Qullaawu Maxaafi Xagge Roseemmo Maxaafaꞌya Yaanno Maxaafi Xaꞌmuwa

Xagge 1

Maganu Addi Addi Kalaqo Kalaqa Hanafi

1. Danchare baalanka kalaqinohu ayeeti? Kalaqinori giddo mito mito kula dandaatto?

2. Maganu umo asse maa kalaqino?

3. Umi sokkaanchi baxxinoha ikkinohu mayinniiti?

4. Umo uulla marichcho labbannoro xawisi. (Misile lai.)

5. Maganu uulla saadatenna mannaho heeꞌrate biiffinota assinohu hiittoonniiti?

Wole xaꞌmo:

1. Ermiyaasi 10:12 nabbawi.

   Maganu kalaqo hiikkuri amallasi leellishshanno? (Isa. 40:26; Ro. 11:33)

2. Qolasiyaasi 1:15-17 nabbawi.

   Maganu addi addi coye kalaqi wote Yesuusi marichcho assino? Tenne afanke isira mayi lao heedhannonke gede assitanno? (Qol. 1:15-17)

3. Kalaqo 1:1-10 nabbawi.

   1. Uulla kalaqinohu ayeeti? (Kal. 1:1)

   2. Umi kalaqote barra marichchi ikki? (Kal. 1:3-5)

   3. Layinki kalaqote barra marichchi ikkinoro xawisi. (Kal. 1:7, 8)

Xagge 2

Biifado Kaashshu Base

1. Maganu uulla qaenke ikkitara qixxeessinohu hiittoonniiti?

2. Maganu kalaqinota addi addi saada kuli. (Misile lai.)

3. Edenete kaashshu base baxxitinota ikkitinohu mayiraati?

4. Maganu woꞌmanti uulla ma ikkitara hasiꞌrino?

Wole xaꞌmo:

1. Kalaqo 1:11-25 nabbawi.

   1. Sayikki kalaqote barra Maganu marichcho kalaqi? (Kal. 1:12)

   2. Kalaqote shoolki barra marichchi ikki? (Kal. 1:16)

   3. Kalaqote ontikkinna leekki barra Maganu hiikkuri addi addi saada kalaqino? (Kal. 1:20, 21, 25)

2. Kalaqo 2:8, 9 nabbawi.

   Maganu kaashshu basera fushshinoti lame baxxitino haqqichcho hiitteeti? Tini haqqe maa leellishshanno?

Xagge 3

Umi Labbaahanna Meyaata

1. Sayikki xaggera noo misile layinki xaggera noo misilenni mayinni baxxitanno?

2. Umi mancho kalaqinohu ayeeti? Kalaqamino manchi suꞌmina ayeeti?

3. Maganu Addaamira mayi looso uyino?

4. Maganu Addaamira lowo goxichchi daannosi gede assinohu mayiraati?

5. Addaaminna Heewani mageeshshi yanna heeꞌra dandiitannonka? Yihowa, insa marichcho assitara hasiꞌrino?

Wole xaꞌmo:

1. Faarso 83:18 nabbawi.

   Maganu suꞌmi ayeeti? Uullate aana isi callira noositi baxxitino silxaane maati? (Erm. 16:21; Dan. 4:17)

2. Kalaqo 1:26-31 nabbawi.

   1. Maganu leekki barra kalaqinohu baxxino kalaqami maati? Kuni kalaqami saadatewiinni baxxinohu mayinniiti? (Kal. 1:26)

   2. Yihowa mannahono ikko saadate marichcho qixxeessino? (Kal. 1:30)

3. Kalaqo 2:7-25 nabbawi.

   1. Addaami saadate suꞌma fushshano agurranna wole maa assino? (Kal. 2:19)

   2. Adhama, baxxe heeꞌranna adhama diiga lainohunni Yihowara noosi lao buunxeemmo gede, Kalaqo 2:24 kaaꞌlitannonkehu hiittoonniiti? (Maat. 19:4-6, 9)

Xagge 4

Qaensanni Fushshininsahu Mayiraati?

1. Misilete aana, Addaaminna Heewani hiissinanni heeꞌnoonni?

2. Yihowa insa qorichchishinonsahu mayiraati?

3. Hamashshu Heewani mayyii?

4. Hamashshu Heewani coyishiishanno gede assinohu ayeeti?

5. Addaaminna Heewani Gannatetenni fushshinihu mayiraati?

Wole xaꞌmo:

1. Kalaqo 2:16, 17 nna 3:1-13, 24 nabbawi.

   1. Hamashshu Heewani xaꞌmino xaꞌmo Yihowa suꞌma huntinohu hiittoonniiti? (Kal. 3:1-5; 1 Yo. 5:3)

   2. Heewani ninkera qorowishsha ikkitannonkehu hiittoonniiti? (Fil. 4:8; Ya. 1:14, 15; 1 Yo. 2:16)

   3. Addaaminna Heewani soꞌronsa ammana gibbinohu ma garinniiti? (Kal. 3:12, 13)

   4. Edenete kaashshu basera soojjaatoonni worroonni kirubeele Yihowa aliidimma irkissinohu hiittoonniiti? (Kal. 3:24)

2. Yohaannisi Ajuuja 12:9 nabbawi.

   Sheexaanu mannu ooso Maganuwiinni mageeshshi geeshsha badino? (1 Yo. 5:19)

Xagge 5

Mitiimmaame Heeshsho Hanaffu

1. Addaaminna Heewani Edenete kaashshu basenni fushshininsahu gedensaanni hiittoo heeshsho heedhu?

2. Addaaminna Heewani maikka hanafi? Mayira?

3. Addaaminna Heewani ooso geedhitannohunna reyitannohu mayiraati?

4. Addaaminna Heewani Yihowara hajajantoommero, insano oosonsano hiittoo heeshsho heeꞌra dandiitannonka?

5. Heewani hajajama hoogasenni iillinose qarri maati?

6. Addaaminna Heewani umo ilinori lamu labballi ayeooti?

7. Misilete aana leeltannoti wole ooso ayireeti?

Wole xaꞌmo:

1. Kalaqo 3:16-23 nna 4:1, 2 nabbawi.

   1. Uulla rumantuta Addaami heeshsho hiittoota ikkitu? (Kal. 3:17-19; Ro. 8:20, 22)

   2. “Heeshshonniho” yitanno tiro afiꞌrinoha Heewani yinanni suꞌma fushsha gara ikkitinohu mayiraati? (Kal. 3:20)

   3. Addaaminna Heewani cubbo loossu gedensaanni nafa Yihowa danchumma assinonsahu hiittoonniiti? (Kal. 3:7, 21)

2. Yohaannisi Ajuuja 21:3, 4 nabbawi.

   ‘Albi coye’ yiniri giddo baꞌꞌanno gede quqquxamattori maati?

Xagge 6

Dancha Beettonna Busha Beetto

1. Qayeelinna Abeeli loosi maati?

2. Qayeelinna Abeeli Yihowara kakkalate marichcho shiqishshu?

3. Yihowa Abeeli kakkalonni hagiidhinohu mayiraati? Qayeeli kakkalonni kayinni hagiidhinokkihu mayiraati?

4. Qayeeli hiittoo beettooti? Yihowa iso mayyee seejjinosi?

5. Qayeelinna Abeeli xawoho calluwu heedheenna, Qayeeli rodoosi ma assi?

6. Qayeeli rodoosi shiihu gedensaanni iillinosire xawisi.

Wole xaꞌmo:

1. Kalaqo 4:2-26 nabbawi.

   1. Yihowa, Qayeeli noota bunshete doogo mayyee xawisino? (Kal. 4:7)

   2. Qayeeli wodanisi bunshe xawisinohu hiittoonniiti? (Kal. 4:9)

   3. Keeraancho mundee duntannorira Yihowara hiittoo lao noosi? (Kal. 4:10; Isa. 26:21)

2. Umi Yohaannisi 3:11, 12 nabbawi.

   1. Qayeeli lowo geeshsha hanqinohu mayiraati? Kuni ninkera qorowishsha ikkannonkehu hiittoonniiti? (Kal. 4:4, 5; Law. 14:30; 28:22)

   2. Maatenke gudisante Yihowa magansidhannokkita ikkituro nafa, ninke isira noonketa coꞌiima uurrinsha agadha dandiineemmota Qullaawu Maxaafi xawisannohu hiittoonniiti? (Far. 27:10; Maat. 10:21, 22)

3. Yohaannisi 11:25 nabbawi.

   Keeraanchimmate yite reyitannorira baalaho Yihowa mayi hexxo uyino? (Yoh. 5:24)

Xagge 7

Worba Mancho

1. Heenooki wolu manniwiinni baxxannohu mayinniiti?

2. Heenooki waro noo mannooti bunshe calla assitannohu mayiraati?

3. Hakkawaro mannu mayi bunshe assanno? (Misile lai.)

4. Heenooki worba ikka hasiissinosihu mayiraati?

5. Hakkawaro mannu mageeshshi diro heeꞌranno? Heenooki kayinni meꞌꞌe diro heeꞌrino?

6. Heenooki reyihu gedensaanni mayi maikki?

Wole xaꞌmo:

1. Kalaqo 5:21-24, 27 nabbawi.

   1. Heenookira Yihowa ledo hiittoo fiixoomi noosi? (Kal. 5:24)

   2. Qullaawu Maxaafi kulanno garinni, mannu duuchchunkunni roore seeda diro heeꞌrino manchi ayeeti? Kuni manchi meꞌꞌe diro heeꞌrino? (Kal. 5:27)

2. Kalaqo 6:5 nabbawi.

   Heenooki reyihu gedensaanni uullate aana bunshe mageeshsha batidhino? Hakkawari yanna ninke yanna ledo mitto gara ikkitinohu mayinniiti? (2 Xim. 3:13)

3. Ibiraawuyaani 11:5 nabbawi.

   ‘Magano hagiirsiisinohu’ Heenookihu danchu amali hiikkonneeti? Heenooki Magano hagiirsiisasinni ma baraara afiꞌri? (Kal. 5:22)

4. Yihuda 14, 15 nabbawi.

   Yannankera noo Kiristaani muli yannara daannoha Armageedooni ola mannaho kulanno yannara, Heenookiha worbimmate lawishsha harunsa dandaannohu hiittoonniiti? (2 Xim. 4:2; Ibi. 13:6)

Xagge 8

Uullate Aana Heedhinore Jigeeyye Manna

1. Maganu sokkaano giddo gamu, Sheexaanu yiinore macciishshite ma assitu?

2. Mite mite sokkaano iima uyinoonninsa looso agurte uullara dagginohu mayiraati?

3. Sokkaano iiminni uullara dirrite mannu biso uddiransa soꞌro ikkitinohu mayiraati?

4. Sokkaano iltino ooso baxxitinore ikkitinohu mayinniiti?

5. Misilete aana laꞌꞌattonte gede, sokkaanote ooso jigeeyye ikkituti ma assitu?

6. Heenooki reyihu gedensaanni uullate aana heeꞌrinohu danchu manchi ayeeti? Hakko mancho Maganu baxinohu mayiraati?

Wole xaꞌmo:

1. Kalaqo 6:1-8 nabbawi.

   Amalinke dancha ikkiro woyi busha ikkiro Yihowara mayi macciishshamannosiro anfeemmo gede, Kalaqo 6:6 kaaꞌlitannonkehu hiittoonniiti? (Far. 78:40, 41; Law. 27:11)

2. Yihuda 6 nabbawi.

   Nohi yannara ‘umi bayichchonsa agurtu’ sokkaano ninkera qorowishsha ikkitannonkehu hiittoonniiti? (1 Qor. 3:5-9; 2 Phe. 2:4, 9, 10)

Xagge 9

Nohi Markaawe Seekki

1. Nohi maate giddo meu manni no? Sasu labballu oososi suꞌmi ayeeti?

2. Maganu, Nohi loose egenninokkire maa loosanno gede hajajisi? Mayira?

3. Wolootu mannooti Nohi markaawe seekkara kainota kulinsata mayitu?

4. Maganu, Nohi saada hiissanno gede kulisi?

5. Maganu markaawete saanqa cufihu gedensaanni, Nohinna maatesi ma assa hasiissinonsa?

Wole xaꞌmo:

1. Kalaqo 6:9-22 nabbawi.

   1. Nohi yannasira noo manninni baxxinoha Maganu soqqamaancho ikkinohu hiittoonniiti? (Kal. 6:9, 22)

   2. Finqille lainohunni Yihowara mayi macciishshamannosi? Tenne afanke boohaarsha doodhineemmo wote kaaꞌlitannonkehu hiittoonniiti? (Kal. 6:11, 12; Far. 11:5)

   3. Yihowa dirijjite widoonni biddishsha uyinanninke wote, Nohi lawishsha harunsa dandiineemmohu hiittoonniiti? (Kal. 6:22; 1 Yo. 5:3)

2. Kalaqo 7:1-9 nabbawi.

   Yihowa guuta ikkinokkiha Nohi keeraanchu gede asse laꞌꞌasi, ninke jawaachchishshannonkehu hiittoonniiti? (Kal. 7:1; Law. 10:16; Isa. 26:7)

Xagge 10

Baote Waa

1. Wayi iiminni dirra hanafita mittuno markaawete giddora ea dandiinokkihu mayiraati?

2. Yihowa wayi meꞌꞌe barranna meꞌꞌe hashsha dirranno gede assino? Dirrino wayi mageeshshiha ikki?

3. Wayi uulla woꞌmita markaawe hiitto ikkitu?

4. Jigeeyye mannooti baote wayinni gattinoni? Insa annuwa hiikkituyya?

5. Yannate gedensaanni markaawe hiikkitu?

6. Nohi haraqeessa markaawete giddonni fushshe soyinohu mayiraati?

7. Nohi uullate aana noo wayi xeinota afinohu mayinniiti?

8. Nohinna maatesi mitto diro aleenni ikkitanno yanna markaawete giddo heedhu gedensaanni, Maganu Nohi mayyii?

Wole xaꞌmo:

1. Kalaqo 7:10-24 nabbawi.

   1. Uullate aana baote wayinni baꞌino lubbo mageete? (Kal. 7:23)

   2. Baote wayi uulla woꞌme mageeshsha keeshshi? (Kal. 7:24)

2. Kalaqo 8:1-17 nabbawi.

   Yihowara uullate noositi hundi hedo soorrantinokkita Kalaqo 8:17 kultannohu hiittoonniiti? (Kal. 1:22)

3. Umi Pheexiroosi 3:19, 20 nabbawi.

   1. Finqiltino sokkaano iimira galagalte martuta, mayi firde uyininsa? (Yihuda 6)

   2. Yihowa mannasi gatisa dandaannota seekkine ammanneemmo gede, Nohinna maatesi xagge kaaꞌlitannonkehu hiittoonniiti? (2 Phe. 2:9)

Xagge 11

Umi Magani-Seemo

1. Misilete aana noonte gede, Nohi markaawete giddonni fulanni heeꞌrenni ma assi?

2. Baote wayi gedensaanni Maganu Nohinna maatesi mayyee hajaji?

3. Maganu mayi qaale eino?

4. Magani-seemmo laꞌneemmo wote maa qaaga hasiissannonke?

Wole xaꞌmo:

1. Kalaqo 8:18-22 nabbawi.

   1. Xaa yannara Yihowara “dancha suꞌniille” shiqisha dandiineemmohu hiittoonniiti? (Kal. 8:21; Ibi. 13:15, 16)

   2. Yihowa mannu wodani hiittooha ikkinota afino? Ikkina ninke mayi qorophpho assa hasiissannonke? (Kal. 8:21; Maat. 15:18, 19)

2. Kalaqo 9:9-17 nabbawi.

   1. Yihowa uullate aana noo kalaqami baalu ledo mayi qaale eino? (Kal. 9:10, 11)

   2. Yihowa magani-seemmotenni eino qaali mageeshsha keeshshanno? (Kal. 9:16)

Xagge 12

Mannu Lowo Gimbe Mini

1. Naamiruudi hiittoo manchooti? Maganu iso baxannonso dibaxanno?

2. Misilete aana noo manni xuube seekkanni noohu mayiraati?

3. Mannootu gimbe mintuta Yihowa hagiidhinokkihu mayiraati?

4. Maganu mannootu gimbe mintannota hoolinohu hiitto asseeti?

5. Mannu gimbe mini katama mayinanni? Hatto yaa mayyaate?

6. Maganu qaalensa soorrihu gedensaanni, mannootu hiikkitu?

Wole xaꞌmo:

1. Kalaqo 10:1, 8-10 nabbawi.

   Naamiruudi amali hiittooho? Kuni ninkera mayi qorowishsha ikkannonke? (Law. 3:31)

2. Kalaqo 11:1-9 nabbawi.

   Mannoota gimbe minate kakkayisinonsari maati? Minte guda hoogguhuna mayiraati? (Kal. 11:4; Law. 16:18; Yoh. 5:44)

Xagge 13

Maganu Jaali Abirahaami

1. Uuri katamira heeꞌrino manni hiittooho?

2. Misilete aana leellanno manchi ayeeti? Isi mamaro ilamino? Heeꞌrinohuna hiikkooti?

3. Maganu Abirahaami marichcho assi yiisi?

4. Abirahaami Maganu jaalaati yinoonnihu mayiraati?

5. Abirahaami Uuri katama agure fuli wote, ledosi hadhinori ayeooti?

6. Abirahaami Kanaꞌꞌaani gobba iillita Maganu mayyiisi?

7. Abirahaamira 99 diro ikkisita Maganu mayi qaale eisi?

Wole xaꞌmo:

1. Kalaqo 11:27-32 nabbawi.

   1. Abirahaamiranna Looxira mayi fiixoomi noonsa? (Kal. 11:27)

   2. Maatesi Kanaꞌꞌaani gobba haare haꞌrasinni galantoonnihu Taara ikkirono, tenne haꞌrinsho qara ikke kakkayisinohu kayinni Abirahaami ikkinota mayinni anfeemmo? Abirahaami tenne assinohu mayiraati? (Kal. 11:31; Soq. Los. 7:2-4)

2. Kalaqo 12:1-7 nabbawi.

   Abirahaami Kanaꞌꞌaani gobba ei gedensaanni, Yihowa Abirahaamira eino qaale halashshinohu hiittoonniiti? (Kal. 12:7)

3. Kalaqo 17:1-8, 15-17 nabbawi.

   1. Abiraamira 99 diro ikkisita suꞌmasi ayi yine soorrini? Soorrinoonnihu mayiraati? (Kal. 17:5)

   2. Yihowa Saarara mayi atoote aasera qaale eino? (Kal. 17:15, 16)

4. Kalaqo 18:9-19 nabbawi.

   1. Kalaqo 18:19 annuwa maa assa hasiissannonsata kultanno? (Marro 6:6, 7; Efe. 6:4)

   2. Yihowawiinni mittoreno maaxa dandiineemmokkita leellishshannoti Saara ikkito hiitteeti? (Kal. 18:12, 15; Far. 44:21)

Xagge 14

Maganu Abirahaami Ammana Fonqoli

1. Maganu Abirahaamira mayi qaale eino? Eino qaale wonshinohu hiittoonniiti?

2. Misilete aana leellannonte gede, Maganu Abirahaami ammana fonqolinohu hiittoonniiti?

3. Maganu tenne hajajo uyinosihu mayiraatiro leella hoogisirono, Abirahaami ma assi?

4. Abirahaami beettosi gorrara billawa kayisita mayi maikki?

5. Abirahaami ammana mageeshshi geeshsha kaajjadote?

6. Maganu, Abirahaami marichcho kakkalanno gede qixxeessi? Qixxeessinohu hiittoonniiti?

Wole xaꞌmo:

1. Kalaqo 21:1-7 nabbawi.

   Abirahaami beettosi settikki barra barcinshiishinohu mayiraati? (Kal. 17:10-12; 21:4)

2. Kalaqo 22:1-18 nabbawi.

   Yisaaqi annisi Abirahaamira hajajamasi leellishinohu hiittoonniiti? Isi hajajama, albaagge ikkitannota bayira ikkito leellishshannohu hiittoonniiti? (Kal. 22:7-9; 1 Qor. 5:7; Fil. 2:8, 9)

Xagge 15

Looxi Galte Badheegge Laꞌu

1. Abirahaaminna Looxi mayira baxxitu?

2. Looxi Soddoomaho heeꞌra mayira doodhi?

3. Soddoomu manni hiittooho?

4. Lame sokkaano Looxi mayite qorowisiissu?

5. Looxi galte maxinete kincho ikkituhu mayiraati?

6. Looxi galte ikkitonni marichcho ronseemmo?

Wole xaꞌmo:

1. Kalaqo 13:5-13 nabbawi.

   Mereeronke kawa kaꞌaa higanno coye tira lainohunni, Abirahaamiwiinni marichcho ronseemmo? (Kal. 13:8, 9; Ro. 12:10; Fil. 2:3, 4)

2. Kalaqo 18:20-33 nabbawi.

   Yihowa Abirahaami ledo hasaawino hasaawi, Isinna Yesuusi halaalaancho firde uyitanno yine addaxxineemmo gede assannonkehu hiittoonniiti? (Kal. 18:25, 26; Maat. 25:31-33)

3. Kalaqo 19:1-29 nabbawi.

   1. Tini Qullaawu Maxaafi xagge, labbaahu labbaahu ledo, meyaati meyaate ledo siimu xaadooshshe assa lainohunni Maganoho mayi lao noosita xawissanno? (Kal. 19:5, 13; Zel. 20:13)

   2. Looxinna Abirahaami Maganu hajajora uyitino dawaro babbaxxitinohu hiittoonniiti? Ninke konninni maa ronseemmo? (Kal. 19:15, 16, 19, 20; 22:3)

4. Luqaasi 17:28-32 nabbawi.

   Looxi galtera uullate jirora mayi lao noose? Kuni ninkera qorowishsha ikkannonkehu hiittoonniiti? (Luq. 12:15; 17:31, 32; Maat. 6:19-21, 25)

5. Layinki Pheexiroosi 2:6-8 nabbawi.

   Looxi lawishsha harunsatenni, qooxeessinkera noo Magano waajjitannokki alamera hiittoo lao heedhankera hasiisanno? (Hiz. 9:4; 1 Yo. 2:15-17)

Xagge 16

Yisaaqi Dancha Galte Afiꞌri

1. Misilete aana noo manchinna mancho ayeeti?

2. Abirahaami beettisira galte abbate ma assi? Mayira?

3. Abirahaami soqqamaanchi assiꞌrino huuccattora Yihowa dawaro qolinohu hiittoonniiti?

4. Ribiqa Yisaaqira assiꞌra baxxinoronna teꞌee xaꞌminiseta mayitu?

5. Yisaaqi hagiidhinohu mayiraati?

Wole xaꞌmo:

1. Kalaqo 24:1-67 nabbawi.

   1. Ribiqa buenniwa Abirahaami soqqamaanchinni xaaddu wote, hiittoo akata leellishshu? (Kal. 24:17-20; Law. 31:17, 31)

   2. Abirahaami Yisaaqira assino qixxaawonni xa noo Kiristaani mayi roso afiꞌranno? (Kal. 24:37, 38; 1 Qor. 7:39; 2 Qor. 6:14)

   3. Yisaaqi assinte gede, ninkeno hiincate yanna woxxa hasiissannonkehu mayiraati? (Kal. 24:63; Far. 77:12; Fil. 4:8)

Xagge 17

Mimmito Labbannokki Lakkuwa

1. Eesawunna Yaaqoobi ayeeti? Insa mimmito labbannokkihu mayinniiti?

2. Eesawuranna Yaaqoobira ahaahinsa Abirahaami reyi wote meꞌꞌe diro ikkinonsa?

3. Eesawu amasinna annasi lowo geeshsha dadillisinohu ma asseeti?

4. Eesawu rodiisi Yaaqoobira lowo geeshsha hanqinohu mayiraati?

5. Yisaaqi beettosi Yaaqoobi mayyee amaali?

Wole xaꞌmo:

1. Kalaqo 25:5-11, 20-34 nabbawi.

   1. Yihowa Ribiqa oosore mayyee masaalino? (Kal. 25:23)

   2. Yaaqoobiranna Eesawura bayirreenynya lainohunni noonsa lao babbaxxitinohu mayinniiti? (Kal. 25:31-34)

2. Kalaqo 26:34, 35; 27:1-46 nna 28:1-5 nabbawi.

   1. Eesawu ayyaanaamo coye ayirrisannokkita leellishinohu hiittoonniiti? (Kal. 26:34, 35; 27:46)

   2. Yaaqoobi Maganu maasso adhanno gede, Yisaaqi ma assi yiisi? (Kal. 28:1-4)

3. Ibiraawuyaani 12:16, 17 nabbawi.

   Eesawu xagge qullaawa coye mishshannorira mayi iillannonsata leellishshanno?

