Qullaawu Maxaafi Niwaawe Pirogiraame

Qullaawu Maxaafi heeshshote kaaꞌlitannota taalle nookki amaale amadino. Maganu Qaale ganyite nabbawittoronna hiincittoro hattono rosoottore loosu aana hosiisittoro “baalunku coyi danchu garinni qinaannohe.” (Iyyaasu 1:8; Faarso 1:1-3) Qoleno hatto assittoro Maganonna Beettosi Yesuusa seekkite afatto; tini egenno gato afiꞌratto gede kaaꞌlitannohe.—Yohaannisi 17:3.

Ikkina Qullaawa Maxaafa ma garinni nabbawa dandaatto? Nabbawa dandaattoti babbaxxitino doogo no. Tini Qullaawu Maxaafi Niwaawe Pirogiraame, Qullaawa Maxaafa aante aantenni woy gafu gafunni nabbawatto gede kaaꞌlitannohe. Lawishshaho, Maganoho Israeelete daga ledo noosi aante daafira kultanno xagge afate boode gafa doorte nabbawa dandaatto. Qoleno Kiristaanu songo xintantinonna lophitanni hadhino gara kulanno gafa nabbawa dandaatto. Mitte higge nabbawattora worroonni fooliishshuwa barru barrunku nabbawittoro, Qullaawa Maxaafa mittu diri giddo nabbabbe guda dandaatto.

Barraho woy mittu dirira woy mite yee hanafanno manchira kaaꞌlitannota Qullaawu Maxaafi niwaawe pirogiraame hasiꞌrittoro, tini pirogiraame kaaꞌlitannohe. Tenne attaꞌminannita Qullaawu Maxaafi niwaawe pirogiraame dirrisidhe, techonni nabbawa hanafi.