FAARSO 136
Yihowa ‘Aannoha Guuta Baꞌraaꞌra’
Attammoonnita
(Ruuti 2:12)
1. Yihowa ammanamiyo Maganooti;
Baxxannosire afino.
Isira yite aguratto coyeno
Hawannoha diꞌꞌikkino.
Qaenna jaala agurittorono,
Maganu tenne afino.
Lowo roduuwa oye maassiꞌrannohe;
Guuta heeshshono aannohe.
(AZIMAACHE)
Maganinke daafurokki lae,
Falahino atootesi oohe.
Qoolisi giddo amadohe;
Ammanaminoho; ditugannohe.
2. Mito woye heeshsho qarra ikkitanno;
Duhu gede ayirritanno.
Suttote hoshsha honseemmo woti no;
Wolqankeno shaqqitanno.
Tenne afino shaqqadu Anninke;
Macciishshanno huuccattonke.
Qaalisi, ayyaanisinna roduuwu,
Jawaante ikkitannonke.
(AZIMAACHE)
Maganinke daafurokki lae,
Falahino atootesi oohe.
Qoolisi giddo amadohe;
Ammanaminoho; ditugannohe.
(Qoleno Eje. 11:38-40; Isa. 41:10 lai.)