Xagge 18

Yaaqoobi Kaaraani Haꞌri

1. Misilete aana noo beetto ayeeti? Yaaqoobi isera ma assi?

2. Yaaqoobi Raaheeli adhate ma assi?

3. Yaaqoobi Raaheeli adhanno yanna iillituta, Laaba ma assi?

4. Yaaqoobi Raaheeli adhate marichcho assara maahoyye yii?

Wole xaꞌmo:

1. Kalaqo 29:1-30 nabbawi.

   1. Laaba Yaaqoobi dogisirono, isi kayinni ammanaminoha ikkinota leellishinohu hiittoonniiti? Ninke konninni maa ronseemmo? (Kal. 25:27; 29:26-28; Maat. 5:37)

   2. Yaaqoobi lawishshi addu baxillinna iimi addi baxilli mereero noo badooshshe leellishannohu hiittoonniiti? (Kal. 29:18, 20, 30; Mehaaliye Meh. 8:6)

   3. Yaaqoobira galte ikki gedensaanni isira labballo ooso iliri shoole meenti ayeooti? (Kal. 29:23, 24, 28, 29)

Xagge 19

Yaaqoobira Halaꞌlado Maate Noosi

1. Yaaqoobi umi galtesi Liyawiinni ilinori lewu labballu oososi ayeooti?

2. Liya soqqamaancho Zelefa Yaaqoobira iltinori lame ooso ayeooti?

3. Raaheeli soqqamaancho Baalla Yaaqoobira iltinori lame ooso ayeooti?

4. Raaheeli iltinori lame ooso ayeooti? Layinkiha iltu wote kayinni ma ikkitu?

5. Misilete aana laꞌꞌattonte gede, Yaaqoobira meꞌꞌe ooso noosi? Insa giddonni hiitti daga fultino?

Wole xaꞌmo:

1. Kalaqo 29:32-35; 30:1-26 nna 35:16-19 nabbawi.

   Tonaalame Yaaqoobi oosora suꞌma fushshinoonni gari leellishannonte gede, biꞌree waro Isiraeelete labballi oosora suꞌma fushshinannihu mayi garinniiti?

2. Kalaqo 37:35 nabbawi.

   Qullaawu Maxaafi giddo Diina suꞌmi calla nooha ikkirono, Yaaqoobira wolu seennu ooso noosi yineemmohu mayiraati? (Kal. 37:34, 35)

Xagge 20

Diinara Qarru Iillise

1. Abirahaaminna Yisaaqi oosonsa Kanaꞌꞌaani gobba manni ledo adhantara hasidhinokkihu mayiraati?

2. Yaaqoobi beettosi Kanaꞌꞌaani seenni ledo jaaloontinota baxinoni?

3. Misilete aana Diina laꞌꞌanni noo beetti ayeeti? Isi assinohu bushu coyi maati?

4. Diina roduuwi Simiooninna Leewi isera iillinore macciishshituti, ma assitu?

5. Simiooninna Leewi assitinore Yaaqoobi baxinoni?

6. Yaaqoobi maatera kuni baalu qarri iillinohu mayinniiti?

Wole xaꞌmo:

1. Kalaqo 34:1-31 nabbawi.

   1. Diina Kanaꞌꞌaani seenniwa mitte higgella martino? Xawisi. (Kal. 34:1)

   2. Diina seeminaatese hoogase umise duqqa hasiissinosehu mayiraati? (Gal. 6:7)

   3. Yannankera noo wedelli Diinara iillinorinni qorowishsha afidhinota leellisha dandiitannohu hiittoonniiti? (Law. 13:20; 1 Qor. 15:33; 1 Yo. 5:19)

Xagge 21

Yooseefi Roduuwisi Gibbusi

1. Yooseefi roduuwisi hinaassuhu mayiraati? Hinaasse marichcho assitu?

2. Yooseefi roduuwi iso hiissitara hasidhu? Roobeeli kayinni mayyii?

3. Isimaeelete daddalaano hadhanni dagguta mayi maikki?

4. Yooseefi roduuwi anninsa Yooseefi reyino yee hedanno gede assate ma assitu?

Wole xaꞌmo:

1. Kalaqo 37:1-35 nabbawi.

   1. Songote giddo loonsoonni cubbo kula lainohunni, Kiristaanu Yooseefi lawishsha harunsa dandaannohu hiittoonniiti? (Kal. 37:2; Zel. 5:1; 1 Qor. 1:11)

   2. Yooseefira roduuwisi diinna ikkitanno gede assinonsahu maati? (Kal. 37:11, 18; Law. 27:4; Ya. 3:14-16)

   3. Shiiꞌniro assa gara ikkino coyi, Yaaqoobi assinohu maati? (Kal. 37:35)

Xagge 22

Yooseefi Usurami

1. Gibitse massinisi wote Yooseefira meꞌꞌe diro ikkinosi? Iso hakkiichcho massite hiissitusi?

2. Yooseefi usuraminohu mayiraati?

3. Usuru mine Yooseefira mayi mootimma uyinisi?

4. Yooseefi usuru mine heeꞌre, Feerioonira sagale qishannohuranna xajje xorshannohura ma assi?

5. Xajje xorshannohu usuru mininni fuliti hiikki?

Wole xaꞌmo:

1. Kalaqo 39:1-23 nabbawi.

   Yooseefi waro Maganu soorra hoolanno seera borreesse uyinokkiha ikkina, Yooseefi Phoxifaari galtewiinni xooqanno gede assinosihu maati? (Kal. 2:24; 20:3; 39:9)

2. Kalaqo 40:1-23 nabbawi.

   1. Feerioonira xajje xorshannohu haaqiirino haaqenna hatte haaqera Yihowa Yooseefira kulino tiro xawisse kuli. (Kal. 40:9-13)

   2. Sagale qishannohu mayi haaqe haaqiirino? Hatte haaqe tiro maati? (Kal. 40:16-19)

   3. Xaa yannara ammanaminohunna wodanaamu borojjichchi gaamo Yooseefite gedee lao noonsahu hiittoonniiti? (Kal. 40:8; Far. 36:9; Yoh. 17:17; Soq. Los. 17:2, 3)

   4. Kalaqo 40:20, ilamate barra ayirrisa lainohunni Kiristaanaho heedhansara hasiissanno lao buunxeemmo gede kaaꞌlitannonkehu hiittoonniiti? (Mek. 7:1; Maar. 6:21-28)

Xagge 23

Feeriooni Haaqe

1. Feeriooni mitto hashsha goxe heeꞌre ma assi?

2. Xajje xorshanno soqqamaanchi gedensaanni hige Yooseefi qaaginohu mayiraati?

3. Misilete aana laꞌꞌattonte gede, Feeriooni hiittee lame haaqe haaqiiri?

4. Yooseefi lamente haaqe tiro maati yii?

5. Yooseefi Gibitsete gobbara Feeriooninni aane gashshaancho ikkinohu hiittoonniiti?

6. Yooseefi roduuwi Gibitse martinohu mayiraati? Insa Yooseefi mayira habbu?

7. Yooseefira hiitti haaqe qulli yitusi? Tini haaqe isi marichcho huwatanno gede assitusi?

Wole xaꞌmo:

1. Kalaqo 41:1-57 nabbawi.

   1. Yooseefi, mannu ayirrinynye Yihowara aanno gede assinohu hiittoonniiti? Xaa yannara noo Kiristaani isi lawishsha harunsa dandaannohu ma garinniiti? (Kal. 41:16, 25, 28; Maat. 5:16; 1 Phe. 2:12)

   2. Gibitsete gobbara hudete diri daara albaanni sagale woꞌmitu diri, xaa yannara Yihowa dagahanna Suꞌmu Kiristaaniha ayyaanaamo gara bade kulannohu hiittoonniiti? (Kal. 41:29, 30; Amo. 8:11, 12)

2. Kalaqo 42:1-8 nna 50:20 nabbawi.

   Yihowa magansiꞌranno manni, mittu manchira noosi mootimma ayirrisanna hakko mancho magansiꞌnikki heeshshi yaa gobbansa bude ikkiro, hatto assansa soꞌroteni? (Kal. 42:6)

Xagge 24

Yooseefi Roduuwasi Fonqoli

1. Yooseefi roduuwasi kiꞌne qotaanote yiinohu mayiraati?

2. Yaaqoobi maaꞌniidi beettosi Biiniyaami Gibitse haꞌrara maahoyye yiihu mayiraati?

3. Yooseefi xaasi Biiniyaami dooniyyi giddo leellihu hiikkeeti?

4. Yihuda, Biiniyaami borojjichcho ikkannota gatisate ma assi?

5. Yooseefi roduuwi bashshonni woyyite hiittoore ikkitu?

Wole xaꞌmo:

1. Kalaqo 42:9-38 nabbawi.

   Yooseefi Kalaqo 42:18 aana coyiꞌrinori yannankera Yihowa dirijjite giddo shoomantino roduuwira mayi roso aanno? (Neh. 5:15; 2 Qor. 7:1, 2)

2. Kalaqo 43:1-34 nabbawi.

   1. Bayiriidihu Roobeeli ikke heeꞌreenna, Yihuda roduuwasi riqiwe coyiꞌrinohu mayiraati? (Kal. 43:3, 8, 9; 44:14, 18; 1 Ze. 5:2)

   2. Yooseefi roduuwasi fonqolinohu ma asseeti? Mayira? (Kal. 43:33, 34)

3. Kalaqo 44:1-34 nabbawi.

   1. Yooseefi, roduuwisi iso woleho yite heddanno gede assate hiitto ikke shiqi? (Kal. 44:5, 15; Zel. 19:26)

   2. Yooseefi roduuwi rodoonsa hinaasa agurtinota leellishshinohu hiittoonniiti? (Kal. 44:13, 33, 34)

Xagge 25

Yaaqoobi Maate Gibitse Hadhu

1. Yooseefi roduuwisira isi ayeetiro kulinsata insa hiitto ikkitu?

2. Yooseefi shaqqillunni roduuwasi mayyii?

3. Feeriooni Yooseefi roduuwi dagginota afiti, mayyii?

4. Yaaqoobi maate Gibitse hadhu wote, mageete?

5. Gedensaanni Yaaqoobi maate suꞌma ayi yini? Mayira?

Wole xaꞌmo:

1. Kalaqo 45:1-28 nabbawi.

   Qullaawu Maxaafi giddo nooti Yooseefi xagge, Yihowa soqqamaanosi gawajjate mixiꞌnoonni mixo danchurira soorrannota leellishshannohu hiittoonniiti? (Kal. 45:5-8; Isa. 8:10; Fil. 1:12-14)

2. Kalaqo 46:1-27 nabbawi.

   Yaaqoobi Gibitse haꞌri yannara Yihowa mayyee qaale eisi? (Kal. 46:1-4, lekkaalliidi qaagiishsha.)

Xagge 26

Iyyoobi Maganoho Ammanaminoha Ikki

1. Iyyoobi ayeeti?

2. Sheexaanu maa assate woꞌnaali? Assara hedinori injiinosini?

3. Yihowa, Sheexaanu maa assara fajjisi? Mayira?

4. Iyyoobi galtesi “Magano xonte reyi” yitinosihu mayiraati? (Misile lai.)

5. Layinki misilera laꞌꞌattonte gede, Yihowa Iyyoobi maassiꞌrinohu hiittoonniiti? Mayira?

6. Ninke Iyyoobi gede Yihowara ammanammoommore ikkinummoro, mayi atoote afiꞌneemmo?

Wole xaꞌmo:

1. Iyyoobi 1:1-22 nabbawi.

   Xa noo Kiristaani Iyyoobi lawishsha harunsa dandaannohu hiittoonniiti? (Iyo. 1:1; Fil. 2:15; 2 Phe. 3:14)

2. Iyyoobi 2:1-13 nabbawi.

   Sheexaanu abbinonsa fonqolira Iyyoobinna galtesi hiittee lame babbaxxitino doogonni dawaro uyitino? (Iyo. 2:9, 10; Law. 19:3; Mik. 7:7; Mil. 3:14)

3. Iyyoobi 42:10-17 nabbawi.

   1. Iyyoobinna Yesuusi ammanantinore ikkansanni afidhino atooti mitto dana lawannohu mayinniiti? (Iyo. 42:12; Fil. 2:9-11)

   2. Iyyoobi Maganoho noosita coꞌiima uurrinsha agadhasinni afiꞌrinohu lowo atooti, ninke jawaachchishannonkehu hiittoonniiti? (Iyo. 42:10, 12; Ibi. 6:10; Ya. 1:2-4, 12; 5:11)

Xagge 27

Gibitsete Gobbara Bushu Nugusi Moohi

1. Misilete aana jiraafe adhino manchi hiikko manni widooti? Isi gananni noo manchina?

2. Yooseefi reyihu gedensaanni, Isiraeelete gosa ma assini?

3. Gibitsete gosa Isiraeelete gosa waajjitinohu mayiraati?

4. Feeriooni Isiraaelete meento ilshiishanno meento mayyee hajaji?

Wole xaꞌmo:

1. Wolaphpho 1:6-22 nabbawi.

   1. Yihowa Abirahaamira eino qaale wonsha hanafinohu ma asseeti? (Wol. 1:7; Kal. 12:2; Soq. Los. 7:17)

   2. Isiraeelete meento ilshiishanno meenti Maganu kalaqino lubbora ayirrinynye leellishinohu hiittoonniiti? (Wol. 1:17; Kal. 9:6)

   3. Kuni meenti Yihowara ammanaminore ikkansanni mayi atoote afiꞌri? (Wol. 1:20, 21; Law. 19:17)

   4. Qaale eꞌnoonniha Abirahaami Sircho lainohunni Yihowara noosi hedo gufisate Sheexaanu ma assi? (Wol. 1:22; Maat. 2:16)

Xagge 28

Qaaqqu Muse Reyotenni Gatino Gara

1. Misilete aana noo qaaqqi ayeeti? Isi aye angichcho amaxxe no?

2. Muse ama iso shinannita gatisate ma assitu?

3. Misilete aana nooti shiima beetto ayeeti? Ise maa assitino?

4. Feeriooni ilino beetto qaaqqo affuta, Maariyaami mayituse?

5. Nugusu beetto Muse amara mayitu?

Wole xaꞌmo:

1. Wolaphpho 2:1-10 nabbawi.

   Muse ama isi qaaqqu heeꞌreenna qajeelshatenna rosiisate injo afidhuhu hiittoonniiti? Kuni xa noo annuwanna amuwa maa rosiisanno? (Wol. 2:9, 10; Marro 6:6-9; Law. 22:6; Efe. 6:4; 2 Xim. 3:15)

Xagge 29

Muse Xooqinohu Mayiraati?

1. Muse lophphinohu hiikkooti? Isi fiixisi ayeoo ikkinota afino?

2. Muse 40 diro ikkisita marichcho assi?

3. Muse giwamanni nooha Isiraeelete mancho mayyii? Manchuna mayyee qoli?

4. Muse Gibitsetenni xooqinohu mayiraati?

5. Muse xooqe hiikka haꞌri? Hakko ayinni xaadi?

6. Muse Gibitsetenni xooqihu gedensaanni 40 diro marichcho assi?

Wole xaꞌmo:

1. Wolaphpho 2:11-25 nabbawi.

   Muse Gibitsete manni ogimma afiꞌrinoha ikkirono, Yihawaranna woganesira ammanaminoha ikkasi leellishinohu hiittoonniiti? (Wol. 2:11, 12; Ibi. 11:24)

2. Soqqamaanote Looso 7:22-29 nabbawi.

   Muse umisinni kakkae Isiraeelete gosa Gibitsete borojjimmanni fushshara assino sharronni ninke marichcho ronseemmo? (Soq. Los. 7:23-25; 1 Phe. 5:6, 10)

Xagge 30

Buwanno Cita

1. Misilete aana noo ilaali suꞌma mayinanni?

2. Muse gereewo haare ilaala mari wote lainoha xagge ikkanno coye xawisi.

3. Buwanno citi giddonni fultino huuro Muse mayitu? Hatti huuro ayite?

4. Maganu mannasi Gibitsetenni fushshanno gede Musera kulisita, Muse mayyii?

5. Maganu, mannu Muse ayi soyinosiro xaꞌmiro, mayyee qolanno gede kulisi?

6. Muse Maganu soyinosita mannaho buuxisa dandiinohu hiittoonniiti?

Wole xaꞌmo:

1. Wolaphpho 3:1-22 nabbawi.

   Maganu looso loosate garire ikkinoommokkihu gede macciishshaminkerono, Yihowa dandoo aannonketa Muse xagge leellishshannohu hiittoonniiti? (Wol. 3:11, 13; 2 Qor. 3:5, 6)

2. Wolaphpho 4:1-20 nabbawi.

   1. Muse Miidiyaami gobbara 40 diro heeꞌri yannara laosi soorrinohu ma garinniiti? Songote giddo mabte afiꞌrate sharrantanni noo roduuwi konninni mayi roso afidhano? (Wol. 2:11, 12; 4:10, 13; Mik. 6:8; 1 Xim. 3:1, 6, 10)

   2. Yihowa dirijjitesi widoonni qole seejjannonkeha ikkirono, Muse lawishshi mayi jawaante aannonke? (Wol. 4:12-14; Far. 103:14; Ibi. 12:4-11)

Xagge 31

Musenna Aarooni Feeriooni Coyishiishshu

1. Musenna Aarooni assitino maalale Isiraeelete gosa ma assitanno gede kakkayissunsa?

2. Musenna Aarooni Feeriooni mayitu? Feeriooni kayinni mayyee qoli?

3. Misilete aana laꞌꞌattonte gede, Aarooni siqqosi uullara tugita siqqo ma ikkitu?

4. Yihowa Feeriooni rosiisinohu hiisseeti? Hakkunni gedensaanni Feeriooni mayyii?

5. Tonnikki qoomami gedensaanni mayi maikki?

Wole xaꞌmo:

1. Wolaphpho 4:27-31 nna 5:1-23 nabbawi.

   Feeriooni, “Ani Yihowa horonta diegennoommo” yaasi mayyaate? (Wol. 5:2; 1 Sam. 2:12; Ro. 1:21)

2. Wolaphpho 6:1-13, 26-30 nabbawi.

   1. Yihowa Abirahaamira, Yisaaqiranna Yaaqoobira isonooto egensiisinokkihu ma garinniiti? (Wol. 3:13, 14; 6:3; Kal. 12:8)

   2. Muse uyinoonnisi looso loose diafeemmo yiirono, Yihowa iso horonsiꞌrinosi yineemmo gede assannonkehu maati? (Wol. 6:12, 30; Luq. 21:13-15)

3. Wolaphpho 7:1-13 nabbawi.

   1. Musenna Aarooni Yihowa hajajo guulletenni Feerioonira kulansa, xa yannara noo Maganu soqqamaanora mayi lawishsha ikkitanno? (Wol. 7:2, 3, 6; Soq. Los. 4:29-31)

   2. Yihowa Gibitsete magannara aliidiha ikkinota leellishinohu hiittoonniiti? (Wol. 7:12; 1 Ze. 29:12)

Xagge 32

Tonne Qoomama

1. Misile laittohu gedensaanni, Yihowa Gibitsete gosara dirrisinoha umiha sase qoomama kuli.

2. Umo dirrinohu sasu qoomami wolu qoomamiwiinni baxxannohu mayinniiti?

3. Shoolki, ontinna leyikki qoomami maati?

4. Lamalki, settikkinna honsikki qoomami maatiro kuli.

5. Yihowa tonnikki qoomama dirrisara albaanni, Isiraeelete gosa ma assitanno gede kulinsa?

6. Tonnikki qoomami maati? Hakko qoomami gedensaanni mayi maikki?

Wole xaꞌmo:

1. Wolaphpho 7:19 kayisse 8:23 geeshsha nabbawi.

   1. Gibitsete gobba kiilaano Yihowa dirrisinoha umiha lame qoomama qolte assitinoha ikkirono, sayikki qoomami dirri gedensaanni baxxukki ammantino coyi maati? (Wol. 8:18, 19; Maat. 12:24-28)

   2. Shoolki qoomami Yihowa mannasi gatisa dandaannota leellishinohu hiittoonniiti? Maganu gosa tenne afansa, masaalleenna nooha “bayira qarra” dandiite saꞌanno gede jawaachchishshannonsahu hiittoonniiti? (Wol. 8:22, 23; Yo. Aj. 7:13, 14; 2 Ze. 16:9)

2. Wolaphpho 8:24; 9:3, 6, 10, 11, 14, 16, 23-25 nna 10:13-15, 21-23 nabbawi.

   1. Tonnu qoomami dirrita, noonsa wolqa shiima ikkite leeltinoti lame gaamo hiitteeti? Tenne lamente gaamo wolqa shiima ikkase xaa yannara lamente gaamora hiittoo lao heedhannonke gede assitanno? (Wol. 8:10, 18, 19; 9:14)

   2. Sheexaanu xaa geeshsha heeꞌrara Yihowa mayira agurinoro buunxeemmo gede, Wolaphpho 9:16 kaaꞌlitannonkehu hiittoonniiti? (Ro. 9:21, 22)

3. Wolaphpho 12:21-32 nabbawi.

   Faasiku ayyaani duuchchu manni gatanno gede faro faninohu hiittoonniiti? Kuni ayyaani maa leellishanno? (Wol. 12:21-23; Yoh. 1:29; Ro. 5:18, 19, 21; 1 Qor. 5:7)

Xagge 33

Duumo Baara Tayise Saꞌꞌa

1. Meentinsanna oosonsa ledo Gibitsete gobbanni fulino labballi meꞌꞌeho? Insa ledo ayeoo fultino?

2. Feeriooni Isiraeelete gosa hadhara aguri gedensaanni hiitto ikki? Hakkiinnino ma assi?

3. Yihowa Gibitsete gosa mannasi gawajjitannota hoolate ma assi?

4. Muse siqqosinni Duumo Baara ganita, baaru hiitto ikki? Hakkiinnino Isiraeelete gosa hiikkitu?

5. Gibitsete gosa Isiraeele shorritanni baaru giddora eꞌuta, mayi maikki?

6. Isiraeelete gosa Yihowa gatisinonsa daafira hagiidhitinotanna Yihowara galatu noonsata mayinni leellishshu?

Wole xaꞌmo:

