma laaltara dandiitanno?

⁴ Hakkiinni saeno ninke afa hoongummorono daafurinke guma laalanni nooha ikkara dandaanno. Yesuusi sabbakinoha dancha duduwo macciishshino manni mitu mitu isi uulla heeshshosi gudi gedensaanni rosaanosi ikkikki digatino. Hatteente gede winxeemmohu Maganu Mangiste wixi mittu manchi wodani giddo rahe rumuxxa hoogara dandaanno, gedensaanni kayinni kuni manchi ninke anfummokki halaale adhara dandaanno. Addaho, soqqanshonke lowore hagiirsiisannore assitanno. Konni daafira ‘batinye guma laala agurroonke’; konni garinni Yesuusi rosaano ikkanke leellinsho.—Yoh. 15:8.