Maganunnita Baxillu Doogo

1. Baxillu doogo Maganu kuliyonke;

Lawishsha ikkiyonke.

Loosisi baalu, dancha akatasi,

Leellishanno baxillesi.

Mitto Beettosi ninkera uyinonke;

Cubbu giddonni wode gatisiyonke.

Taalle dinooho bayiru baxillisi!

Baxilleho Yihowa umisi.

2. Addu baxilli heeꞌrannonke gede,

Faalesi haꞌneemmo;

Mallaandummokki baalanka roduuwa,

Baxillunni kaaꞌlineemmo.

Banxo Magano, banxo roduuwanke;

Halaalunniha ikko baxillinke.

Roduuwinkera gatona yineemmo;

Maganonke hagiirsiinseemmo.

3. Addu baxilli fiixa assinonke;

Mittimma uyinonke.

Maganinkeno woshshe abbinonke;

Mannisinni xaadisiyonke.

Noonke baxilli hagiirsiisannoho;

Mannasi ikkanke bade leellishanno.

Maganu Qaali doogonke seekkanno;

Baxilleho Yihowa doogo.