1. Wolaphpho 12:33-36 nabbawi.

   Yihowa dagasi Gibitsete gobbara borojje ikkite lowo diro heedhino daafira kiisinonsahu hiittoonniiti? (Wol. 3:21, 22; 12:35, 36)

2. Wolaphpho 14:1-31 nabbawi.

   Muse Wolaphpho 14:13, 14 aana coyiꞌrinori, Yihowa soqqamaano Armageedooni oli yannara hiikkitanno gede jawaachchishannonsa? (2 Ze. 20:17; Far. 91:8)

3. Wolaphpho 15:1-8, 20, 21 nabbawi.

   1. Yihowa soqqamaano isira galatu faarso faarsa hasiissannonsahu mayiraati? (Wol. 15:1, 2; Far. 105:2, 3; Yo. Aj. 15:3, 4)

   2. Maariyaaminna ledose Duumu Baariwa noo meenti, Yihowara galatu faarso faarsa lainohunni yannankera Kiristaana ikkino meentira mayi lawishsha ikkanno? (Wol. 15:20, 21; Far. 68:11)

Xagge 34

Baxxitino Sagale

1. Misilete aana mannu uullanni maa xinqiranni no? Hakkonne mannu xinqirannorichcho mayinanni?

2. Menna xinqira lainohunni Muse mannaho mayyee kuli?

3. Yihowa mannu leekki barra ma assanno gede kuli? Mayira?

4. Mannu menna lamalki barrira gashshirita, Yihowa mayi maalale assi?

5. Yihowa mannasi menna mageeshshi diro itisino?

Wole xaꞌmo:

1. Wolaphpho 16:1-36 nna Zehulqu 11:7-9 nabbawi.

   1. Kiristaanu songo giddo Maganu ayyaaninni shoomantinore ayirrisa lainohunni, Wolaphpho 16:8 maa rosiissannonke? (Ibi. 13:17)

   2. Isiraeele halallaho noo waro, barru baala Yihowa addaxxitanno gede rosiisinonsahu maati? (Wol. 16:14-16, 35; Marro 8:2, 3)

   3. Yesuusi mennu mayi tiro afiꞌrinota coyiꞌrino? Kuni ‘iiminni dirrino timi’ ninkera mayi hoꞌro aannonke? (Yoh. 6:31-35, 40)

2. Iyyaasu 5:10-12 nabbawi.

   Isiraeele menna meꞌꞌe diro ittino? Kuni insara fonqolo ikkinonsahu hiittoonniiti? Ninke tenne xaggenni mayi roso afiꞌneemmo? (Wol. 16:35; Zeh. 11:4-6; 1 Qor. 10:10, 11)

Xagge 35

Yihowa Dagasira Higgesi Uyi

1. Isiraeele Gibitsetenni fultuhunni lamu agani gedensaanni, hiikko dukkaꞌnitu?

2. Yihowa Isiraeele ma assitara hasiꞌrannota kuli? Insa mayite qoltuyya?

3. Yihowa Musera lame taalashsho kincho mayira uyisi?

4. Tonne Hajajo agurranna, Yihowa Isiraeelete wole hiittee higge uyino?

5. Yesuusi Kiristoosi, wole higgenni roortanno yiinoti lame higge hiittenneeti?

Wole xaꞌmo:

1. Wolaphpho 19:1-25, 20:1-21, 24:12-18 nna 31:18 nabbawi.

   Ninkeneeto Yihowara uyinummo gedensaanni assa hasiissannonkehu wolu coyi noota buunxeemmo gede, Wolaphpho 19:8 kaaꞌlitannonkehu hiittoonniiti? (Maat. 16:24; 1 Phe. 4:1-3)

2. Marro 6:4-6, Zelewaawuyaani 19:18 nna Maatewoosi 22:36-40 nabbawi.

   Kiristaanu Maganohonna mannaho noonsa baxille leellisha dandiitannohu hiittoonniiti? (Maar. 6:34; Soq. Los. 4:20; Ro. 15:2)

Xagge 36

Worqete Siito

1. Misilete aana mannu ma assanni no? Mayira?

2. Yihowa hanqinohu mayiraati? Muse mannu assanni noore laiti, ma assi?

3. Muse gamu mannira ma assanno gede kuli?

4. Tini xagge ninkera maa rosiissannonke?

Wole xaꞌmo:

1. Wolaphpho 32:1-35 nabbawi.

   1. Tini xagge, kaphphu ammaꞌno halaalaanchote ledo karsiisa lainohunni Yihowara mayi lao noosita leellishshanno? (Wol. 32:4-6, 10; 1 Qor. 10:7, 11)

   2. Kiristaana ikkino manni boohaarshaho muuziiqanna sirba doodhanno wote, mayi qorophpho assa hasiissannonsa? (Wol. 32:18, 19; Efe. 5:15, 16; 1 Yo. 2:15-17)

   3. Xalalle harunsa lainohunni, Leewi gaꞌre lawishsha ikkitannohu hiittoonniiti? (Wol. 32:25-28; Far. 18:25)

Xagge 37

Magansiꞌrate Kaaꞌlanno Dunkaana

1. Misilete aana noo mine mayinanni? Kuni mini maaho kaaꞌlanno?

2. Yihowa dunkaana diinge wolewa massate injaanno gede asse minanno gede Musera kulinohu mayiraati?

3. Dunkaanaho qaccete widoonni noote shiima kifile giddo noo saaxine mayinanni? Hatte saaxine giddo mayi no?

4. Yihowa kakkalaanote biilo ikkara doorinohu ayeeti? Kakkalaanote biili loosi maati?

5. Dunkaanaho lowiidi kifilera nooha sase coye kuli.

6. Xaadooshshu dunkaani hoowera noohu lamu coyi maati? Lamunku coyi maaho kaaꞌlanno?

Wole xaꞌmo:

1. Wolaphpho 25:8-40, 26:1-37, 27:1-8 nna 28:1 nabbawi.

   “Naqaashete taawooti” aana noo kirubeele maa riqibbanno? (Wol. 25:20, 22; Zeh. 7:89; 2 Neg. 19:15)

2. Wolaphpho 30:1-10, 17-21, 34:1, 2 nna Ibiraawuyaani 9:1-5 nabbawi.

   1. Xaadooshshu dunkaanira soqqantanno kakkalaano bisu keeraanchimma agadha hasiissannonsata, Yihowa kaajjishe kulinonsahu mayiraati? Tini xaa yannara ninkera maa rosiissannonke? (Wol. 30:18-21; 40:30, 31; Ibi. 10:22)

   2. Hawaariya Phaawuloosi Ibiraawuyaani Kiristaanira sokka borreessi waro, xaadooshshu dunkaaninna Higgete taawooti yanna saꞌinore ikkitinota xawisinohu hiittoonniiti? (Ibi. 9:1, 9; 10:1)

Xagge 38

Tonaalame Qotaano

1. Misilete aana nooti woyinete hunduruurro mageete? Tenne hunduruurro hiikkiinni abbinoonni?

2. Muse 12 qotaano Kanaꞌꞌaani gobba soyinohu mayiraati?

3. Tonne qotaano sonkoonniwiinni higguti Musera maa kultu?

4. Lame qotaano kayinni Yihowa addaxxitino daafira ma assitu? Insa suꞌmi ayeeti?

5. Yihowa mayira hanqi? Isi Muse ma assi yii?

Wole xaꞌmo:

1. Zehulqu 13:1-33 nabbawi.

   1. Gobba qottanno gede sonki manni ayeooti? Insa doorantanno gede assinonsahu maati? (Zeh. 13:2, 3, 18-20)

   2. Iyyaasunna Kaaleebi hedo wolootu qotaano hedonni baxxitinohu mayiraati? Tini ninkera mayi roso uyitannonke? (Zeh. 13:28-30; Maat. 17:20; 2 Qor. 5:7)

2. Zehulqu 14:1-38 nabbawi.

   1. Uullate aana Yihowa riqibbe noori aana gunguma lainohunni huwata hasiissannonke coyi maati? (Zeh. 14:2, 3, 27; Maat. 25:40, 45; 1 Qor. 10:10)

   2. Zehulqu 14:24, Yihowa mitto mittonka soqqamaanchosi gotti asse laꞌꞌannota leellishshannohu hiittoonniiti? (1 Neg. 19:18; Law. 15:3)

Xagge 39

Aarooni Siqqo Daraartu

1. Musenna Aarooni silxaanera finqilturi ayeooti? Insa Muse mayitu?

2. Muse Qoreranna Qore harunsitannorira 250 mannira ma assitanno gede kulinsa?

3. Muse Isiraeelete manna mayyii? Isi coyiꞌre kaꞌꞌanni heereennanni, mayi maikki?

4. Qorenna iso harunsitannori 250 manni maikkitu?

5. Aarooni beetti Alaazaari, reyi manniha hixaana wiliishshinanni uduunnichcho hiissi? Mayira?

6. Yihowa Aarooni siqqo daraartanno gede assinohu mayiraati? (Misile lai.)

Wole xaꞌmo:

1. Zehulqu 16:1-49 nabbawi.

   1. Qorenna iso harunsanno manni maa assi? Kuni manni assino coyi Yihowara finqilinota leellishanno yineemmohu mayiraati? (Zeh. 16:9, 10, 18; Zel. 10:1, 2; Law. 11:2)

   2. Qoreranna 250 ‘songote murrootira’ noonsati busha hedo maati? (Zeh. 16:1-3; Law. 15:33; Isa. 49:7)

2. Zehulqu 17:1-11 nna 26:10 nabbawi.

   1. Aarooni siqqo daraarase maa leellishshanno? Yihowa hatte siqqo taawootu giddo worranni gede kulinohu mayiraati? (Zeh. 17:5, 8, 10)

   2. Ninke Aarooni siqqo malaatinni afiꞌneemmohu danchu rosi maati? (Zeh. 17:10; Soq. Los. 20:28; Fil. 2:14; Ibi. 13:17)

Xagge 40

Muse Kincho Gani

1. Isiraeelete manni halallaho noo waro Yihowa towaatinonsahu hiittoonniiti?

2. Isiraeelete manni Qaadeesi heeꞌri yannara mayyee gungumi?

3. Yihowa mannahonna saadansara waa fushshinohu hiittoonniiti?

4. Misilete aana angichchunni isonooto kulanni noohu ayeti? Isi hatto assanni noohu mayiraati?

5. Yihowa Museranna Aaroonira hanqinohu mayiraati? Insa qorichchishinohu hiittoonniiti?

6. Hoori ilaalira mayi maikki? Hakkiinnino Isiraeelete mannira kakkalaanote biilo ayi ikki?

Wole xaꞌmo:

1. Zehulqu 20:1-13, 22-29 nna Marro 29:5 nabbawi.

   1. Yihowa Isiraeele halallaho towaatasi, xaa yannara ninkera mayi roso uyitannonke? (Marro 29:5; Maat. 6:31; Ibi. 13:5; Ya. 1:17)

   2. Yihowa, Musenna Aarooni Isiraeelete manni albaanni isira ayirrinynye aa hoogansanni ma assi? (Zeh. 20:12; 1 Qor. 10:12; Yo. Aj. 4:11)

   3. Muse, Yihowa uyinosi seejjo hiitto asse lai? Ninke konninni mayi roso afiꞌneemmo? (Zeh. 12:3; 20:12, 27, 28; Marro 32:4; Ibi. 12:7-11)

Xagge 41

Camote Hamashsho

1. Misilete aana haqqaho xaaxaminohu maati? Muse haqqaho xaaxanno gede Yihowa kulinosihu mayiraati?

2. Isiraeelete manni Maganu assinonsarira galatu noonsakkire ikkitinohu hiittoonniiti?

3. Yihowa Isiraeele qorichchishate marzaamma hamaso soyita, insa Muse mayite huuccidhu?

4. Yihowa, Muse camote hamashsho seekkanno gede kulinosihu mayiraati?

5. Tenne xaggenni maa ronseemmo?

Wole xaꞌmo:

1. Zehulqu 21:4-9 nabbawi.

   1. Isiraeele Yihowa uyinonsa sagale gibbe gungumansa ninkera mayi qorowishsha ikkitannonke? (Zeh. 21:5, 6; Ro. 2:4)

   2. Yannate gedensaanni, Isiraeele camote hamashsho maaho horonsidhu? Konnira Nugusu Hiziqiyaasi ma assi? (Zeh. 21:9; 2 Neg. 18:1-4)

2. Yohaannisi 3:14, 15 nabbawi.

   Camote hamashsho haqqaho suta, Yesuusi Kiristoosi sutamara lawishsha ikkitannohu hiittoonniiti? (Gal. 3:13; 1 Phe. 2:24)

Xagge 42

Mitte Harrichcho Coyidhu

1. Baalaaqi ayeeti? Isi Beliaamira sokka soyinohu mayiraati?

2. Beliaami harrichcho doogote ubbe gibbuhu mayiraati?

3. Harrichchosi Beliaami mayitu?

4. Sokkaanchu Beliaami mayyii?

5. Beliaami Isiraeele rumara kaita Yihowa ma assi?

Wole xaꞌmo:

1. Zehulqu 21:21-35 nabbawi.

   Isiraeele, Amooru nugusa Sewooninna Baasaani nugusa Aagi qassinohu mayiraati? (Zeh. 21:21, 23, 33, 34)

2. Zehulqu 22:1-40 nabbawi.

   Beliaami Isiraeele rumanno gede kakkayisinosihu maati? Ninke konninni mayi roso afiꞌneemmo? (Zeh. 22:16, 17; Law. 6:16, 18; 2 Phe. 2:15; Yihuda 11)

3. Zehulqu 23:1-30 nabbawi.

   Beliaami Yihowa magansiꞌrannoha ikkinota coyiꞌrirono, loosisi kayinni maa leellishanno? (Zeh. 23:3, 11-14; 1 Sam. 15:22)

4. Zehulqu 24:1-25 nabbawi.

   Tini Qullaawu Maxaafi xagge, Yihowa mannisira noosi hedora noonke ammana kaajjishshannonkehu hiittoonniiti? (Zeh. 24:10; Isa. 54:17)

Xagge 43

Iyyaasu Massagaancho Ikki

1. Misilete aana, Muse ledo uurrite noori lamu ayeooti?

2. Yihowa Iyyaasu mayyii?

3. Muse Naabawu ilaala giddihu mayiraati? Yihowa iso mayyii?

4. Muse reyi wote meꞌꞌe diro ikkinosi?

5. Mannu dadillinohu mayiraati? Kayinni hagiirsiisannonsari mayi kalaqami?

Wole xaꞌmo:

1. Zehulqu 27:12-23 nabbawi.

   Yihowa Iyyaasura hiikkoye ayirrado looso uyinosi? Xaa yannara Yihowa mannisira assaawannota leellishinohu hiittoonniiti? (Zeh. 27:15-19; Soq. Los. 20:28; Ibi. 13:7)

2. Marro 3:23-29 nabbawi.

   Yihowa Musenna Aarooni Isi qaale eino gobba eꞌannota hoolinohu mayiraati? Ninke konninni mayi roso afiꞌneemmo? (Marro 3:25-27; Zeh. 20:12, 13)

3. Marro 31:1-8, 14-23 nabbawi.

   Muse reyara kae heeꞌre Isiraeelete mannira coyiꞌrinori, Yihowa uyinosi seejjo adhinota leellishannohu hiittoonniiti? (Marro 31:6-8, 23)

4. Marro 32:45-52 nabbawi.

   Maganu Qaali heeshshonkera mayi soorro abbara hasiisanno? (Marro 32:47; Zel. 18:5; Ibi. 4:12)

5. Marro 34:1-12 nabbawi.

   Muse Yihowa xaawate laꞌꞌa hoogirono, Marro 34:10 Yihowa ledo noosi fiixoomire maa kultanno? (Wol. 33:11, 20; Zeh. 12:8)

Xagge 44

Reaabi Qotaano Maaxxu

1. Reaabihu hiikkooti?

2. Misilete aana noori lamu manni ayeooti? Insa Iyyaarko martinohu mayiraati?

3. Iyyaarkote nugusi Reaabi ma assitanno gede hajajise? Ise mayituyya?

4. Reaabi lame manna kaaꞌlitinohu hiittoonniiti? Ise insa ma huuccidhu?

5. Lame qotaano Reaabira mayite qaale eꞌu?

Wole xaꞌmo:

1. Iyyaasu 2:1-24 nabbawi.

   Yihowa Wolaphpho 23:28 aana eino qaali, Isiraeele Iyyaarko martu yannara woꞌminohu hiittoonniiti? (Iya. 2:9-11)

2. Ibiraawuyaani 11:31 nabbawi.

   Reaabi lawishshi, ammana lowo geeshsha hasiissannota ikkitinota leellishannohu hiittoonniiti? (Ro. 1:17; Ibi. 10:39; Ya. 2:25)

Xagge 45

Yordaanoosi Laga Tayise Saꞌꞌa

1. Yihowa, Isiraeele Yordaanoosi Laga tayisse saꞌanno gede assate mayi maalale assino?

2. Isiraeele Yordaanoosi Laga tayise saꞌꞌate ma assa hasiissinonsa?

3. Yihowa, Iyyaasu lagunni 12 duꞌmuulle kinna haaranno gede kulinosihu mayiraati?

4. Kakkalaano Yordaanoosi laginni fultanni heedheenna, wayi hiitto ikki?

Wole xaꞌmo:

1. Iyyaasu 3:1-17 nabbawi.

   1. Tenne xagge garinni, Yihowa kaaꞌlonna atootesi afiꞌrate maa assa hasiissannonke? (Iya. 3:13, 15; Law. 3:5; Ya. 2:22, 26)

   2. Isiraeele Yordaanoosi Laga kaxxite Hexxote Gobba eꞌu yannara, lagu hiitto ikke no? Hatto ikkasi Yihowa suꞌma gotti gotti assitinohu hiittoonniiti? (Iya. 3:15; 4:18; Far. 66:5-7)

2. Iyyaasu 4:1-18 nabbawi.

   Yordaanoosinni haaꞌne Gelgela yinanni bayichcho worriti 12 kinna maaho kaaꞌlitanno? (Iya. 4:4-7)

Xagge 46

Iyyaarkote Gimbe

1. Yihowa wottaaddarunna kakkalaano lee barra ma assitanno gede kulino?

2. Mannaho lamalki barra ma assanno gede kulli?

3. Misilete aana laꞌꞌattonte gede, Iyyaarkote gimbe ma ikkitanni no?

4. Maskootete aana duume siiwo mayira suntoonni?

5. Iyyaasu wottaaddaraho Iyyaarkote mannanna katama ma assanno gede kuli? Birra, worqe, camonna siwiila kayinni ma asse yiinsa?

6. Taagarira lame qotaanora ma assitanno gede kullinsa?

Wole xaꞌmo:

1. Iyyaasu 6:1-25 nabbawi.

   1. Isiraeele lamalki barra Iyyaarko doyansa, Yihowa Farciꞌraasine tenne goofimarchu yannara loossannohu farciꞌrote loosi ledo xaaddannohu hiittoonniiti? (Iya. 6:15, 16; Isa. 60:22; Maat. 24:14; 1 Qor. 9:16)

   2. Iyyaasu 6:26 aana noo masaalo, 500 meddi yaanno diri gedensaanni woꞌmitinohu hiittoonniiti? Yihowa coyiꞌrannore lainohunni, tini ninkera mayi roso uyitannonke? (1 Neg. 16:34; Isa. 55:11)

Xagge 47

Isiraeelete Mereero Noo Mooraancho

1. Misilete aana Iyyaarkotenni abbino uduunne maaxanni noohu ayeeti? Iso kaaꞌlitanni noori ayeooti?

2. Akaaninna maatesi assitinori lowo geeshsha busha ikkinohu mayiraati?

3. Iyyaasu Gayi manni Isiraeele qeelinohu mayiraatiro xaꞌmita, Yihowa mayyee qoli?

4. Akaaninna maatesi Iyyaasuwa abbinita, mannu insa ma assi?

5. Akaanira uyinoonni firde, ninkera mayi roso uyitannonke?

Wole xaꞌmo:

1. Iyyaasu 7:1-26 nabbawi.

   1. Iyyaasu assino huuccatto Kalaqaanchisi ledo noosi fiixooma leellishshannohu hiittoonniiti? (Iya. 7:7-9; Far. 119:145; 1 Yo. 5:14)

   2. Akaani lawishshi maa leellishanno? Kuni ninke qorowisiisannonkehu hiittoonniiti? (Iya. 7:11, 14, 15; Law. 15:3; 1 Xim. 5:24; Ibi. 4:13)

2. Iyyaasu 8:1-29 nabbawi.

   Xaa yannara, mitti mittinke Kiristaanu songo giddo maa assa hasiissannonke? (Iya. 7:13; Zel. 5:1; Law. 28:13)

Xagge 48

Hayyoota Gebaooni Manna

1. Gebaooni manni, qooxeessinsara noohunni Kanaꞌꞌaani manninni baxxannohu mayinniiti?

2. Misilete aana laꞌꞌattonte gede, Gebaooni manni ma assi? Mayira?

3. Iyyaasunna wolootu massagaano Gebaooni mannira mayite qaale eꞌu? Sasu barri gedensaanni kayinni ma affu?

4. Wole katammara noo nugussa, Gebaooni manni Isiraeelete ledo jaaloominota affuti ma assitu?

Wole xaꞌmo:

1. Iyyaasu 9:1-27 nabbawi.

   1. Yihowa “gobbate heedhanno daga baalanta huntanno gede” Isiraeele hajajinoha ikkirono, Gebaooni manna gawajjotenni gatisasi hiittee amallasi leellishshanno? (Iya. 9:22, 24; Maat. 9:13; Soq. Los. 10:34, 35; 2 Phe. 3:9)

   2. Iyyaasu Gebaooni mannira eino qaale agadhasi, xaa yanna Kiristaanira mayi roso uyitanno? (Iya. 9:18, 19; Maat. 5:37; Efe. 4:25)

2. Iyyaasu 10:1-5 nabbawi.

   Xaa yannara batinynyu manni Gebaooni manni lawishsha harunsa dandaannohu hiittoonniiti? Konne lawishsha harunsansanni mayi qarri iillannonsa? (Iya. 10:4; Zek. 8:23; Maat. 25:35-40; Yo. Aj. 12:17)

Xagge 49

Arrishsho Noowa Uurritu

1. Misilete aana Iyyaasu mayyaanni no? Mayira?

2. Yihowa Iyyaasunna wottaaddarasi kaaꞌlinohu hiittoonniiti?

3. Iyyaasu meꞌꞌe diinna qase qeelino? Mageeshshi yanna giddo qeelino?

4. Iyyaasu Kanaꞌꞌaani gobba beehinohu mayiraati?

5. Iyyaasura reyi wote meꞌꞌe diro ikkinosi? Isi reyi gedensaanni mannu ma assi?

Wole xaꞌmo:

1. Iyyaasu 10:6-15 nabbawi.

   Yihowa Isiraeelete manna kaaꞌlate arrishshonna aganu noowa uurranno gede assinota afanke, xaa yannara iso addaxxineemmo gede assitannonkehu hiittoonniiti? (Iya. 10:8, 10, 12, 13; Far. 18:3; Law. 18:10)

2. Iyyaasu 12:7-24 nabbawi.

   Isiraeele Kanaꞌꞌaani gobbara heedhannore 31 nugussa qeeltanno gede assinohu ayeeti? Xaa yannara ninke tenne afa hasiissannonkehu mayiraati? (Iya. 12:7; 24:11-13; Marro 31:8; Luq. 21:9, 25-28)

3. Iyyaasu 14:1-5 nabbawi.

   Isiraeelete gaꞌrera baatto beenkoonnihu hiittoonniiti? Dagganno Gannatera heedhanno ragge lainohunni, tini maa leellishshanno? (Iya. 14:2; Isa. 65:21; Hiz. 47:21-23; 1 Qor. 14:33)

4. Mesaafinti 2:8-13 nabbawi.

   Iyyaasu Isiraeelete waro assi gede, xaa yannara songote giddo kaadaasine seejjannohu ayeeti? (Mes. 2:8, 10, 11; Maat. 24:45-47; 2 Tes. 2:3-6; Tit. 1:7-9; Yo. Aj. 1:1; 2:1, 2)

Xagge 50

Lame Worbuulle Meento

1. Mesaafinte hiittoo mannaati? Insa giddo mitu mitu suꞌmi ayeeti?

2. Diboorara mayinniti dancha mabte noose? Hatte mabtesenni maa assitino?

3. Nugusu Iyyaabisinna wottaaddarisi roorrichchi Sisaara Isiraeele gawajjate kaꞌuta, Diboora Mesaafintichchu Baarqira Yihowawiinni daggino sokka mayite kultusi? Ayirrinynye afiꞌrannohu kayinni ayeeti yitusi?

