FAARSO 95
Halaalu Xawaabbi Lexxanni No
(Lawishsha 4:18)
1. Masaalaano mannu ooso hexxore,
Huwatate xiinxallitino.
Maganu ‘Kiristoosi soyemmo’ yiino;
Gato daggannota kulino.
Xa yannasira Yesuusi gashshayi no;
Taje tenne leellishshanno.
Tenne afanke lowo ayirrinyeeti;
Sokkaasine halchitawo coyeeti!
(AZIMAACHE)
Doogonke lexxite xabbino;
Barru taalooti gedeeti.
Rosiisaankehu Yihowaati;
Massagaanchinke isooti.
2. Mootichu borojjicho shoominonke;
Sagale yannateyi aannonke.
Halaalu xawaabbi lexxayi haꞌrino;
Roore banxanniha ikkino.
Waraꞌa yitiyo doogora heeꞌnoommo;
Xawaabbu giddo qaanfeemmo.
Halaalu Anni Yihowa maassamo;
Hagiirruyi doogosi haꞌneemmo.
(AZIMAACHE)
Doogonke lexxite xabbino;
Barru taalooti gedeeti.
Rosiisaankehu Yihowaati;
Massagaanchinke isooti.
(Qoleno Rom. 8:22; 1 Qor. 2:10; 1 Phe. 1:12 lai.)