Qullaawu Maxaafi Adhanna Adhama Diigate Daafira Mayyaanno?

Qullaawu Maxaafi mayyaanno?

Qullaawu Maxaafi, adhanna adhama diiga dandiinanni woyiti noota kulanno. Ikkollana, Yesuusi adhanna adhama diiga dandiinannihu lamunku giddo mittu soorriro calla ikkinota rosiisino; isi togo yiino: “Mittu manchi galtesi foorretenni [wolu ledo siimu xaadooshshe assatenni] kainohunni ikka hoogiro, hakkuyi kaꞌa [galtesi] haꞌrise wole adhiro foorinoho.”—Maatewoosi 19:9.

Maganu bunshe hende woy donge adhanna adhama diingannita giwanno. Tidhinokki coyira, hakko iso wole adhate yite (woy woleho assiꞌrate yite) adhanna adhama diiggannore Isi xaꞌmannonsa.—Milkiyaasi 2:13-16; Maarqoosi 10:9.