4. Iyyaeeli worba mancho ikkase leellishshinohu hiittoonniiti?

5. Nugusu Iyyaabisi reyita Isiraeele ma ikkitu?

Wole xaꞌmo:

1. Mesaafinti 2:14-22 nabbawi.

   Isiraeele, Yihowa hanqi aanansa dirranno gede assidhinohu hiittoonniiti? Ninke konninni mayi roso afiꞌneemmo? (Mes. 2:20; Law. 3:1, 2; Hiz. 18:21-23)

2. Mesaafinti 4:1-24 nabbawi.

   Kiristaanu meenti ammananna worbimma lainohunni, Dibooranna Iyyaeeli lawishshinni mayi roso afiꞌra dandaanno? (Mes. 4:4, 8, 9, 14, 21, 22; Law. 31:30; 1 Qor. 16:13)

3. Mesaafinti 5:1-31 nabbawi.

   Baarqinna Diboora qeellete yannara faarsitino faarso, Armageedooni oli yannara qolle faarsineemmohu hiittoonniiti? (Mes. 5:3, 31; 1 Ze. 16:8-10; Yo. Aj. 7:9, 10; 16:16; 19:19-21)

Xagge 51

Ruutinna Naaoomi

1. Naaoomi Moaabi gobba hadhinohu mayiraati?

2. Ruutinna Orfa ayeeti?

3. Naaoomi Ruutinna Orfa manninsawa higanno gede kultunsata, insa mayyee qoli?

4. Booeezi ayeeti? Isi Ruutinna Naaoomi kaaꞌlinonsahu hiittoonniiti?

5. Booeezinna Ruuti ilino qaaqqi suꞌmi ayeeti? Ninke konne qaaqqo qaaga hasiissannonkehu mayiraati?

Wole xaꞌmo:

1. Ruuti 1:1-17 nabbawi.

   1. Ruuti Naaoomira nooseha baꞌꞌannokki baxille danchu garinni xawissinohu mayiteeti? (Ruuti 1:16, 17)

   2. Ruuti Naaoomira noose lao, “wolu geꞌreewi” yannankera uullate aana noo buurantino Kiristaanira noonsa lao seekkite xawissannohu hiittoonniiti? (Yoh. 10:16; Zek. 8:23)

2. Ruuti 2:1-23 nabbawi.

   Yannankera noo aju meentira Ruuti dancha lawishsha ikkitannohu hiittoonniiti? (Ruuti 2:17, 18; Law. 23:22; 31:15)

3. Ruuti 3:5-13 nabbawi.

   1. Ruuti qeedhichchaho assiꞌrantenni roore Booeezira assiꞌrasenni isira mayi macciishshamisi?

   2. Ruuti ikkito baꞌꞌannokki baxille lainohunni maa rosiissannonke? (Ruuti 3:10; 1 Qor. 13:4, 5)

4. Ruuti 4:7-17 nabbawi.

   Labballu Kiristaani xaa yannara Booeezi lawishsha harunsa dandaannohu hiittoonniiti? (Ruuti 4:9, 10; 1 Xim. 3:1, 12, 13; 5:8)

Xagge 52

Geediooninna 300 Wottaaddarasi

1. Isiraeelete lowo qarri iillinonsahu hiittoonniiti? Mayira?

2. Yihowa Geediooni wottaaddarikki batiꞌrino yiinosihu mayiraati?

3. Geediooni, waajjino manni qaensa higanno gede kuli gedensaanni mageeshshi manni gati?

4. Misile laittohu gedensaanni, Yihowa Geediooni wottaaddara 300 callu gatanno gede assinohu hiittoonniitiro xawisi.

5. Geediooni 300 wottaaddarasi olaho qixxeessinohu hiittoonniiti? Isiraeele ola hiittoonni qeeltu?

Wole xaꞌmo:

1. Mesaafinti 6:36-40 nabbawi.

   1. Geediooni, Yihowa fajjo buuxate ma assi?

   2. Xaa yannara Yihowa fajjo afa dandiineemmohu mayinniiti? (Law. 2:3-6; Maat. 7:7-11; 2 Xim. 3:16, 17)

2. Mesaafinti 7:1-25 nabbawi.

   1. Waa aggu wote deseꞌe yiturinni roore, raga layidhanni agguri 300 wottaaddariwiinni baqqi yee agadha lainohunni mayi roso afiꞌneemmo? (Mes. 7:3, 6; Ro. 13:11, 12; Efe. 5:15-17)

   2. Sasu xibbi wottaaddari Geediooni lawishsha harunsite roso afidhunte gede, ninkeno Bayiriidi Geediooni Yesuusi Kiristoosi lawishsha harunsatenni mayi roso afiꞌneemmo? (Mes. 7:17; Maat. 11:29, 30; 28:19, 20; 1 Phe. 2:21)

   3. Mesaafinti 7:21, Yihowa dirijjite giddo sonkinkewa soqqammeemmo gede roso uyitannonkehu hiittoonniiti? (1 Qor. 4:2; 12:14-18; Ya. 4:10)

3. Mesaafinti 8:1-3 nabbawi.

   Roduuwinke ledo koffi assannori kalaqameenna hasaambeemmo yannara, Geediooni Eefireemi manni ledo kawa kaꞌaa higinonsare tirino doogonni mayi roso afiꞌneemmo? (Law. 15:1; Maat. 5:23, 24; Luq. 9:48)

Xagge 53

Yoftahe Eino Qaale

1. Yoftahe ayeeti? Isi heeꞌrinohu mamarooti?

2. Yoftahe Yihowara mayi qaale ei?

3. Yoftahe Amooni manna qeele qae higi yannara mayira dadilli?

4. Yoftahe beetto annise eino qaale affuti mayitu?

5. Mannu Yoftahe beetto baxannohu mayiraati?

Wole xaꞌmo:

1. Mesaafinti 10:6-18 nabbawi.

   Isiraeele Yihowara ammanantinokkire ikkitinota kultanno xaggenni, ninke mayi qorowishsha afiꞌneemmo? (Mes. 10:6, 15, 16; Ro. 15:4; Yo. Aj. 2:10)

2. Mesaafinti 11:1-11, 29-40 nabbawi.

   1. Yoftahe beettosi “giirre shiqinshanni kakkalo” asse shiqishi wote, ise umose giire shiqishinokkita mayinni anfeemmo? (Mes. 11:31; Zel. 16:24; Marro 18:10, 12)

   2. Yoftahe beettosi kakkalo asse shiqishinohu ma garinniiti?

   3. Yoftahe Yihowara eino qaalira noosi laonni mayi roso afiꞌneemmo? (Mes. 11:35, 39; Mek. 5:4, 5; Maat. 16:24)

   4. Yoftahe beetto wedella ikkitino Kiristaani woꞌma yanna soqqansho soqqantanno gede dancha lawishsha ikkitannohu hiittoonniiti? (Mes. 11:36; Maat. 6:33; Fil. 3:8)

Xagge 54

Wolqaataamo Mancho

1. Mannu duuchchunkura aliidi wolqaataamo ikkino manchi ayeeti? Iso wolqaataamo ikkanno gede assinosihu ayeeti?

2. Misilete aana laꞌꞌattonte gede, Saamsooni doobbiichcho ma assi?

3. Misilete aana, Saamsooni Daliilara mayi fojo kulanni no? Hatto assasi Filisxeemete manni amadannosi gede doogo fantinohu hiittoonniiti?

4. Saamsooni reyi barra 3,000 Filisxeemete diinnasi gooffanno gede assinohu hiisseeti?

Wole xaꞌmo:

1. Mesaafinti 13:1-14 nabbawi.

   Annunna ama oosonsa lossa lainohunni, Maanuhenna galtesi dancha lawishsha ikkitannohu hiittoonniiti? (Mes. 13:8; Far. 127:3; Efe. 6:4)

2. Mesaafinti 14:5-9 nna 15:9-16 nabbawi.

   1. Saamsooni doobbiichcho shiinota, usurroonnisita haaro siiwo tayisinotanna harrichchu baqqaallinni 1,000 manna shiinota coyidhanno xagge, Yihowahu qullaawu ayyaani loosannore lainohunni maa leellishshanno?

   2. Xaa yannara qullaawu ayyaani kaaꞌlannonkehu hiittoonniiti? (Mes. 14:6; 15:14; Zek. 4:6; Soq. Los. 4:31)

3. Mesaafinti 16:18-31 nabbawi.

   Bushu jaaloomi Saamsooni gawajjinosihu hiittoonniiti? Konninni ninke mayi roso afiꞌneemmo? (Mes. 16:18, 19; 1 Qor. 15:33)

Xagge 55

Shiimu Qaaqqi Maganoho Soqqami

1. Misilete aana noohu shiimu qaaqqi ayeeti? Ledosi noori ayeooti?

2. Haanna Yihowaha xaadooshshu dunkaana marte mayite huuccidhu? Yihowa huuccattose macciishshe ma assise?

3. Saamueeli Yihowa dunkaanira soqqamanno gede massinisi wote meꞌꞌe diro ikkinosi? Amasi diru dirunku isira maa assitanno?

4. Eeli ooso suꞌmi ayeeti? Insa hiittoo oosooti?

5. Yihowa Saamueeli woshshinohu mayinniiti? Isi Saamueelira maa kuli?

6. Saamueeli lophphe maa ikki? Isi geedhita mayi maikki?

Wole xaꞌmo:

1. Umi Saamueeli 1:1-28 nabbawi.

   1. Halaalaancho magansiꞌra balaxisiisa lainohunni, Hilqaana maatete annuwara dancha lawishsha ikkannohu hiittoonniiti? (1 Sam. 1:3, 21; Maat. 6:33; Fil. 1:10)

   2. Lowo geeshsha mitiiꞌmineemmo yannara, Haanna lawishshinni mayi roso afiꞌneemmo? (1 Sam. 1:10, 11; Far. 55:22; Ro. 12:12)

2. Umi Saamueeli 2:11-36 nabbawi.

   Eeli Yihowanni roore oososi ayirrisinohu hiittoonniiti? Kuni ninkera qorowishsha ikkannonkehu hiittoonniiti? (1 Sam. 2:22-24, 27, 29; Marro 21:18-21; Maat. 10:36, 37)

3. Umi Saamueeli 4:16-18 nabbawi.

   Olu bayichchinni shoole masisanno coye kultannoti hiitti sokka daggu? Eeli hatte sokka macciishshiti maikki?

4. Umi Saamueeli 8:4-9 nabbawi.

   Isiraeele Yihowa murcidhe gibbinohu hiittoonniiti? Ninke xaa yannara Mangistesira ammanammoommore ikkinoommota leellinsheemmohu hiittoonniiti? (1 Sam. 8:5, 7; Yoh. 17:16; Ya. 4:4)

Xagge 56

Umiha Isiraeelete Nugusa Saaooli

1. Misilete aana Saamueeli ma assanni no? Mayira?

2. Yihowa Saaooli baxinohu mayiraati? Saaooli hiittoo manchooti?

3. Saaooli beetti suꞌmi ayeeti? Kuni beetti maa assino?

4. Saaooli Saamueeli agara agure kakkalo isi umisi shiqishinohu mayiraati?

5. Saaooli xaggenni mayi roso afiꞌneemmo?

Wole xaꞌmo:

1. Umi Saamueeli 9:15-21 nna 10:17-27 nabbawi.

   Saaooli jooga ikkasi, mannootu mishshusi wote rahe hanqe insa gawajjannokki gede kaaꞌlitinosihu hiittoonniiti? (1 Sam. 9:21; 10:21, 22, 27; Law. 17:27)

2. Umi Saamueeli 13:5-14 nabbawi.

   Saaooli Gelgela yinanni bayichcho mayi cubbo loosi? (1 Sam. 10:8; 13:8, 9, 13)

3. Umi Saamueeli 15:1-35 nabbawi.

   1. Saaooli Amaaleeqi nugusa Agaagi lainohunni loosinohu bayiru cubbi maati? (1 Sam. 15:2, 3, 8, 9, 22)

   2. Saaooli, assino coyi gara ikkinota ammansiisatenna minshannisikki gede assate woꞌnaalinohu hiittoonniiti? (1 Sam. 15:24)

   3. Tini xagge xaa yannara amaale uyinanninke wote, mayi qorophpho assineemmo gede rosiissannonke? (1 Sam. 15:19-21; Far. 141:5; Law. 9:8, 9; 11:2)

Xagge 57

Maganu Daawiti Doori

1. Misilete aana noo beetti suꞌmi ayeeti? Kuni beetti worba ikkinota mayinni anfeemmo?

2. Daawitihu hiikkooti? Annisinna ahaahisi suꞌmi ayeeti?

3. Yihowa Saamueelira Beeteleeme Isseyi qae haꞌranno gede kulinohu mayiraati?

4. Isseyi lamala oososi Saamueeliwa abbita mayi maikki?

5. Daawiti abbinita Yihowa Saamueeli mayyii?

Wole xaꞌmo:

1. Umi Saamueeli 17:34, 35 nabbawi.

   Kuni assooti Daawiti worba ikkinotanna Yihowa addaxxannoha ikkinota leellishannohu hiittoonniiti? (1 Sam. 17:37)

2. Umi Saamueeli 16:1-14 nabbawi.

   1. Yihowa 1 Saamueeli 16:7 aana coyiꞌrinori, mallaandeemmokki gedenna mannaho dana laꞌne gimbeemmokki gede kaaꞌlannonkehu hiittoonniiti? (Soq. Los. 10:34, 35; 1 Xim. 2:4)

   2. Yihowa mittu manchiwiinni qullaawa ayyaanasi haare hooliro, bayichchoho bushu ayyaani eannota woyi bunshe assate halcho galtannota Saaooli lawishshi leellishannohu hiittoonniiti? (1 Sam. 16:14; Maat. 12:43-45; Gal. 5:16)

Xagge 58

Daawitinna Goliyaadi

1. Goliyaadi Isiraeelete wottaaddari ledo mayyee heewisami?

2. Goliyaadi geeshsha mageeshshiho? Nugusu Saaooli, Goliyaadi shaannohura maa aara qaale ei?

3. Daawiti shiima beetto ikkino daafira Saaooli, Goliyaadi ledo qasante diafatto yiisita Daawiti mayyii?

4. Daawiti Goliyaadira coyiꞌrinori isi Yihowa addaxxannota leellishannohu hiittoonniiti?

5. Misilete aana laꞌꞌattonte gede, Daawiti Goliyaadi mayinni shii? Goliyaadi reyita Filisxeeme hiikkitu?

Wole xaꞌmo:

1. Umi Saamueeli 17:1-54 nabbawi.

   1. Daawiti waajjannokki gede assinosihu maati? Ninke isi gede worbuulle ikka dandiineemmohu hiittoonniiti? (1 Sam. 17:37, 45; Efe. 6:10, 11)

   2. Kiristaanu godoꞌlanno wote woyi boohaaranno yannara Goliyaadi gede heewisama hasiissannokkihu mayiraati? (1 Sam. 17:8; Gal. 5:26; 1 Xim. 4:8)

   3. Daawiti coyiꞌrinori, Yihowa kaaꞌlannosita ammaninota leellishannohu hiittoonniiti? (1 Sam. 17:45-47; 2 Ze. 20:15)

   4. Tini xagge, lamu xaadannokki wottaaddari mereero kaꞌino gibbo calla ikkikkinni, olu kainohu kaphphu magannanna halaalaanchu Magani Yihowa mereero ikkinota leellishshannohu hiittoonniiti? (1 Sam. 17:43, 46, 47)

   5. Yihowa addaxxa lainohunni, buurante uullate gattinori Daawitiwiinni mayi roso afidhanno? (1 Sam. 17:37; Erm. 1:17-19; Yo. Aj. 12:17)

Xagge 59

Daawiti Xooqa Hasiissinosihu Mayiraati?

1. Saaooli Daawiti hinaasinohu mayiraati? Beettisi Yoonaataani annisiwiinni baxxannohu mayinniiti?

2. Mitto barra Daawiti Saaoolira gingilaate godoꞌlanni heeꞌreenna, mayi maikki?

3. Saaooli beettosi Melkooli Daawitira aara albaanni, Daawiti ma assa hasiissannohe yiisi? Saaooli hatto yiinohu mayiraati?

4. Misilete aana laꞌꞌattonte gede, Daawiti Saaoolira gingilaate godoꞌlanni heeꞌreenna, sayikkimeeshsho mayi maikki?

5. Melkooli Daawiti lubbo gatissinohu hiissiteeti? Hakkiinnino Daawiti lamala diro ma assanni keeshshi?

Wole xaꞌmo:

1. Umi Saamueeli 18:1-30 nabbawi.

   1. Yoonaataani Daawiti goofimarchu geeshsha baxasi, ‘wolu geꞌreewinna’ “shiima hoshsha” mereero noo baxille leellishshannohu hiittoonniiti? (1 Sam. 18:1; Yoh. 10:16; Luq. 12:32; Zek. 8:23)

   2. Yoonaataani, Saaooli mootimma ragirannoha ikke heeꞌrenni nugusa ikkara doorroonni manchira maahoyye yee gala hasiꞌrannota, 1 Saamueeli 18:4 xawissannohu hiittoonniiti?

   3. Saaooli lawishshi hinaaso lowo cubbiwa massitannota leellishannohu hiittoonniiti? Tini ninkera mayi qorowishsha uyitannonke? (1 Sam. 18:7-9, 25; Ya. 3:14-16)

2. Umi Saamueeli 19:1-17 nabbawi.

   Yoonaataani Daawitira yee Saaooli coyishiishi yannara heeshshosi qarraho tuginohu hiittoonniiti? (1 Sam. 19:1, 4-6; Law. 16:14)

Xagge 60

Abigayeelinna Daawiti

1. Misilete aana Daawitiwa higge dagganni noo mancho ayeeti? Ise hiittoo manchooti?

2. Naabaali ayeeti?

3. Daawiti, Naabaali mitore aannosi gede manna soyinohu mayiraati?

4. Naabaali Daawiti soyino manna mayyii? Daawiti tenne macciishshe ma assi?

5. Abigayeeli busule mancho ikkase leellishshinohu hiittoonniiti?

Wole xaꞌmo:

1. Umi Saamueeli 22:1-4 nabbawi.

   Kiristaanu roduuwi ninke ninkeneewa kaaꞌlammeemmo gede Daawiti ayiddi dancha lawishsha ikkannonkehu hiittoonniiti? (Law. 17:17; 1 Tes. 5:14)

2. Umi Saamueeli 25:1-43 nabbawi.

   1. Naabaali togo shollinshe coyiꞌnoonnihu mayiraati? (1 Sam. 25:2-5, 10, 14, 21, 25)

   2. Yannankera noohu Kiristaanu minaamuwi Abigayeeli lawishshinni maa rosanno? (1 Sam. 25:32, 33; Law. 31:26; Efe. 5:24)

   3. Abigayeeli, Daawiti hiittee lame bunshe assannota gatissinosi? (1 Sam. 25:31, 33; Ro. 12:19; Efe. 4:26)

   4. Daawiti Abigayeeli hayyeessa macciishshe hanqunni higasi, yannankera noo labballira Yihowara meentoho noosite gedee lao heedhannonsa gede kaaꞌlitannohu hiittoonniiti? (Soq. Los. 21:8, 9; Ro. 2:11; 1 Phe. 3:7)

Xagge 61

Daawiti Nugusa Ikki

1. Saaooli dukkaꞌninowa goxe heeꞌreenna Daawitinna Abiisa ma assitu?

2. Daawiti Saaooli mayyee xaꞌmi?

3. Saaooli agure higi gedensaanni Daawiti hiikka haꞌri?

4. Daawiti baxissanno faarso borreessinohu mayi dadilliseennasiiti?

5. Daawiti Keebirooni katamira nugusa ikki wote dirisi meꞌꞌeho? Labballo oososi giddo gamu ayeooti?

6. Gedensaanni Daawiti hiikko heere gashsha hanafi?

Wole xaꞌmo:

1. Umi Saamueeli 26:1-25 nabbawi.

   1. Umi Saamueeli 26:11 aana Daawiti coyiꞌrinori, tiokiraasete amanynyoote lainohunni isira hiittoo lao noosita leellishanno? (Far. 37:7; Ro. 13:2)

   2. Mannu assinoommo danchummara galatiweelo ikkiro, Daawiti 1 Saamueeli 26:23 aana coyiꞌrinori gara ikkitino lao heedhannonke gede kaaꞌlannonkehu hiittoonniiti? (1 Neg. 8:32; Far. 18:20)

2. Layinki Saamueeli 1:26 nabbawi.

   Yannankera noo Kiristaani Daawitinna Yoonaataani gede ‘insa insaneewa lubbo fulte baxama’ dandiitannohu hiittoonniiti? (1 Phe. 4:8; Qol. 3:14; 1 Yo. 4:12)

3. Layinki Saamueeli 5:1-10 nabbawi.

   1. Daawiti nugusa ikke meꞌꞌe diro gashshino? Yihudaho heere mageeshshi diro gashshino? Yerusaalametena? (2 Sam. 5:4, 5)

   2. Daawiti bayira woyi ayirrado ikkanno gede assinosihu maati? Ninke konninni mayi roso afiꞌneemmo? (2 Sam. 5:10; 1 Sam. 16:13; 1 Qor. 1:31; Fil. 4:13)

Xagge 62

Daawiti Mine Qarru Kalaqami

1. Yihowa kaaꞌlonni, gedensaanni Kanaꞌꞌaani gobba ayeoota ikkitu?

2. Mitte hawarro Daawiti gashshootu minisira heeꞌre ma lai?

3. Yihowa Daawitira lowo geeshsha hanqinohu mayiraati?

4. Misile leellishshannonte gede, Daawitira cubbosi kulanno gede Yihowa ayee soyi? Marino manchi Daawiti mayi iillannohe yiisi?

5. Daawitira mayi qarri iilli?

6. Daawiti gedensaanni Isiraeelete nugusa ikkinohu ayeeti?

Wole xaꞌmo:

1. Layinki Saamueeli 11:1-27 nabbawi.

   1. Yihowa soqqanshora diinaggaawa bushurinni agartannonkehu hiittoonniiti?

   2. Daawiti cubbo loosanno gede assinosihu maati? Kuni yannankera noorira Yihowa soqqamaanora mayi qorowishsha ikkanno? (2 Sam. 11:2; Maat. 5:27-29; 1 Qor. 10:12; Ya. 1:14, 15)

2. Layinki Saamueeli 12:1-18 nabbawi.

   1. Songote cimeeyye, annuwunna amuwu Naataani Daawitira amaale uyino doogonni maa rossanno? (2 Sam. 12:1-4; Law. 12:18; Maat. 13:34)

   2. Yihowa Daawiti maarinosihu mayiraati? (2 Sam. 12:13; Far. 32:5; 2 Qor. 7:9, 10)

Xagge 63

Hayyichcha Nugusa Salamooni

1. Yihowa Salamooni mayyee xaꞌmi? Salamoonina mayyee qoli?

2. Salamooni yiinori hagiirsiiseennasi Yihowa maa aasira qaale ei?

3. Lame meenti Salamoonira kuꞌlinoti qarrissanno hajo maati?

4. Misilete aana laꞌꞌattonte gede Salamooni konne qarra hiisse tiri?

5. Salamooni gashshooti hiittooho? Mayira?

Wole xaꞌmo:

1. Umi Negesti 3:3-28 nabbawi.

   1. Yannankera Yihowa dirijjite giddo shoomantino labballi 1 Negesti 3:7 aana Salamooni giddosinni kae assino huuccattonni maa rossanno? (Far. 119:105; Law. 3:5, 6)

   2. Huucciꞌra hasiissannonkere lainohunni Salamooni huuccatto dancha lawishsha ikkitannonkehu hiittoonniiti? (1 Neg. 3:9, 11; Law. 30:8, 9; 1 Yo. 5:14)

   3. Salamooni lame meenti gibbo tirino gari, konni kaꞌa Bayiru Salamooni Yesuusi Kiristoosi gashshanno yanna lainohunni maa addaxxineemmo gede assannonke? (1 Neg. 3:28; Isa. 9:6, 7; 11:2-4)

2. Umi Negesti 4:29-34 nabbawi.

   1. Salamooni hajajamanno wodana aannosi gede assiꞌrino huuccattora Yihowa mayi dawaro qolisi? (1 Neg. 4:29)

   2. Mannu Salamooni hayyo macciishshate assino sharronni, ninke Maganu Qaale xiinxalla lainohunni maa ronseemmo? (1 Neg. 4:29, 34; Yoh. 17:3; 2 Xim. 3:16)

Xagge 64

Salamooni Maganu Mine Mini

1. Salamooni Yihowa mine mine gudate mageeshshi yanna keeshshi? Konne mine minate lowo woxi fulinohu mayiraati?

2. Maganu minira meꞌꞌe jajjabba kifile noosi? Giddoyiidi kifilera maa worroonni?

3. Maganu mine minne gundita Salamooni mayyee huuccatto assi?

4. Salamooni huuccattonni hagiidhinota Yihowa hiisse leellishshi?

5. Salamooni adhino meenti iso maa assanno gede assisi? Hakkiinnino isi hiittooha ikki?

6. Yihowa Salamoonira hanqinohu mayiraati? Hanqe mayyiisi?

Wole xaꞌmo:

1. Umi Zeena 28:9, 10 nabbawi.

   Umi Zeena 28:9, 10 aana Daawiti coyiꞌrinori, barru baala marichcho assate sharrama hasiissannonketa leellishanno? (Far. 19:14; Fil. 4:8, 9)

2. Layinki Zeena 6:12-21, 32-42 nabbawi.

   1. Salamooni mannu minino mini Ayirrado Magano haare afannokkita kulinohu ma garinniiti? (2 Ze. 6:18; Soq. Los. 17:24, 25)

   2. Layinki Zeena 6:32, 33 aana Salamooni coyiꞌrinori Yihoware ma rosiisannonke? (Soq. Los. 10:34, 35; Gal. 2:6)

3. Layinki Zeena 7:1-5 nabbawi.

   Isiraeelete ooso Yihowa ayirrinynye laꞌe iso galatate kakkaꞌunte gede, yannankera Yihowa mannisira dirrisanno atooti ninkeno ma assineemmo gede kakkayisannonke? (2 Ze. 7:3; Far. 22:22; 34:1; 96:2)

4. Umi Negesti 11:9-13 nabbawi.

   Salamooni heeshsho goofimarchu geeshsha ammanama hasiissannota ikkitinota leellishshannohu hiittoonniiti? (1 Neg. 11:4, 9; Maat. 10:22; Yo. Aj. 2:10)

Xagge 65

Gashshootu Beehami

1. Misilete aana noori lamu mannooti suꞌmi ayeeti? Insa loosi maati?

2. Akiya uddirino uddano hiissanni no? Hatto assanni noohu mayiraati?

3. Salamooni Iyyoorbaami ma assate woꞌnaali?

4. Mannu Iyyoorbaami 10 gaꞌrera nugusa assinohu mayiraati?

5. Iyyoorbaami lame worqete siitta seekkinohu mayiraati? Hakkunni gedensaanni gobba ma ikkitu?

6. Lame gaꞌre gashshootinna Yerusaalamete noohu Yihowa mini ma ikki?

Wole xaꞌmo:

1. Umi Negesti 11:26-43 nabbawi.

   Iyyoorbaami hiittoo manchooti? Higgesi agadhannoha ikkiro Yihowa isira ma assate qaale ei? (1 Neg. 11:28, 38)

2. Umi Negesti 12:1-33 nabbawi.

   1. Silxaane gariweelo horonsiꞌra lainohunni songote cimeeyye, annuwunna amuwu Roobiaamihu bushu lawishshinni maa rossanno? (1 Neg. 12:13; Mek. 7:7; 1 Phe. 5:2, 3)

   2. Yannankera noo wedelli kabbaade hajo tuncu yitannonsa wote dancha amaale afiꞌra dandiitannohu hiikkiinniiti? (1 Neg. 12:6, 7; Law. 1:8, 9; 2 Xim. 3:16, 17; Ibi. 13:7)

   3. Iyyoorbaami worqete siitta magansiꞌnannita lame base qixxeessate kainohu mayiraati? Kuni assooti isi Yihowa shiima geeshsha nafa ammaꞌnannokkita leellishannohu hiittoonniiti? (1 Neg. 11:37; 12:26-28)

   4. Tonne gaꞌre gashshootira nooha Isiraaelete manna halaalaancho magansiꞌra giwanno gede assinohu ayeeti? (1 Neg. 12:32, 33)

Xagge 66

Busha Mootitte Elzaabeeli

1. Elzaabeeli ayeeti?

2. Mitto barra Nugusu Akiaabi mayira dadilli?

3. Elzaabeeli, minaannise Akiaabi Naabuteta woyinete kaashshi base adhanno gede assitinohu hiittoonniiti?

4. Yihowa Elzaabeeli qorichchishate aye soyi?

5. Misilete aana laꞌꞌattonte gede, Iyyu Elzaabeeliha gashshootu mine marita mayi maikki?

Wole xaꞌmo:

1. Umi Negesti 16:29-33 nna 18:3, 4 nabbawi.

   Nugusu Akiaabi gashshooti yannara Isiraeelete gobbara bunshe mageeshshi geeshsha batidhino? (1 Neg. 14:9)

2. Umi Negesti 21:1-16 nabbawi.

   1. Naabute worba ikkasinna Yihowara ammanaminoha ikkasi leellishinohu hiittoonniiti? (1 Neg. 21:1-3; Zel. 25:23-28)

   2. Hexxo mudhineemmo gede assanno coye dandee saꞌꞌa lainohunni, Akiaabi lawishshinni maa ronseemmo? (1 Neg. 21:4; Ro. 5:3-5)

3. Layinki Negesti 9:30-37 nabbawi.

   Iyyura Yihowa fajjo assate noosi diinaggenni maa ronseemmo? (2 Neg. 9:4-10; 2 Qor. 9:1, 2; 2 Xim. 4:2)

Xagge 67

Iyyoosaafixi Yihowa Addaxxi

1. Iyyoosaafixi ayeeti? Isi hiitte yannara heeꞌrino?

2. Isiraeelete manni waajjinohu mayiraati? Insa giddonni lowo manni ma assi?

3. Yihowa Iyyoosaafixi huuccattora dawaro mayyee qoli?

4. Olu kaikkinni balaxe Yihowa ma assi?

5. Iyyoosaafixiwiinni ninke marichcho ronseemmo?

Wole xaꞌmo:

1. Layinki Zeena 20:1-30 nabbawi.

   1. Ammanantinori Maganu soqqamaano waajjishanno coyi tuncu yaannonsa wote assa hasiissannonsare lainohunni, Iyyoosaafixi dancha lawishsha ikkannohu hiittoonniiti? (2 Ze. 20:12; Far. 25:15; 62:1)

   2. Yihowa mannasi coyishiishate ayeewoteno xaadooshshu buusa horonsiꞌranno daafira, xaa yannara horonsiꞌrannohu xaadooshshu buusi hiikkonneeti? (2 Ze. 20:14, 15; Maat. 24:45-47; Yoh. 15:15)

   3. ‘Duuchchanka dandaanno Maganiha bayira barra ikkanno oli’ yannara ninke garinna Iyyoosaafixi gari mitto dana ikkannohu hiittoonniiti? (2 Ze. 20:15, 17; 32:8; Yo. Aj. 16:14, 16)

   4. Leewaawootu lawishsha harunsatenni, suwisaanonna misiyoone xaa yannara alamete hanqafora loonsannihura farciꞌrote loosira hiittoo irko assitanni no? (2 Ze. 20:19, 21; Ro. 10:13-15; 2 Xim. 4:2)

Xagge 68

Reyotenni Kaꞌinore Lame Ooso

1. Misilete aana noori sasu mannooti ayeooti? Qaaqqu maikkino?

2. Eeliyaasi qaaqqoho huuccatto mayyee assi? Hakkiinnino qaaqqu maikki?

3. Eeliyaasi kaaꞌlaanchi suꞌmi ayeeti?

4. Elsai Sunemi katami mancho minira marinohu mayiraati?

5. Elsai mare ma assi? Hakkiinnino reyino qaaqqi maikki?

6. Eeliyaasinna Elsai xaggenni laꞌnummonte gede, Yihowara maa assanno wolqa noosi?

Wole xaꞌmo:

1. Umi Negesti 17:8-24 nabbawi.

   1. Eeliyaasi hajajamannoha ikkasinna ammanasi fonqolantinohu hiittoonniiti? (1 Neg. 17:9; 19:1-4, 10)

   2. Seraaptu katami mancho ammana baxxitinota ikkitinohu hiittoonniiti? (1 Neg. 17:12-16; Luq. 4:25, 26)

   3. Seraaptu mancho xagge, Maatewoosi 10:41, 42 aana Yesuusi coyiꞌrinori adda ikkinota leellishshannohu hiittoonniiti? (1 Neg. 17:10-12, 17, 23, 24)

2. Layinki Negesti 4:8-37 nabbawi.

   1. Wosina adha lainohunni Sunemi katami manchowiinni maa ronseemmo? (2 Neg. 4:8; Luq. 6:38; Ro. 12:13; 1 Yo. 3:17)

   2. Xaa yannara Maganu soqqamaanora shaqqille leellisha dandiineemmohu hiittoonniiti? (Soq. Los. 20:35; 28:1, 2; Gal. 6:9, 10; Ibi. 6:10)

Xagge 69

Mitte Beetto Ayirrado Mancho Kaaꞌlitu

1. Misilete aana shiima beetto manchote maa kultanni no?

2. Misilete aana noo mancho ayeeti? Shiima beetto manchote minira mayira martino?

3. Elsai soqqamaanchosi Niꞌꞌimaanira maa kulara soyi? Niꞌꞌimaani mayira hanqi?

4. Niꞌꞌimaani soqqamaanchisi yiinota macciishshe ma assi?

5. Elsai Niꞌꞌimaani uyinosi elto adha giwihu mayiraati? Giyaazi kayinni ma assi?

6. Giyaazi busha coye assino daafira mayi iillisi? Ninke tenne xaggenni maa ronseemmo?

Wole xaꞌmo:

1. Layinki Negesti 5:1-27 nabbawi.

   1. Isiraeelenniti shiima beetto assitinori xaa yannara heedhanno wedellootira dancha lawishsha ikkannohu hiittoonniiti? (2 Neg. 5:3; Far. 8:2; 148:12, 13)

   2. Qullaawa Borronni amaale uyinanninke wote, Niꞌꞌimaani lawishsha qaaga hasiissannonkehu mayiraati? (2 Neg. 5:15; Ibi. 12:5, 6; Ya. 4:6)

   3. Elsai assinorenna Giyaazi assinore heewisiisatenni mayi roso afiꞌneemmo? (2 Neg. 5:9, 10, 14-16, 20; Maat. 10:8; Soq. Los. 5:1-5; 2 Qor. 2:17)

Xagge 70

Yoonaasinna Jawa Qulxuꞌmichcho

1. Yoonaasi ayeeti? Yihowa iso ma assi yiisi?

2. Yoonaasi Yihowa soyinosiwa haꞌra giwe ma assi?

3. Yoonaasi dambalu uurranno gede yowolote aana loossannore ma asse yii?

4. Misilete aana laꞌꞌattonte gede, Yoonaasi wayi giddora lixiti hiikki?

5. Yoonaasi jawa qulxuꞌmichcho godowira mageeshsha keeshshi? Hakko heeꞌre ma assi?

6. Yoonaasi qulxuꞌmichchote godowinni fuliti, hiikka haꞌri? Ninke tenne xaggenni mayi roso afiꞌneemmo?

Wole xaꞌmo:

1. Yoonaasi 1:1-17 nabbawi.

   Xaggetenni buuxa dandiinanninte gede, Yoonaasi Nennewete mannira farciꞌranno gede hajanjisita mayi macciishshaminosi? (Yon. 1:2, 3; Law. 3:7; Mek. 8:12)

2. Yoonaasi 2:1, 2, 10 nabbawi.

   Yoonaasi xagge, Yihowa huuccattonke macciishshanno yine hexxineemmo gede assitannonkehu hiittoonniiti? (Far. 22:24; 34:6; 1 Yo. 5:14)

3. Yoonaasi 3:1-10 nabbawi.

   1. Yoonaasi umi qara hajajama giwirono, Yihowa iso horonsiꞌra agura hoogasi jawaachchishshannonkehu hiittoonniiti? (Far. 103:14; 1 Phe. 5:10)

   2. Yoonaasi Nennewete mannira assinori, qooxeessinkera noo manna mallaada lainohunni ninkera mayi roso aannonke? (Yon. 3:6-9; Mek. 11:6; Soq. Los. 13:48)

Xagge 71

Maganu Gannate Abbara Qaale Eino

1. Isayyaasi ayeeti? Isi heeꞌrinohu mamarooti? Yihowa isira maa leellishino?

2. “Gannatete” yaa mayyaate? Kuni qaali atera maa qaagiissannohe?

3. Yihowa konni kaꞌa dagganno Gannate lainohunni Isayyaasira maa borreessanno gede kulinosi?

4. Addaaminna Heewani biifado qaensanni fushshinoonnihu mayiraati?

5. Yihowa iso baxxannorira maa aansara qaale eino?

Wole xaꞌmo:

1. Isayyaasi 11:6-9 nabbawi.

   1. Maganu Qaali haaro alamera saadatenna mannu mereero heeꞌranno fiixooma xawisannohu hiittoonniiti? (Far. 148:10, 13; Isa. 65:25; Hiz. 34:25)

   2. Isayyaasi coyiꞌrino qaali xaa yannara Yihowa daga mereero ayyaanaamittetenni woꞌmanni noohu hiittoonniiti? (Ro. 12:2; Efe. 4:23, 24)

   3. Xaa yannarano ikko haaro alamera mannu amali soorramasinni galantara hasiisannohu ayeeti? (Isa. 48:17, 18; Gal. 5:22, 23; Fil. 4:7)

2. Yohaannisi Ajuuja 21:3, 4 nabbawi.

   1. Maganu mannu ledo heeꞌranno yaa, lawishshu garinni ikkinnina isi addinta uullate aana dirre heeꞌranno yaa ikkitinokkita Qullaawa Borro kultannonkehu hiittoonniiti? (Zel. 26:11, 12; 2 Ze. 6:18; Isa. 66:1; Yo. Aj. 21:2, 3, 22-24)

   2. Konni kaꞌaanni heedhannokki hindiiddonna xisso mayinnite? (Luq. 8:49-52; Ro. 8:21, 22; Yo. Aj. 21:4)

Xagge 72

Maganu Nugusa Hiziqiyaasi Kaaꞌlisi

1. Misilete aana noo manchi ayeeti? Isi buuto mitiiꞌminohu mayiraati?

2. Hiziqiyaasi Maganu albaanni fanino sokka mayinnite? Isi Yihowa mayyee huucciꞌri?

3. Hiziqiyaasi hiittoo nugusaati? Yihowa isira masaalaanchu Isayyaasi widoonni mayitanno sokka soyisi?

4. Misilete aana laꞌꞌattonte gede, Yihowa sokkaanchi Asooru wottaaddara ma assi?

5. Lame gaꞌre gashshootira noo manni shiima geeshsha keere afiꞌrinoha ikkirono, Hiziqiyaasi reyita mayi maikki?

Wole xaꞌmo:

1. Layinki Negesti 18:1-36 nabbawi.

   1. Asoorunnihu wottaaddaru roorrichchi Raafasqiisi Isiraeelete manni ammana hunate woꞌnaalinohu hiittoonniiti? (2 Neg. 18:19, 21; Wol. 5:2; Far. 64:3)

   2. Yihowa Farciꞌraasine gibbannonsare lainohunni Hiziqiyaasi lawishsha harunsitannohu hiittoonniiti? (2 Neg. 18:36; Far. 39:1; Law. 26:4; 2 Xim. 2:24)

2. Layinki Negesti 19:1-37 nabbawi.

   1. Yihowa daga xaa yannara yaachchishannori tuncu yaannonsa wote, Hiziqiyaasi lawishsha harunsa dandiitannohu hiittoonniiti? (2 Neg. 19:1, 2; Law. 3:5, 6; Ibi. 10:24, 25; Ya. 5:14, 15)

   2. Nugusu Senaakireemi hiikkunni sasu garinni qeelamino? Isi konni kaꞌira ayeera lawishsha ikkanno? (2 Neg. 19:32, 35, 37; Yo. Aj. 20:2, 3)

3. Layinki Negesti 21:1-6, 16 nabbawi.

   Yerusaalamete heedhe mookkino nugussa giddo rooru bushi Minaaseeti yineemmohu mayiraati? (2 Ze. 33:4-6, 9)

Story 73

Goofimarchoho Moohinoha Isiraeelenniha Dancha Nugusa

1. Iyyoosiyaasira nugusa ikki wote meꞌꞌe diro ikkinosi? Isi nugusa ikkihunni lamalki dirinni kayise ma assa hanafi?

2. Umi misile aana Iyyoosiyaasi ma assanni no?

3. Maganu mine gatamarranni heeꞌneenna, kakkalaanote biili marichcho afi?

4. Iyyoosiyaasi uddanosi darinohu mayiraati?

5. Masaalaancho Hildaana Yihowawiinni dagginota mayitanno sokka Iyyoosiyaasira sokku?

Wole xaꞌmo:

1. Layinki Zeena 34:1-28 nabbawi.

   1. Qaaqqimmate yannara Magano waajjannokki ayiddi anga lophphitino oosora Iyyoosiyaasi dancha lawishsha ikkannohu hiittoonniiti? (2 Ze. 33:21-25; 34:1, 2; Far. 27:10)

   2. Iyyoosiyaasi halaalaancho magansiꞌra halashshate 8⁠^ki, 12⁠^kinna 18⁠^ki gashshootisi diro maa maa assino? (2 Ze. 34:3, 8)

   3. Yihowa magansiꞌneemmo bayichcho gatamara lainohunni, Nugusu Iyyoosiyaasinna Kakkalaanote biili Kelqiyaasi lawishshinni maa ronseemmo? (2 Ze. 34:9-13; Law. 11:14; 1 Qor. 10:31)

Xagge 74

Waajjinokki Mancho

1. Misilete aana mannu arrassanni noo manchi ayeeti?

2. Ermiyaasi masaalaancho ikkatto yinita mayyii? Yihowa kayinni mayyiisi?

3. Ermiyaasi mannaho mayitanno sokka duuchchaage kulino?

4. Kakkalaano Ermiyaasi sokka kulannonsata hoolate ma assitu? Isi kayinni waajjinokkita hiittoonni leellishi?

5. Isiraeele bunshensa agura gibbuta mayi maikki?

Wole xaꞌmo:

1. Ermiyaasi 1:1-8 nabbawi.

   1. Ermiyaasi lawishshi leellishannonte gede, mitto mancho Yihowa soqqanshora guuta assannohu maati? (2 Qor. 3:5, 6)

   2. Ermiyaasi lawishshi xaa yannara noore Kiristaana wedelloota jawaachchishannohu hiittoonniiti? (Mek. 12:1; 1 Xim. 4:12)

2. Ermiyaasi 10:1-5 nabbawi.

   Ermiyaasi, kaphphu maganna addaxxa mittoreno kaaꞌlitannokkita xawisate hiikkonne dancha lawishsha horonsiꞌrino? (Erm. 10:5; Isa. 46:7; Imb. 2:19)

3. Ermiyaasi 26:1-16 nabbawi.

   1. Buurante uullate gattinori qorophphisiissanno sokka mannaho kultu wote, ‘mitto qaaleno gatisikki’ kulanno gede Yihowa Ermiyaasira uyino hajajo seekkite harunsitinohu hiittoonniiti? (Erm. 26:2; Marro 4:2; Soq. Los. 20:27)

   2. Yihowa qorowishsha dagate kula lainohunni, Ermiyaasi xaa yannara Yihowa Farciꞌraasinera dancha lawishsha ikkannohu hiittoonniiti? (Erm. 26:8, 12, 14, 15; 2 Xim. 4:1-5)

4. Layinki Negesti 24:1-17 nabbawi.

   Yihudu manni Yihowara ammanaminoha ikka hoogino daafira hiikku babbaxxino qarri iillinsa? (2 Neg. 24:2-4, 14)

Xagge 75

Baabiloonete Heedhinore Shoole Ooso

1. Misilete aana noori shoole ooso ayeooti? Insa Baabiloone martinohu mayiraati?

2. Nabukedenetsoori shoole ooso hiissara hasiꞌrino? Konni daafira soqqamaanosi mayyee hajaji?

3. Daanieeli isiranna sase jaallasira intannirenna angannire maa calla uyinansara xaꞌmiri?

4. Daanieelinna sase jaallasi tonnu barri geeshsha akaakilte ittu gedensaanni wolootu wedellinni roore maikkitu?

5. Daanieelinna sase jaallasi nugusaho gashshootu mine soqqantara gatinsoonnihu mayiraati? Insa nugusu kakkalaanonna egennaamma roortinohu mayinniiti?

Wole xaꞌmo:

1. Daanieeli 1:1-21 nabbawi.

   1. Iillannonke fonqolo qeelatenna bushu amali heeꞌrinkero agurate maa assa hasiissannonke? (Dan. 1:8; Kal. 39:7, 10; Gal. 6:9)

   2. Xaa yannara noo wedella, mitu manni “hagiirsiissannote” yee hedannotenni hiitte doogganni battaabbanno gede xixxiimbanninsa? (Dan. 1:8; Law. 20:1; 2 Qor. 6:17–7:1)

   3. Shoolu Ibiraawuyaanete wedellootire coyidhannoti Qullaawu Maxaafi xagge, alamete egenno afiꞌra lainohunni maa huwanteemmo gede kaaꞌlitannonke? (Dan. 1:20; Isa. 54:13; 1 Qor. 3:18-20)

Xagge 76

Yerusaalame Baꞌu

1. Misilete aana, Yerusaalametenna Isiraeelete mannira mayi qarri iillanni no?

2. Hiziqeeli ayeeti? Yihowa isira hiikkonne giwisanno coye leellishisi?

3. Isiraeelete manni Yihowa ayirrisinokki daafira, Yihowa mayyee xaari?

4. Nugusu Nabukedenetsoori Isiraeele isira finqiltuta ma assi?

5. Yihowa tini masissanno bao Isiraeelete iillitara agurinohu mayiraati?

6. Isiraeelete gobba mannu nookkita ikkitinohu hiittoonniiti? Gobba mittu manchino nookkiha mageeshshi diro keeshshitino?

Wole xaꞌmo:

1. Layinki Negesti 25:1-26 nabbawi.

   1. Sedeqiyaasi ayeeti? Isira mayi iillisi? Tini ikkito Qullaawu Maxaafi masaalo woꞌmitanno gede assitinohu hiittoonniiti? (2 Neg. 25:5-7; Hiz. 12:13-15)

   2. Yihowa Isiraeele assitino bunshe baalantera ayee busha assino? (2 Neg. 25:9, 11, 12, 18, 19; 2 Ze. 36:14, 17)

2. Hiziqeeli 8:1-18 nabbawi.

   Suꞌmu Kiristaani, arrishsho magansidhure kaadaasine Isiraeele lawishsha harunsinohu hiittoonniiti? (Hiz. 8:16; Isa. 5:20, 21; Yoh. 3:19-21; 2 Xim. 4:3)

Xagge 77

Misilete Disagaddino

1. Baabiloonete nugusi Nabukedenetsoori manna mayyee hajaji?

2. Daanieeliri sase jaalla worqete misilera sagaddinokkihu mayiraati?

3. Nabukedenetsoori sasu Ibirawuyaanete wedellooti sagaddara galagale yanna uyinsata, insa Yihowa addaxxitinota leellishshinohu hiittoonniiti?

4. Nabukedenetsoori wottaaddarisi Sidiraaqi, Misaaqinna Abidinaago ma assanno gede hajaji?

5. Nabukedenetsoori bubbanno giira giddora laita mayi leellisi?

6. Nugusu Sidiraaqi, Misaaqinna Abidinaago Magano galatinohu mayiraati? Insa ninkera mayi lawishsha ikkitannonke?

Wole xaꞌmo:

1. Daanieeli 3:1-30 nabbawi.

   1. Duuchchunku Maganu soqqamaano coꞌiima uurrinsha agadha lainohunni fonqolu iillannonsa wote, sasu Ibiraawuyaanete wedellootita hiittenne lao harunsa hasiissannonsa? (Dan. 3:17, 18; Maat. 10:28; Ro. 14:7, 8)

   2. Maganu Yihowa Nabukedenetsoorira hiikkonne hasiisanno roso rosiisino? (Dan. 3:28, 29; 4:34, 35)

Xagge 78

Angatenni Borreessinoonnita Girgiddu Aani Borro

1. Baabiloonete nugusi lowo jila jile Yerusaalamete Yihowa mininni abbinoonni xaasiranna saanera aganinna itanni heeꞌreenna mayi maikki?

2. Bilxaasoori hayyoota mannasi mayyii? Insa kayinni ma assa hooggu?

3. Nugusu ama nugusa ma assi yitu?

4. Daanieeli nugusaho xawise kulinonte gede, Maganu girgiddaho borreessitanno gede anga soyinohu mayiraati?

5. Daanieeli girgiddaho borreessinoonni qaalla tiro mayyee xawisi?

6. Daanieeli coyiꞌre nafa gudikki mayi maikki?

Wole xaꞌmo:

1. Daanieeli 5:1-31 nabbawi.

   1. Bilxaasoori girgiddu aani borro laeenna macciishshantinosi waajja, Magano waajjate ledo heewisiisi. (Dan. 5:6, 7; Far. 19:9; Ro. 8:35-39)

   2. Daanieeli Bilxaasooriranna ayirradu mannisira coyiꞌri wote, guulle leellishinohu hiittoonniiti? (Dan. 5:17, 18, 22, 26-28; Soq. Los. 4:29)

   3. Daanieeli fooliishsho 5, Yihowa kalqete alamera aliidiha ikkinota luphphi assite leellishshannohu hiittoonniiti? (Dan. 4:17, 25; 5:21)

Xagge 79

Daanieeli Doobbiyu Balera Tungi

1. Daariyoosi ayeeti? Isi Daanieeli ma assanno?

2. Mitu mitu hinaasaano mannooti Daariyoosi ma assi yitu?

3. Daanieeli haaro higge fultinota afiti ma assi?

4. Daariyoosira goxichchu nafa daa giwinosihu mayi dadilliseennasiiti? Isi layinki soodo ma assi?

5. Daanieeli Daariyoosira mayyee qoli?

6. Daanieeli shitara hasidhure bushuulle manna ma assini? Daariyoosi gashshootisi giddo heedhanno daga baalantera mayitanno sokka borreesse soyi?

Wole xaꞌmo:

1. Daanieeli 6:1-28 nabbawi.

   1. Daanieeli shaate gannoonni gano, yannankera gibbannonkeri Yihowa Farciꞌraasine looso uurrisate assitino sharro qaagiissitannonkehu hiittoonniiti? (Dan. 6:7; Far. 94:20; Isa. 10:1; Ro. 8:31)

   2. “Aleenni higge noo gashshaanora” maahoyye yee gala lainohunni, xaa yannara Maganu soqqamaano Daanieeli lawishsha harunsa dandiitannohu hiittoonniiti? (Dan. 6:5, 10; Ro. 13:1; Soq. Los. 5:29)

   3. Yihowara ‘ganynyine’ soqqama lainohunni Daanieeli lawishsha harunsa dandiineemmohu hiittoonniiti? (Dan. 6:16, 20; Fil. 3:16; Yo. Aj. 7:15)

Xagge 80

Maganu Manni Baabiloonetenni Fuli

1. Misilete aana leellinshoonninte gede, Isiraeele ma assitanni no?

2. Yihowa Isayyaasi widoonni coyiꞌrino masaalo Qiroosi wonshinohu hiittoonniiti?

3. Qiroosi Yerusaalame hadhe affannokki Isiraeele mayyii?

4. Qiroosi mannu galagale Yerusaalame haare haꞌranno gede maa uyi?

5. Isiraeelete manni Yerusaalame haꞌre iillate mageeshshi yanna adhinsa?

6. Gobba mittu manchino nookkiha mageeshshi diro keeshshitino?

Wole xaꞌmo:

1. Isayyaasi 44:28 nna 45:1-4 nabbawi.

   1. Yihowa Qiroosi lainohunni coyiꞌrino masaalo woꞌmitukki gattannokkita kaajjishe kulinohu hiittoonniiti? (Isa. 55:10, 11; Ro. 4:17)

   2. Isayyaasi Qiroosi lainohunni coyiꞌrino masaalo, Maganu Yihowa konni kaꞌa ikkannore coyiꞌrate dandoo noosita leellishshannohu hiittoonniiti? (Isa. 42:9; 45:21; 46:10, 11; 2 Phe. 1:20)

2. Izira 1:1-11 nabbawi.

   Yerusaalame galagale higikki gati manni lawishsha harunsatenni, xaa yannara woꞌma yanna soqqanshora beeqqitanni noore ‘jawaachchisha’ dandiineemmohu hiittoonniiti? (Izira 1:4, 6; Ro. 12:13; Qol. 4:12)

Xagge 81

Maganu Kaaꞌlo Addaxxa

1. Baabiloonetenni kae seeda doogo haꞌre Yerusaalame iillino manni mageeshshiho? Insa martanno wote kayinni mayi maikkino?

2. Isiraeelete manni Yerusaalame mare iilliti maa mina hanafi? Diinnansa kayinni ma assitu?

3. Hagenna Zakkaariyasi ayeeti? Insa mannaho maa kultu?

4. Tentinayi sokka Baabiloone soyinohu mayiraati? Isira hakkiinni mayitanno dawaro sonkisi?

5. Izira Maganu mine gatamara hasiissinota afiti ma assi?

6. Misilete aana laꞌꞌattonte gede, Izira huuccatto assanni noohu mayiraati? Huuccattosira dawaro afiꞌrinohu hiittoonniiti? Tennenni ninke mayi roso afiꞌneemmo?

Wole xaꞌmo:

1. Izira 3:1-13 nabbawi.

   Kiristaanu songo nookki qooxeessira heeꞌnummoro, maa assanke sufa hasiissannonke? (Izira 3:3, 6; Soq. Los. 17:16, 17; Ibi. 13:15)

2. Izira 4:1-7 nabbawi.

   Ammaꞌna karsiisa giwa lainohunni Zerubaabeeli Yihowa dagara lawishsha ikkannohu hiittoonniiti? (Wol. 34:12; 1 Qor. 15:33; 2 Qor. 6:14-17)

3. Izira 5:1-5, 17 nna 6:1-22 nabbawi.

   1. Maganu manna gibbannori, Maganu mine minnannita hoola hoogginohu mayiraati? (Izira 5:5; Isa. 54:17)

   2. Yihudootunnihu jajjabbu manni assinori, Kiristaanu cimeeyye Maganu daga gibbannori tuncu yitannonsa wote Yihowa biddishsha harunsitanno gede lawishsha ikkannonsahu hiittoonniiti? (Izira 6:14; Far. 32:8; Ro. 8:31; Ya. 1:5)

4. Izira 8:21-23, 28-36 nabbawi.

   Mitto coye assa hanafankera albaanni, Iziriha hiikkonne dancha lawishsha harunsa dandiineemmo? (Izira 8:23; Far. 127:1; Law. 10:22; Ya. 4:13-15)

Xagge 82

Merdokiyosinna Asteeri

1. Merdokiyosinna Asteeri ayeeti?

2. Nugusu Ahaashiweroshi wole galte adhara hasiꞌrinohu mayiraati? Isi ayee doodhi?

3. Haama ayeeti? Iso lowo geeshsha hanqisinosiri maati?

4. Mayitanno higge fushshini? Merdokiyosi sokka soyise gedensaanni Asteeri ma assitu?

5. Haama hiissini? Merdokiyosina?

6. Isiraeele diinnansa anganni gattinohu hiittoonniiti?

Wole xaꞌmo:

1. Asteeri 2:12-18 nabbawi.

   ‘Shaqqillunna wodanaaꞌmate ayyaani’ amale afiꞌra lowo waaga afidhinota, Asteeri leellishshinohu hiittoonniiti? (Ast. 2:15; 1 Phe. 3:1-5)

2. Asteeri 4:1-17 nabbawi.

   Asteeri halaalaancho magansiꞌra irkisate kaayyo afidhunte gede, ninkeno xaa yannara Yihowara galloommorenna isira ammanammoommore ikkanke leellinsheemmoti hiitti kaayyo noonke? (Ast. 4:13, 14; Maat. 5:14-16; 24:14)

3. Asteeri 7:1-6 nabbawi.

   Asteerinte gede, yannankera haammata Maganu manna daramanno gede assinoonnihu hiittoonniiti? (Ast. 7:4; Maat. 10:16-22; 1 Phe. 2:12)

Xagge 83

Yerusaalamete Huxxa

1. Isiraeele Yerusaalamete katamira huxxu nookkiha heedhu wote mayi macciishshaminonsa?

2. Nehimiya ayeeti?

3. Nehimiya loosi maati? Kuni loosi dancha ikkinohu mayiraati?

4. Nehimiya lowo geeshsha dadillihu maa kulleennasiiti? Hakkiinnino ma assiyya?

5. Nugusu Arxekisisi Nehimiyara hiikkonne dancha coye assino?

6. Isiraeelete diinna huxxa huxxinannita hooltannokki gede Nehimiya coye biddi assinohu hiittoonniiti?

Wole xaꞌmo:

1. Nehimiya 1:4-6 nna 2:1-20 nabbawi.

   Nehimiya Yihowa biddishsha hasiꞌrinohu hiittoonniiti? (Neh. 2:4, 5; Ro. 12:12; 1 Phe. 4:7)

2. Nehimiya 3:3-5 nabbawi.

   Teequha manni assinorenna “murrootinsa” assitinore heewisiisatenni, cimeeyyenna songote soqqamaano mayi roso afidhanno? (Neh. 3:5, 27; 2 Tes. 3:7-10; 1 Phe. 5:5)

3. Nehimiya 4:1-23 nabbawi.

   1. Diinna lowo gaaro kayissurono, Isiraeele huxxa huxxa agurtannokki gede assinonsahu maati? (Neh. 4:6, 8, 9; Far. 50:15; Isa. 65:13, 14)

   2. Isiraeelete lawishshi xaa yannara ninke jawaachchishannonkehu hiikko garinniiti?

4. Nehimiya 6:15 nabbawi.

   Yerusaalamete huxxi lamu aganinni huxxame goofasi, ammana afidhino wolqa luphphi asse leellishannohu hiittoonniiti? (Far. 56:3, 4; Maat. 17:20; 19:26)

Xagge 84

Mittu Sokkaanchi Maariyaami Coyishiishi

1. Misilete aana noo mancho ayeeti?

2. Gabirieeli Maariyaamira ma kulise?

3. Maariyaami labbaahu ledo goxxukki qaaqqo iltannota Gabirieeli kulinosehu hiittoonniiti?

4. Maariyaami fiixase Elsaabeexi laꞌara martuta mayi maikki?

5. Yooseefi Maariyaami godobbinota afiti ma assate hedi? Gedensaanni Yooseefi hedinore mayira aguri?

Wole xaꞌmo:

1. Luqaasi 1:26-56 nabbawi.

   1. Maganu Beetti heeshsho iiminni haaꞌne uullara abbini wote Maariyaami otoottora noo quuphphichchi giddo noohu Addaaminni dayino cubbi sainosikkita, Luqaasi 1:35 xawissannohu hiittoonniiti? (Hag. 2:11-13; Yoh. 6:69; Ibi. 7:26; 10:5)

   2. Yesuusi ilamikki nafa ayirrinsoonnisihu hiittoonniiti? (Luq. 1:41-43)

   3. Yannankera baxxitinota soqqanshote mabte afiꞌrino Kiristaanira Maariyaami dancha lawishsha ikkitannohu hiittoonniiti? (Luq. 1:38, 46-49; 17:10; Law. 11:2)

2. Maatewoosi 1:18-25 nabbawi.

   Yesuusira Amaanueeli yine suꞌma fushsha hoongisirono, manchu beetto ikke loosinori konni suꞌmi tiro ledo sumuu yaannohu hiittoonniiti? (Maat. 1:22, 23; Yoh. 14:8-10; Ibi. 1:1-3)

Xagge 85

Yesuusi Hadiro Ilami

1. Misilete aana noohu danqu qaaqqi ayeeti? Maariyaami iso mama goxisse no?

2. Yesuusi hadiro ilaminohu mayiraati?

3. Misilete aana hadirira higge eꞌanni noori ayeooti? Insara sokkaanchu marichcho kulinonsa?

4. Yesuusi baxxinoha ikkinohu mayiraati?

5. Yesuusa Maganu Beettooti yinoonnihu mayiraati?

Wole xaꞌmo:

1. Luqaasi 2:1-20 nabbawi.

   1. Yesuusi ilama lainohunni masaalloonni masaalo woꞌmitanno gede Awugisxoosi Qeesaari assinori mayi no? (Luq. 2:1-4; Mik. 5:2)

   2. Mittu manchi ‘Maganu baxanno manni’ ledoha ikka dandaannohu hiittoonniiti? (Luq. 2:14; Maat. 16:24; Yoh. 17:3; Soq. Los. 3:19; Ibi. 11:6)

   3. Rambaootu Yihudu allaalaasine Gatisaanchu ilamino daafira hagiidhituna, yannankera Maganu soqqamaano roore hagiidhitanno gede assannonsari maati? (Luq. 2:10, 11; Efe. 3:8, 9; Yo. Aj. 11:15; 14:6)

Xagge 86

Mitte Beeddakko Manna Massaggu

1. Misilete aana noo mannooti ayeooti? Insa giddonni mittu waraꞌa yite xabbanni noo beeddakko angichchunni kulanni noohu mayiraati?

2. Nugusu Heroodiisi mayira masi? Isi mase ma assi?

3. Waraꞌa yite xabbanno beeddakko mannoota massage hiikka iillishshu? Mannootu daggino doogo agurte wole widoonni higge gobbansa hadhinohu mayiraati?

4. Heroodiisi mayyee hajaji? Mayira?

5. Yihowa Yooseefira ma assanno gede kulisi?

6. Haaro beeddakko leeltanno gede assinohu ayeeti? Mayira?

Wole xaꞌmo:

1. Maatewoosi 2:1-23 nabbawi.

   Ayyaanto Yesuusa laꞌara martu wote isira meꞌꞌe diro ikkinosi? Isi hakkawote hiikko olliira no? (Maat. 2:1, 11, 16)

Xagge 87

Shiimu Beetti Yesuusi Maganu Mine

1. Misilete aana laꞌꞌattonte gede, Yesuusira meꞌꞌe diro ikkinosi? Isi xa hiikko no? (Misile lai.)

2. Yooseefi maatesi ledo diru dirunku ma assanno?

3. Yooseefinna Maariyaami qaensa higanni mitto barra woꞌma haꞌri gedensaanni, galagale Yerusaalame higinohu mayiraati?

4. Yooseefinna Maariyaami Yesuusa hiikko afi? Hakko noo manni lowo geeshsha xaggeessirinohu mayiraati?

5. Yesuusi amasi Maariyaami mayyii?

6. Maganunnire rosa lainohunni, ninke Yesuusi gedeere ikka dandiineemmohu hiittoonniiti?

Wole xaꞌmo:

1. Luqaasi 2:41-52 nabbawi.

   1. Higge, diru ayyaanna ayirrissara haꞌra hasiissannonsari labballo callaho yitannoha ikkirono, Yooseefinna Maariyaami xaa yannara noo annuwaranna amuwira dancha lawishsha ikkitannohu hiittoonniiti? (Luq. 2:41; Marro 16:16; 31:12; Law. 22:6)

   2. Yesuusi annahonna amate hajajama lainohunni, xaa yannara noo oosora dancha lawishsha ikkannohu hiittoonniiti? (Luq. 2:51; Marro 5:16; Law. 23:22; Qol. 3:20)

2. Maatewoosi 13:53-56 nabbawi.

   Qullaawu Maxaafi giddo qummi assinoonniri Yesuusira ilamatenni xaaddanno roduuwisi ayeooti? Yannate gedensaanni insa giddo lamu Kiristaanu songo giddo maa ikkite soqqantino? (Maat. 13:55; Soq. Los. 12:17; 15:6, 13; 21:18; Gal. 1:19; Ya. 1:1; Yihuda 1)

Xagge 88

Yohaannisi Yesuusa Cuui

1. Misilete aana noori lamu mannooti ayeooti?

2. Manna cuuꞌnannihu hiitto assineeti?

3. Yohaannisi ma ikkino manna cuuino?

4. Yesuusi, Yohaannisi cuuannosi gede xaꞌmirinohu hiikkunni baxxino korkaatiraati?

5. Maganu, Yesuusi cuuameenna hagiidhinota leellishinohu hiittoonniiti?

6. Yesuusi mannu nookki bayichcho haꞌre 40 barra keeshshinowa mayi maikki?

7. Umiri Yesuusi harunsaano woyi rosaano ayeooti? Yesuusi balaxe assino maalale hiitteeti?

Wole xaꞌmo:

1. Maatewoosi 3:13-17 nabbawi.

   Yesuusi rosaanosi cuuama hasiissannonsa korkaata lainohunni lawishsha ikkinohu hiittoonniiti? (Far. 40:7, 8; Maat. 28:19, 20; Luq. 3:21, 22)

2. Maatewoosi 4:1-11 nabbawi.

   Yesuusi Qullaawa Borro seekke horonsiꞌrasi, Qullaawa Maxaafa ganynyine xiinxallineemmo gede kakkayissannonkehu hiittoonniiti? (Maat. 4:5-7; 2 Phe. 3:17, 18; 1 Yo. 4:1)

3. Yohaannisi 1:29-51 nabbawi.

   Cuuaanchu Yohaannisi rosaanosi ayee harunsitanno gede jawaachchishino? Xaa yannara ninke isi lawishsha harunsa dandiineemmohu hiittoonniiti? (Yoh. 1:29, 35, 36; 3:30; Maat. 23:10)

4. Yohaannisi 2:1-12 nabbawi.

   Yesuusi umo assino maalale, Yihowa soqqamaanosira danchare baala hoꞌlannokkita leellishshannohu hiittoonniiti? (Yoh. 2:9, 10; Far. 84:11; Ya. 1:17)

Xagge 89

Yesuusi Maganu Mine Keereensi

1. Saada Maganu mine abbine hirranni heeꞌnoonnihu mayiraati?

2. Yesuusi hanqinohu mayiraati?

3. Misilete aana laꞌꞌattonte gede, Yesuusi ma assi? Lemboola hirtanni noo mannoota mayyee hajaji?

4. Yesuusi rosaano isi assinore laꞌuta mayi qulli yiinsa?

5. Yesuusi Galiila haꞌri wote hiikko awuraajji widoonni hige haꞌrino?

Wole xaꞌmo:

1. Yohaannisi 2:13-25 nabbawi.

   Yesuusi Maganu mine woxe soorritanni noore lowo geeshsha hanqasi, Mangistete Harira daddaꞌla lainohunni marichcho rosiissannonke? (Yoh. 2:15, 16; 1 Qor. 10:24, 31-33)

Xagge 90

Wayi Balewa Xaadino Mancho Ledo

1. Yesuusi Samaariyaho wayi balewa fooliishshiꞌrinohu mayiraati? Isi hakko xaadino mancho mayyaanni no?

2. Manchote lowo geeshsha xagge ikkinosehu maati? Yesuusi ise mayyii? Mayira?

3. Manchote Yesuusi hiikko wayire coyiꞌranni nooha lawinose? Isi yaanni noo wayi kayinni hiikkonneeti?

4. Yesuusi heeshshosere coyiꞌrinori manchote xagge ikkinohu mayiraati? Isi heeshshosere hiitto ikke afi?

5. Yesuusi wayi balewa xaadi manchore coyidhanno xaggenni mayi roso afiꞌneemmo?

Wole xaꞌmo:

1. Yohaannisi 4:5-43 nabbawi.

   1. Yesuusi lawishsha harunsatenni, addi addi sirchi manniranna babbaxxino dagoomira hiittoo lao heedhankera hasiisanno? (Yoh. 4:9; 1 Qor. 9:22; 1 Xim. 2:3, 4; Tit. 2:11)

   2. Yesuusi rosaancho ikkanno manchi ayyaanaamittetenni hiikkonne atoote afiꞌranno? (Yoh. 4:14; Isa. 58:11; 2 Qor. 4:16)

   3. Rossino coye mannaho kulate quqquxantute Samaariyu mancho gede, ninkeno ayyaanaamo coye gotti assine laꞌneemmota leellisha dandiineemmohu hiittoonniiti? (Yoh. 4:7, 28; Maat. 6:33; Luq. 10:40-42)

Xagge 91

Yesuusi Ilaalaho Ofolle Rosiisi

1. Misilete aana, Yesuusi hiikko ofolle rosiisanni no? Isiwa gamba yite ofolte noori ayeooti?

2. Tonaalame hawaariyaate suꞌmi ayeeti?

3. Yesuusi mannaho kuli Mangiste maati?

4. Yesuusi mannu mayyee huucciꞌranno gede rosiisino?

5. Yesuusi mannu mimmitu ledo heeꞌra hasiissannonsa gara rosiisanni mayyii?

Wole xaꞌmo:

1. Maatewoosi 5:1-12 nabbawi.

   Ayyaanaamittete hasattonkera baqqi yinoommore ikkanke hiittoonni leellisha dandiineemmo? (Maat. 5:3; Ro. 10:13-15; 1 Xim. 4:13, 15, 16)

2. Maatewoosi 5:21-26 nabbawi.

   Roduuwinke ledo noonke fiixoomi Yihowa ledo noonke fiixooma kisannota, Maatewoosi 5:23, 24 luphphi assite leellishshannohu hiittoonniiti? (Maat. 6:14, 15; Far. 133:1; Qol. 3:13; 1 Yo. 4:20)

3. Maatewoosi 6:1-8 nabbawi.

   Kiristaanu fafa hasiissannonsahu mitu mitu meessaneeto keereensate gari hiikkonneeti? (Luq. 18:11, 12; 1 Qor. 4:6, 7; 2 Qor. 9:7)

4. Maatewoosi 6:25-34 nabbawi.

   Maalaamittete hasattonkera Yihowa addaxxa lainohunni, Yesuusi mayyee rosiisino? (Wol. 16:4; Far. 37:25; Fil. 4:6)

5. Maatewoosi 7:1-11 nabbawi.

   Maatewoosi 7:5 aana noohu xawe leellanno lawishshi maa rosiisannonke? (Law. 26:12; Ro. 2:1; 14:10; Ya. 4:11, 12)

Xagge 92

Yesuusi Reyitinore Kayisino

1. Misilete aana noo beetto anni ayeeti? Isinna galtesi lowo geeshsha dadillitinohu mayiraati?

2. Iyyairoosi Yesuusa afiti ma assi?

3. Yesuusi Iyyairoosi qae haꞌra hanafita, mayi maikki? Doogote hadhanna Iyyairoosira mayitanno sokka kullisi?

4. Iyyairoosi mine noo manni Yesuusa osoꞌlihu mayiraati?

5. Yesuusi sase hawaariyaate, beettote annanna ama haare beetto noowa mare ma assi?

6. Yesuusi reyotenni kayisinori wolootu ayeooti? Togo assasi maa leellishshanno?

Wole xaꞌmo:

1. Luqaasi 8:40-56 nabbawi.

   Yesuusi mararannoha ikkinotanna mitto coye korkaatiweello assannoha ikkinokkita mundee duꞌnantannose manchora leellishinohu hiittoonniiti? Xaa yannara Kiristaanu cimeeyye konninni mayi roso afidhanno? (Luq. 8:43, 44, 47, 48; Zel. 15:25-27; Maat. 9:12, 13; Qol. 3:12-14)

2. Luqaasi 7:11-17 nabbawi.

   Yesuusi Nayina katami gunnittera coyiꞌrinori, baxxanno manni reyinonsare lowo geeshsha sheshifachchishannohu mayiraati? (Luq. 7:13; 2 Qor. 1:3, 4; Ibi. 4:15)

3. Yohaannisi 11:17-44 nabbawi.

   Banxanni manni reyiro wiꞌla gara ikkitinota Yesuusi leellishinohu hiittoonniiti? (Yoh. 11:33-36, 38; 2 Sam. 18:33; 19:1-4)

Xagge 93

Yesuusi Lowo Manna Itisi

1. Cuuaanchu Yohaannisira iillinosihu masisanno coyi maati? Konni daafira Yesuusira mayi macciishshamisi?

2. Yesuusi iso harunsannoha lowo manna itisinohu mayinniiti? Goofimarchoho mageeshshi sagale gattu?

3. Mitto hashsha rosaano mayira waajjitu? Hakkiinnino Pheexiroosi ma ikki?

4. Yesuusi xaano kumunni kiirranni manna maa itisi?

5. Yesuusi Maganu doorino nugusa ikke uullate aana moohanno yanna lowo geeshsha hagiirsiissannota ikkitannohu mayiraati?

Wole xaꞌmo:

1. Maatewoosi 14:1-32 nabbawi.

   1. Maatewoosi 14:23-32 noo xagge Pheexiroosi akata buunxeemmo gede kaaꞌlitannonkehu hiittoonniiti?

   2. Qullaawa Borro Pheexiroosi ayyaanaamittetenni lophphinotanna muddama agurinota leellishshannohu hiittoonniiti? (Maat. 14:27-30; Yoh. 18:10; 21:7; Soq. Los. 2:14, 37-40; 1 Phe. 5:6, 10)

2. Maatewoosi 15:29-38 nabbawi.

   Yesuusi Annisi maalaamittetenni aanno elto gotti asse laꞌꞌannota leellishinohu hiittoonniiti? (Maat. 15:37; Yoh. 6:12; Qol. 3:15)

3. Yohaannisi 6:1-21 nabbawi.

   Xaa yannara noo Kiristaani uullate gashshooti hajo lainohunni Yesuusi lawishsha harunsa dandaannohu hiittoonniiti? (Yoh. 6:15; Maat. 22:21; Ro. 12:2; 13:1-4)

Xagge 94

Yesuusi Qaaqquulle Baxanno

1. Hawaariyaate seeda doogo hadhe daggu wote heewisantinohu maahooti?

2. Yesuusi qaaqqo woshshe hawaariyaatete mereero uurrisinohu mayiraati?

3. Hawaariyaate qaaqquullu gedeere ikka hasiissannonsahu ma garinniiti?

4. Agannate gedensaanni, Yesuusi qaaqquulle baxannota leellishinoti wole doogo hiittenneeti?

Wole xaꞌmo:

1. Maatewoosi 18:1-4 nabbawi.

   Yesuusi rosiisanno wote addi addi lawishsha horonsiꞌrannohu mayiraati? (Maat. 13:34, 36; Maar. 4:33, 34)

2. Maatewoosi 19:13-15 nabbawi.

   Maganu Mangiste abbitanno atoote mannaho kulleemmo wote, hiikkonne qaaqquullu amale leellisha hasiissannonke? (Far. 25:9; 138:6; 1 Qor. 14:20)

3. Maarqoosi 9:33-37 nabbawi.

   Ayirrinynyu bayichcho hasiꞌra lainohunni, Yesuusi rosaanosi mayyee rosiisino? (Maar. 9:35; Maat. 20:25, 26; Gal. 6:3; Fil. 2:5-8)

4. Maarqoosi 10:13-16 nabbawi.

   Yesuusiwa shiqate mannu mageeshsha baxanno? Kiristaanu cimeeyye konninni mayi roso afidhanno? (Maar. 6:30-34; Fil. 2:1-4; 1 Xim. 4:12)

Xagge 95

Yesuusi Rosiisino Gara

1. Mittu manchi Yesuusa mayyee xaꞌmi? Mayira?

2. Yesuusi rosiisate mite mite yannara maa horonsiꞌranno? Yihudootanna Samaariyu manna lainohunni, albaanni maa ronsoommo?

3. Yesuusi kuli xagge giddo, Iyyaarko haꞌranni noohu Yihudu manchi maikki?

4. Yihudootu kakkalaanchinna Leewaawichchu doogo hadhanni dagge ma assitu?

5. Misilete aana, ganneenna uwinoha Yihudu mancho kaaꞌlanni noohu ayeeti?

6. Yesuusi xagge kule kaiti mayitanno xaꞌmo xaꞌmi? Manchu mayyee qoliyya?

Wole xaꞌmo:

1. Luqaasi 10:25-37 nabbawi.

   1. Yesuusi qaxxi yitino dawaro qolantenni, Higge lowo geeshsha afinoha mitto mancho coye heeshshi gotti asse laꞌꞌanno gede assinohu hiittoonniiti? (Luq. 10:26; Maat. 16:13-16)

   2. Yesuusi, macciishshitannosi mannooti manna mulla kae giwate laonsa biddi assidhanno gede kaaꞌlate, lawishsha horonsiꞌrinohu hiittoonniiti? (Luq. 10:36, 37; 18:9-14; Tit. 1:9)

Xagge 96

Yesuusi Xiwantinore Hursino

1. Yesuusi haꞌri bayichcho baalaho ma assino?

2. Yesuusi cuuamihunni sasu diri gedensaanni, hawaariyaatesira maa kuli?

3. Misilete aana noo mannooti ayeooti? Yesuusi manchote ma assino?

4. Yesuusi ammaꞌnote cimeeyyera qolino tumo saalfachchishshinonsahu mayiraati?

5. Yesuusinna hawaariyaatesi Iyyaarkote katama saꞌuta, Yesuusi lamu ballootu huucciꞌraanora ma assi?

6. Yesuusi maalale assinohu mayiraati?

Wole xaꞌmo:

1. Maatewoosi 15:30, 31 nabbawi.

   Yesuusi assino maalale Yihowa wolqa leellishshannohu hiittoonniiti? Tini ikkito Yihowa haaro alame giddo eemmoꞌne yiinore roore buunxeemmo gede assitannonkehu hiittoonniiti? (Far. 37:29; Isa. 33:24)

2. Luqaasi 13:10-17 nabbawi.

   Yesuusi Sambatunni xagge ikkitanno maalale assasi, Kumu Diri Gashshootisi yannara mannu oosora abbanno fooliishsho leellishshannohu hiittoonniiti? (Luq. 13:10-13; Far. 46:9; Maat. 12:8; Qol. 2:16, 17; Yo. Aj. 21:1-4)

3. Maatewoosi 20:29-34 nabbawi.

   Tini xagge Yesuusi manna kaaꞌlate yanna hooge egenninokkita leellishshannohu hiittoonniiti? Ninke konninni maa ronseemmo? (Marro 15:7; Ya. 2:15, 16; 1 Yo. 3:17)

Xagge 97

Yesuusi Nugusa Ikke Dayi

1. Yesuusi Yerusaalamete mule nooha shiima qachcha dayi wote, rosaanosi ma assitanno gede kulinsa?

2. Misilete aana laꞌꞌattonte gede, Yesuusi Yerusaalamete katama shiqqi yiita mayi maikki?

3. Qaaqquullu, Yesuusi ballootanna naafoota hursanna laꞌuti ma assitu?

4. Yesuusi hanqitino kakkalaano mayyii?

5. Ninke Yesuusa galattu qaaqquulli gedeere ikka dandiineemmohu hiittoonniiti?

6. Yesuusi rosaano maa afa hasidhino?

Wole xaꞌmo:

1. Maatewoosi 21:1-17 nabbawi.

   1. Yesuusi Nugusa ikke Yerusaalame eino gari, Roomu gashshooti yannara gobba horritannori wottaaddaru roorrooti qeelte eꞌanno garinni baxxannohu hiittoonniiti? (Maat. 21:4, 5; Zek. 9:9; Fil. 2:5-8; Qol. 2:15)

   2. Yesuusi Maganu minira ei yannara Faarso 118 qummi assite iso galatturi Isiraeelete labballi oosowiinni, yannankera noo ooso mayi roso afidhanno? (Maat. 21:9, 15; Far. 118:25, 26; 2 Xim. 3:15; 2 Phe. 3:18)

2. Yohaannisi 12:12-16 nabbawi.

   Yesuusa galattu mannooti saattu daro horonsiꞌransa maa leellishshanno? (Yoh. 12:13; Fil. 2:10; Yo. Aj. 7:9, 10)

Xagge 98

Yesuusi Ejedhete Ilaalira

1. Misilete aana noo manni giddo Yesuusi hiikkonneeti? Isi ledo noori ayeooti?

2. Yesuusi Maganu mine marinowa kakkalaano hiissitasira hasidhu? Isi insa mayyii?

3. Hawaariyaate Yesuusa mayite xaꞌmitu?

4. Yesuusi iima Nugusa ikke gashshanno yannara uullate aana ikkannoha mito mito coye hawaariyaatesira kulinohu mayiraati?

5. Yesuusi uullate aana noo bunshe baala hoolara albaanni marichchi ikkanno yiino?

Wole xaꞌmo:

1. Maatewoosi 23:1-39 nabbawi.

   1. Qullaawa Borro alamete looso lainohunni maaragete suꞌma horonsiꞌra digaraho yaa hooggurono, Yesuusi Maatewoosi 23:8-11 coyiꞌrinori Kiristaanu songo giddo maaragete suꞌma horonsiꞌra lainohunni maa rosiisanno? (Soq. Los. 26:25; Ro. 13:7; 1 Phe. 2:13, 14)

   2. Farisaano mannu Kiristaana ikkannota hoolate maa horonsidhino? Xaa yannara noori ammaꞌnote cimeeyyeno hattee labbannota hiittee hayyo horonsidhanno? (Maat. 23:13; Luq. 11:52; Yoh. 9:22; 12:42; 1 Tes. 2:16)

2. Maatewoosi 24:1-14 nabbawi.

   1. Kaajje uurra lowo geeshsha hasiissannota ikkitinota, Maatewoosi 24:13 luphphi assite leellishshannohu hiittoonniiti?

   2. Maatewoosi 24:13 aana “goofimarchu” yaanno qaali mayi tiro afiꞌrino? (Maat. 16:27; Ro. 14:10-12; 2 Qor. 5:10)

3. Maarqoosi 13:3-10 nabbawi.

   Dancha duduwo farciꞌrate looso lowo geeshsha wiinamme loosa hasiissannota, Maarqoosi 13:10 aana nooti hiitti yaatto leellishshanno? Konni qummeessi aana Yesuusi coyiꞌrinori ma assineemmo gede kakkayisankera hasiisanno? (Ro. 13:11, 12; 1 Qor. 7:29-31; 2 Xim. 4:2)

Xagge 99

Fooqete Mini Giddo

1. Misilete aana leellannonte gede, Yesuusinna 12 hawaariyaatesi halaꞌladu fooqete minira martinohu mayiraati?

2. Fule haꞌranni noo manchi ayeeti? Isi ma assara haꞌranni no?

3. Faasiku ayyaani hurbaati kaita, Yesuusi hiikkonne baxxino hurbaate hanafi?

4. Isiraeele Faasiku ayyaana ayirrissannohu maa qaagateeti? Kuni baxxino hurbaati kayinni Yesuusi harunsaanora maa qaagiissanno?

5. Mootichchu Hurbaati gedensaanni, Yesuusi harunsaanosira marichcho kuli? Hakkiinnino insa ma assitu?

Wole xaꞌmo:

1. Maatewoosi 26:14-30 nabbawi.

   1. Yihuda Yesuusa hirasi mixire assino coye ikkinota, Maatewoosi 26:15 kultannohu hiittoonniiti?

   2. Yesuusi mundeesi dunasi hiikkunni lamu coyira kaaꞌlitanno? (Maat. 26:27, 28; Erm. 31:31-33; Efe. 1:7; Ibi. 9:19, 20)

2. Luqaasi 22:1-39 nabbawi.

   Yihudara Sheexaanu eino yaa mayyaate? (Luq. 22:3; Yoh. 13:2; Soq. Los. 1:24, 25)

3. Yohaannisi 13:1-20 nabbawi.

   1. Yohaannisi 13:2 garinni, Yihuda assino coyira bushiisha dandiinanni? Maganu soqqamaano konninni mayi roso afidhanno? (Kal. 4:7; 2 Qor. 2:11; Gal. 6:1; Ya. 1:13, 14)

   2. Yesuusi dancha lawishsha ikkatenni rosiisinohu lowo geeshsha hasiisanno rosi maati? (Yoh. 13:15; Maat. 23:11; 1 Phe. 2:21)

4. Yohaannisi 17:1-26 nabbawi.

   Yesuusi huuccatto assinohu harunsaanosi hiikko garinni ‘mitto ikkitaraati’? (Yoh. 17:11, 21-23; Ro. 13:8; 14:19; Qol. 3:14)

Xagge 100

Yesuusi Kaashshu Basera

1. Yesuusinna hawaariyaatesi fooqete mininni fulte hiikka hadhu? Isi insara ma assitanno gede kulinsa?

2. Yesuusi hawaariyaatesi noowa galagale higanno wote insa ma assitanni no? Insa goxxe heedheenna Yesuusi meꞌꞌe hige dayi?

3. Yesuusinna hawaariyaatesi kaashshu basera heedheenna hakkira ayeoo daggu? Misilete aana laꞌꞌattonte gede, Asqorootu Yihuda ma assi?

4. Yihuda Yesuusa sunqinohu mayiraati? Pheexiroosi ma assi?

5. Yesuusi Pheexiroosi mayyii? Yesuusi, Maganu mitto sokkaancho nafa soyaasira xaꞌmirinokkihu mayiraati?

Wole xaꞌmo:

1. Maatewoosi 26:36-56 nabbawi.

   1. Yesuusi rosaanosi seejjino gari, xaa yannara Kiristaanu cimeeyyera dancha lawishsha ikkannohu hiittoonniiti? (Maat. 20:25-28; 26:40, 41; Gal. 5:17; Efe. 4:29, 31, 32)

   2. Manna gawajjate bagado horonsiꞌra lainohunni, Yesuusira mayi lao noosi? (Maat. 26:52; Luq. 6:27, 28; Yoh. 18:36)

2. Luqaasi 22:39-53 nabbawi.

   Yesuusi Geetesemaanete kaashshu basera heeꞌreenna mittu sokkaanchi iso jawaachchishara daasi, hakkawote Yesuusira ammana xeꞌinota leellishshannoni? Xawisi. (Luq. 22:41-43; Isa. 49:8; Maat. 4:10, 11; Ibi. 5:7)

3. Yohaannisi 18:1-12 nabbawi.

   Yesuusi rosaanosi giwannonsa manni anganni gatisinonsahu hiittoonniiti? Ninke konni lawishshinni maa ronseemmo? (Yoh. 10:11, 12; 18:1, 6-9; Ibi. 13:6; Ya. 2:25)

Xagge 101

Yesuusa Shini

1. Yesuusi reyora roorenka xaꞌmamannohu ayeeti?

2. Ammaꞌnote cimeeyye Yesuusa haadhe hadhuta, hawaariyaate ma assitu?

3. Kakkalaanote biili Qeyyaafi qaera mayi maikki?

4. Pheexiroosi fule haꞌre wiꞌlinohu mayiraati?

5. Yesuusa layinkimeeshsho Philaaxoosiwa abbinita, qara kakkalaano qoonqonsa gotti assite mayitu?

6. Arbete barra Yesuusa ma assitu? Yesuusi mulesi sutaminohura bunshe assino manchira mayi qaale eisi?

7. Yesuusi yii Gannate hiikko ikkitanno?

Wole xaꞌmo:

1. Maatewoosi 26:57-75 nabbawi.

   Yihudootunniri songote geerrinna kakkalaanote biilla giddonsa busha ikkitinota mayinni anfeemmo? (Maat. 26:59, 67, 68)

2. Maatewoosi 27:1-50 nabbawi.

   Yihuda gedensaanni gaabbasi dogate yaa dandiineemmohu mayiraati? (Maat. 27:3, 4; Maar. 3:29; 14:21; 2 Qor. 7:10, 11)

3. Luqaasi 22:54-71 nabbawi.

   Yesuusa diinnate sayinse uyini hashsha Pheexiroosi Yesuusa kaadasi ninkera mayi roso uyitannonke? (Luq. 22:60-62; Maat. 26:31-35; 1 Qor. 10:12)

4. Luqaasi 23:1-49 nabbawi.

   Yesuusi miincisi yannara mayyii? Ninke konninni mayi roso afiꞌneemmo? (Luq. 23:33, 34; Ro. 12:17-19; 1 Phe. 2:23)

5. Yohaannisi 18:12-40 nabbawi.

   Pheexiroosi manna waajje shiima yanna huxirinoha ikkirono, gedensaanni jawaate worba hawaariyaatichcha ikkasi maa leellishshanno? (Yoh. 18:25-27; 1 Qor. 4:2; 1 Phe. 3:14, 15; 5:8, 9)

6. Yohaannisi 19:1-30 nabbawi.

   1. Yesuusira maalaamittete coyira noositi garu lao hiitteeti? (Yoh. 2:1, 2, 9, 10; 19:23, 24; Maat. 6:31, 32; 8:20)

   2. Yesuusi reyaanni coyiꞌrino qaali, Yihowa aliidimma irkisasinni macciishshantinosita qeellete hedo leellishannohu hiittoonniiti? (Yoh. 16:33; 19:30; 2 Phe. 3:14; 1 Yo. 5:4)

Xagge 102

Yesuusi Reyotenni Kai

1. Misilete aana leeltanno mancho ayeeti? Kuri lamu mannooti ayeooti? Insa mayi giddo no?

2. Philaaxoosi Yesuusi waamma agaranno wottaaddara sokkanno gede kakkalaanote kulinohu mayiraati?

3. Yesuusi reyihunni sayikki barra mittu sokkaanchi gute daye ma assi? Kakkalaano kayinni ma assitu?

4. Gamu meenti Yesuusi waammoonniwa mari wote xagge ikkinonsahu maati?

5. Pheexiroosinna Yohaannisi Yesuusi waammawa doddanni martinohu mayiraati? Martanno wote waamma hiikkite no?

6. Yesuusi reeshshi hiikki? Ikkollana rosaanosi reyotenni kainota affanno gede Yesuusi ma assi?

Wole xaꞌmo:

1. Maatewoosi 27:62-66 nna 28:1-15 nabbawi.

   Yesuusi reyotenni kai yannara kakkalaanote biilla, Farisaanonna wolu geerri qullaawu ayyaani aana cubbo loossinohu hiittoonniiti? (Maat. 12:24, 31, 32; 28:11-15)

2. Luqaasi 24:1-12 nabbawi.

   Yesuusi kaore coyidhanno xagge, Yihowa meento ammanantino farciꞌraasine asse laꞌꞌannota leellishshannohu hiittoonniiti? (Luq. 24:4, 9, 10; Maat. 28:1-7)

3. Yohaannisi 20:1-12 nabbawi.

   Mitte Qullaawu Maxaafi masaalo hiittoonni woꞌmitannoro seekkine buuxa hoongummoro, cincine agadha hasiissannonketa buunxeemmo gede Yohaannisi 20:8, 9 kaaꞌlitannonkehu hiittoonniiti? (Law. 4:18; Maat. 17:22, 23; Luq. 24:5-8; Yoh. 16:12)

Xagge 103

Qulfe Gannoonni Minira

1. Maariyaami, gate agadhe no yite heddino mancho mayitu? Ikkollana kuni manchi Yesuusa ikkinota mayinni affu?

2. Eemahusi yinanni qachcha hadhanni noorira lame rosaanora mayi tuncu yiinsa?

3. Lame rosaano Yesuusa laꞌnummo yite hawaariyaatete kultanni heedheenna, xagge ikkannori mayi kalaqami?

4. Yesuusi harunsaanosira meꞌꞌe hige leellino?

5. Rosaano Mootichcha anfummo yite kultusita Toomaasi mayyii? Settu barri gedensaanni kayinni mayi maikki?

Wole xaꞌmo:

1. Yohaannisi 20:11-29 nabbawi.

   Yesuusi Yohaannisi 20:23 aana coyiꞌrino qaali, mannu oosora cubbo maarate silxaane uyinoonni yaateni? Xawisi. (Far. 49:2, 7; Isa. 55:7; 1 Xim. 2:5, 6; 1 Yo. 2:1, 2)

2. Luqaasi 24:13-43 nabbawi.

   Wodananke Qullaawu Maxaafi halaale adhanno gede assine qixxeessiꞌra dandiineemmohu hiittoonniiti? (Luq. 24:32, 33; Izi. 7:10; Maat. 5:3; Soq. Los. 16:14; Ibi. 5:11-14)

Xagge 104

Yesuusi Iimira Haꞌri

1. Yesuusi mitte yannara meꞌꞌe rosaanora leellino? Hakkawote marichcho kulinsa?

2. Maganu Mangiste maati? Yesuusi Nugusa ikke kume diro gashshanno yannara uullate aani heeshsho hiittoota ikkitanno?

3. Yesuusi rosaanosira leellanni meꞌꞌe barra keeshshino? Hakkunni gedensaanni kayinni ma ikkanno yanna iillitu?

4. Yesuusi rosaanosi agure iimira haꞌrara albaanni, ma assitanno gede kulinsa?

5. Misilete aana Yesuusi hiikkanni no? Rosaanosi layinkita iso laꞌinokkihu mayiraati?

Wole xaꞌmo:

1. Umi Qorontoosi 15:3-8 nabbawi.

   Hawaariya Phaawuloosi Yesuusi reyotenni kainota huluullamikki coyiꞌrinohu mayiraati? Xaa yannarano Kiristaanu maa lainohunni huluullamikki coyiꞌra dandaanno? (1 Qor. 15:4, 7, 8; Isa. 2:2, 3; Maat. 24:14; 2 Xim. 3:1-5)

2. Soqqamaanote Looso 1:1-11 nabbawi.

   Soqqamaanote Looso 1:8 aana masaalloonni garinni, hakkawaro farciꞌrote loosi mageeshshi geeshsha halaꞌlino? (Soq. Los. 6:7; 9:31; 11:19-21; Qol. 1:23)

Xagge 105

Yerusaalamete Mare Agadha

1. Misilete aana leellannonte gede, Yerusaalamete agadhitanni noorira Yesuusi harunsaanora mayi maikki?

2. Yerusaalame dayino wosinira xagge ikkinori maati?

3. Pheexiroosi mannaho maa xawise kuli?

4. Pheexiroosi coyiꞌranna macciishshitu gedensaanni mannootaho mayi macciishshaminsa? Pheexiroosi qole ma asse yiinsa?

5. Phenxeqosxete barra yaano 33 M.D meu manni cuuamino?

Wole xaꞌmo:

1. Soqqamaanote Looso 2:1-47 nabbawi.

   1. Pheexiroosi Soqqamaanote Looso 2:23, 36 aana coyiꞌrino qaali, Yesuusi reyora Yihudu gosa gudisidhe xaꞌmantannota leellishannohu hiittoonniiti? (1 Tes. 2:14, 15)

   2. Qullaawa Borronni xiqise qummi assa lainohunni, Pheexiroosi dancha lawishsha ikkannonkehu hiittoonniiti? (Soq. Los. 2:16, 17, 29, 31, 36, 39; Qol. 4:6)

   3. Pheexiroosi, Yesuusi eemmohe yiinosiri ‘iimi mangiste makafachchuwa’ giddonni umiha horonsiꞌrinohu hiittoonniiti? (Soq. Los. 2:14, 22-24, 37, 38; Maat. 16:19)

Xagge 106

Usuru Mininni Fultu

1. Mitto barra Pheexiroosinna Yohaannisi Maganu minira hadhanni heedheenna mayi tuncu yiinsa?

2. Pheexiroosi laanshaawino mancho mayyii? Qoleno woxunni roorannore maa assisi?

3. Ammaꞌnote cimeeyye mayira hanqitu? Hanqite Pheexiroosinna Yohaannisi ma assitu?

4. Pheexiroosi ammaꞌnote cimeeyye mayyii? Ammaꞌnote cimeeyye Pheexiroosinna Yohaannisi mayite qorowisiissu?

5. Ammaꞌnote cimeeyye hinaassinohu mayiraati? Lamunku hawaariyaate layinkita usurantuta kayinni mayi maikki?

6. Lamenka hawaariyaate Sanihediriini songowa abbinita mayite qoltu?

Wole xaꞌmo:

1. Soqqamaanote Looso 3:1-10 nabbawi.

   Xaa yannara maalale assineemmo wolqa aa hoonginkerono, Pheexiroosi Soqqamaanote Looso 3:6 aana coyiꞌrino qaali Maganu Mangiste sokka gotti assine laꞌneemmo gede kaaꞌlannonkehu hiittoonniiti? (Yoh. 17:3; 2 Qor. 5:18-20; Fil. 3:8)

2. Soqqamaanote Looso 4:1-31 nabbawi.

   Soqqansho fulle heeꞌneenna giwanno manni xaadinkero, umi sanira heedhinori Kiristaanu roduuwinke lawishsha harunsa dandiineemmohu hiittoonniiti? (Soq. Los. 4:29, 31; Efe. 6:18-20; 1 Tes. 2:2)

3. Soqqamaanote Looso 5:17-42 nabbawi.

   Biꞌree yannarano ikko xaatera, Maganu Farciꞌraasine ikkitinokkiri mitu mitu mannooti farciꞌrote looso lainohunni korkaatunni assaabbannore ikkansa leellishshinohu hiittoonniiti? (Soq. Los. 5:34-39)

Xagge 107

Isxifaanoosi Kinnatenni Ganni

1. Isxifaanoosi ayeeti? Maganu iso ma assanno gede kaaꞌlinosi?

2. Ammaꞌnote cimeeyye lowo geeshsha hanqitinohu Isxifaanoosi mayyeennaati?

3. Mannootu Isxifaanoosi goshooshshe katamu gobbaanni fushshite hiissitu?

4. Misilete aana, mannootu uduunne agaranni noo wedellichchi ayeeti?

5. Isxifaanoosi shinasira albaanni Yihowa mayyee huucciꞌri?

6. Isxifaanoosi lawishsha harunsatenni, mittu manchi bunshe assinkero maa assa hasiissannonke?

Wole xaꞌmo:

1. Soqqamaanote Looso 6:8-15 nabbawi.

   Ammaꞌnote cimeeyye Yihowa Farciꞌraasineha farciꞌrote looso uurrisate manna mayite doggino? (Soq. Los. 6:9, 11, 13)

2. Soqqamaanote Looso 7:1-60 nabbawi.

   1. Isxifaanoosi Sanihediriini songo albaanni shiqi wote danchu duduwi daafira kaajje sharramanno gede kaaꞌlinosihu maati? Isi lawishshinni ninke maa ronseemmo? (Soq. Los. 7:51-53; Ro. 15:4; 2 Xim. 3:14-17; 1 Phe. 3:15)

   2. Farciꞌrote loosonke giwanno mannira hiittoo lao heedhankera hasiisanno? (Soq. Los. 7:58-60; Maat. 5:44; Luq. 23:33, 34)

Xagge 108

Demaasqo Haꞌnanni Doogora

1. Isxifaanoosi shini gedensaanni, Saawuli ma assi?

2. Saawuli Demaasqo haꞌranni heeꞌreenna xagge ikkannori mayi kalaqami?

3. Yesuusi Saawulira ma assanno gede kulisi?

4. Yesuusi Hanaaniya mayyii? Saawuli ille faꞌnituhu hiittoonniiti?

5. Gedensaanni Saawuli ayi yinanniha ikki? Qoleno duuchcha gobbara maa assino?

Wole xaꞌmo:

1. Soqqamaanote Looso 8:1-4 nabbawi.

   Haarote kalaqantinorira Kiristaanu songuwara iillino darti Kiristaanu ammaꞌno halaꞌlitanno gede kaaꞌlinohu hiittoonniiti? Yannankera hakkonne lawannohu hiikku coyi ikkino? (Soq. Los. 8:4; Isa. 54:17)

2. Soqqamaanote Looso 9:1-20 nabbawi.

   Yesuusi coyiꞌrino qaali, Saawuli loosanno gede Yesuusi hasiꞌrinoha hiikkonne sase looso leellishanno? (Soq. Los. 9:15; 13:5; 26:1; 27:24; Ro. 11:13)

3. Soqqamaanote Looso 22:6-16 nabbawi.

   Ninke Hanaaniya gedeere ikka dandiineemmohu hiittoonniiti? Kuni hasiissanno coye ikkinohu mayiraati? (Soq. Los. 22:12; 1 Xim. 3:7; 1 Phe. 1:14-16; 2:12)

4. Soqqamaanote Looso 26:8-20 nabbawi.

   Saawuli Kiristaana ikkasi, yannankera ammanannokki ayiddaanni woyi ayiddaama noonsare jawaachchishshannohu hiittoonniiti? (Soq. Los. 26:11; 1 Xim. 1:14-16; 2 Xim. 4:2; 1 Phe. 3:1-3)

Xagge 109

Pheexiroosi Qornelewoosi Minira Haꞌri

1. Misilete aana, sagadanni noo manchi ayeeti?

2. Mittu sokkaanchi Qornelewoosi mayyii?

3. Maganu, Pheexiroosira Iyyoophphete Simiooni mine fooqete heeꞌreenna maa leellishisi?

4. Pheexiroosi, Qornelewoosi sagadannosikki gedenna iso magansiꞌrannokki gede kulinosihu mayiraati?

5. Pheexiroosi ledo noori Yihudootu rosaano xagge assidhinohu mayiraati?

6. Pheexiroosi Qornelewoosi minira haꞌrasi hiikkonne hasiisanno roso rosiissannonke?

Wole xaꞌmo:

1. Soqqamaanote Looso 10:1-48 nabbawi.

   Pheexiroosi Soqqamaanote Looso 10:42 aana coyiꞌrino qaali, Maganu Mangisteha dancha duduwo farciꞌrate loosi halaꞌlinynye lainohunni maa leellishanno? (Maat. 28:19; Maar. 13:10; Soq. Los. 1:8)

2. Soqqamaanote Looso 11:1-18 nabbawi.

   Yihudu gaꞌre ikkitinokki gosa lainohunni Yihowara noosi hedo Pheexiroosi seekke buuxiti ma assi? Ninke isi lawishsha harunsa dandiineemmohu hiittoonniiti? (Soq. Los. 11:17, 18; 2 Qor. 10:5; Efe. 5:17)

Xagge 110

Phaawuloosiha Haaro Kaaꞌlaancho Ximootewosi

1. Misilete aana noo wedellichchi ayeeti? Isi hiikko heeꞌrannoho? Amasinna ahaahesi suꞌmi ayeeti?

2. Ximootewosi, fafo gobbara noo mannira farciꞌrate Phaawuloosinna Sillaasi ledo haꞌra baxannotanna teꞌee Phaawuloosi xaꞌmisita mayyii?

3. Yesuusi rosaano umo Kiristaanaho yinoonnihu hiikkooti?

4. Phaawuloosi, Sillaasinna Ximootewosi Lisxirunni fultu gedensaanni martino katamma giddo gama kuli.

5. Ximootewosi Phaawuloosi kaaꞌlinohu ma asseeti? Yannankera noo ooso insaneeto mayite xaꞌma hasiissannonsa?

Wole xaꞌmo:

1. Soqqamaanote Looso 9:19-30 nabbawi.

   Hawaariya Phaawuloosi dancha duduwo giwanno manni tuncu yiisi wote hayyichcha ikkasi leellishinohu hiittoonniiti? (Soq. Los. 9:22-25, 29, 30; Maat. 10:16)

2. Soqqamaanote Looso 11:19-26 nabbawi.

   Soqqamaanote Looso 11:19-21, 26 aana noo xagge, Yihowa ayyaani farciꞌrote looso massaganni noota leellishshannohu hiittoonniiti?

3. Soqqamaanote Looso 13:13-16, 42-52 nabbawi.

   Rosaano giwannonsa manninni kainohunni hexxo mudhitinokkita, Soqqamaanote Looso 13:51, 52 leellishshannohu hiittoonniiti? (Maat. 10:14; Soq. Los. 18:6; 1 Phe. 4:14)

4. Soqqamaanote Looso 14:1-6, 19-28 nabbawi.

   ‘Insa ammantino Maganira Yihowara eeggo uyitu’ yitanno hedo, haaruudde manna kaaꞌlineemmo yannara danna saꞌne yaandeemmokki gede kaaꞌlitannonkehu hiittoonniiti? (Soq. Los. 14:21-23; 20:32; Yoh. 6:44)

5. Soqqamaanote Looso 16:1-5 nabbawi.

   Ximootewosi barcimara maahoyye yaasi, ‘danchu duduwira yine duuchchankare’ assa hasiissannota leellishshannohu hiittoonniiti? (Soq. Los. 16:3; 1 Qor. 9:23; 1 Tes. 2:8)

6. Soqqamaanote Looso 18:1-11, 18-22 nabbawi.

   Farciꞌrote looso massaga lainohunni Yesuusi umisi kaaꞌlannota Soqqamaanote Looso 18:9, 10 kultannohu hiittoonniiti? (Maat. 28:20)

Xagge 111

Goxinowiinni Uwino Beetto

1. Misilete aana, uulla uwe noo beetti ayeeti? Isi maikkino?

2. Phaawuloosi beettu reyinota afiti ma assi?

3. Hakkiinnino Phaawuloosi, Ximootewosinna ledonsa noori hiikka hadhu? Miliixini marte fooliishshidhuta Phaawuloosi ma assi?

4. Masaalaanchu Agaboosi Phaawuloosira mayi qorowishsha uyisi? Agaboosi yiinori woꞌminohu hiittoonniiti?

Wole xaꞌmo:

1. Soqqamaanote Looso 20:7-38 nabbawi.

   1. Phaawuloosi Soqqamaanote Looso 20:26, 27 aana coyiꞌrino qaali garinni, ‘mannu duuchchunku mundeenni keeraano’ ikka dandiineemmohu hiittoonniiti? (Hiz. 33:8; Soq. Los. 18:6, 7)

   2. Songote cimeeyye rosiissanno wote ‘ammanamino qaale seekkite cuꞌmira’ hasiissannonsahu mayiraati? (Soq. Los. 20:17, 29, 30; Tit. 1:7-9; 2 Xim. 1:13)

2. Soqqamaanote Looso 26:24-32 nabbawi.

   Phaawuloosi Yesuusiwiinni adhinoha farciꞌrote looso loosate, Roomu qansichchimmasi horonsiꞌrinohu hiittoonniiti? (Soq. Los. 9:15; 16:37, 38; 25:11, 12; 26:32; Luq. 21:12, 13)

Xagge 112

Yowolo Giddichchote Aana Hiiqqaqqantu

1. Phaawuloosi noo yowolo Qerxeesi giddichcho widoonni saꞌu gedensaanni maikkitu?

2. Phaawuloosi yowolo gidde noo manna mayyii?

3. Yowolo hiiqqaqqantuhu maikkiteeti?

4. Usuranynya haare haꞌranni noohu wottaaddaru roorrichchi mayyii? Keerunni baaru gobbaanni fulino manni meꞌꞌeho?

5. Mannu fule marino giddichcho mayinannite? Yanna fooggi yituta Phaawuloosi hiissini?

Wole xaꞌmo:

1. Soqqamaanote Looso 27:1-44 nabbawi.

   Phaawuloosi Rooma haꞌrinota kultanno xagge nabbawanke, Qullaawu Maxaafi xagge gara ikkitinota roore ammanneemmo gede kaaꞌlitannonkehu hiittoonniiti? (Soq. Los. 27:16-19, 27-32; Luq. 1:3; 2 Xim. 3:16, 17)

2. Soqqamaanote Looso 28:1-14 nabbawi.

   Maalta giddichchora heedhannori Kiristaana ikkitinokki mannooti Phaawuloosiranna ledosi marino mannira ‘xaggeeffantanni danchumma’ assitinoha ikkina, Kiristaanu maa assa hasiissannonsa? Roorenkanni tenne assa hasiissannohu hiittoonniiti? (Soq. Los. 28:1, 2; Ibi. 13:1, 2; 1 Phe. 4:9)

Xagge 113

Phaawuloosi Roomu Katamira

1. Phaawuloosi Roomaho usuru mine heeꞌre ayeoora farciꞌrino?

2. Misilete aana, xaraphpheessu mule noohu ayeeti? Isi Phaawuloosira ma assanni no?

3. Afiroodiixu ayeeti? Isi Filiphphisiyusi katama higanno wote maa haare haꞌranno?

4. Phaawuloosi lubbote jaalisira Filimoonira sokka borreessinohu mayiraati?

5. Phaawuloosi usuru mininni fuliti ma assi? Gedensaanni kayinni hiissinisi?

6. Yihowa Qullaawu Maxaafire goofimarchu maxaaffa borreessate ayee horonsiꞌrino? Ajuujate maxaafi maa kulanno?

Wole xaꞌmo:

1. Soqqamaanote Looso 28:16-31 nna Filiphphisiyusi 1:13 nabbawi.

   Phaawuloosi Roomaho usurame noo waro yannasi hiittoonni horonsiꞌrino? Isiti kaajjado ammana Kiristaanu songo jawaachchishshinohu hiittoonniiti? (Soq. Los. 28:23, 30; Fil. 1:14)

2. Filiphphisiyusi 2:19-30 nabbawi.

   Phaawuloosi Ximootewosinna Afiroodiixu mayyee galati? Ninke Phaawuloosi lawishsha harunsa dandiineemmohu hiittoonniiti? (Fil. 2:20, 22, 25, 29, 30; 1 Qor. 16:18; 1 Tes. 5:12, 13)

3. Filimoona 1-25 nabbawi.

   1. Phaawuloosi, Filimooni assa hasiissannosire assanno gede amaalinohu mayinniiti? Xaa yannara kuni songote cimeeyyera biddishsha ikkannohu hiittoonniiti? (Filim. 9; 2 Qor. 8:8; Gal. 5:13)

   2. Phaawuloosi Filimoona 13, 14 aana coyiꞌrino qaali, isi songote giddo wolu manni tiia ayirrisannota leellishannohu hiittoonniiti? (1 Qor. 8:7, 13; 10:31-33)

4. Layinki Ximootewosi 4:7-9 nabbawi.

   Goofimarchu geeshsha ammanammoommore ikkinummoro, Yihowa hawaariya Phaawuloosi kiisinte gede ninkeno kiisannonketa huluullammeemmokkihu mayiraati? (Maat. 24:13; Ibi. 6:10)

Xagge 114

Bunshe Baalante Goofimarcho

1. Qullaawu Maxaafi, iima faradu noohu gede asse kulannohu mayiraati?

2. Maganu uullate aana noohu bushu manni ledo olamanno ola mayinanni? Kuni oli ikkannohu mayiraati?

3. Misilete aana laꞌꞌattonte gede, konne ola massagannohu ayeeti? Isi umoho zawude wodhinohu mayiraati? Angasi noo bise kayinni maa leellishshanno?

4. Xagge 10, 15 nna 33 aana laꞌneemmonte gede, Maganu busha manna baala hunannoti xagge ikkitankera hasiisannokkihu mayiraati?

5. Maganu, bushuullu mannooti iso magansiꞌneemmoreeti yituro nafa hunannonsata Xagge, 36 nna 76 leellishshannohu hiittoonniiti?

Wole xaꞌmo:

1. Yohaannisi Ajuuja 19:11-16 nabbawi.

   1. Qullaawa Borro waajjo farashsho gulufinohu Yesuusi Kiristoosi ikkinota xawisse kultannohu hiittoonniiti? (Yo. Aj. 1:5; 3:14; 19:11; Isa. 11:4)

   2. Yesuusi uddano mundeetenni cuuamase, Yesuusi diinnasi woꞌmunni woꞌma qeelannotanna baxxitino qeelle afiꞌrannota leellishshannohu hiittoonniiti? (Yo. Aj. 14:18-20; 19:13)

   3. Yesuusi waajjo farashsho gulufanno wote faanasi haꞌranno wottaaddari giddo ayeoo heedhara dandiitanno? (Yo. Aj. 12:7; 19:14; Maat. 25:31, 32)

Xagge 115

Uullate Aana Haaro Gannate

1. Qullaawu Maxaafi uullate aana Gannatete mayi mayi hagiirsiisannori ikkannota kulanno?

2. Qullaawu Maxaafi Gannatete heeꞌranno mannira mayi hexxo aanno?

3. Yesuusi tini hagiirsiissanno hexxo woꞌmitanno gede assannohu mamooteeti?

4. Yesuusi Maganu Mangistera Nugusa ikkanno wote assannore leellishate, uullate noo waro ma assino?

5. Yesuusinna iima ledosi gashshitannori, uulla gashshitanno yannara ma assitanno?

Wole xaꞌmo:

1. Yohaannisi Ajuuja 5:9, 10 nabbawi.

   Kumu Diri Gashshooti yannara uulla gashshitannori, marartannore qolteno maartanno nugussanna kakkalaano ikkitannota huluullammeemmokkihu mayiraati? (Efe. 4:20-24; 1 Phe. 1:7; 3:8; 5:6-10)

2. Yohaannisi Ajuuja 14:1-3 nabbawi.

   Annu suꞌminna Geꞌrechchu suꞌmi 144,000 manni albira borreessamasi maa leellishshanno? (1 Qor. 3:23; 2 Xim. 2:19; Yo. Aj. 3:12)

Xagge 116

Hegerera Heeꞌra Dandiineemmo Gara

1. Hegere heeshsho afiꞌrate maa afa hasiissannonke?

2. Misilete aana noo qaaqqonna jaallase assitannonte gede, Maganu Yihowarenna Yesuusire rosa dandiineemmohu hiittoonniiti?

3. Misilete aana leellannohu wolu maxaafi hiikkonneeti? Konne maxaafa barru baala nabbawa hasiissannonkehu mayiraati?

4. Hegere heeshsho afiꞌrate Yihowarenna Yesuusire rosano agurranna wole maa assa hasiissannonke?

5. Xagge 69⁠tenni mayi roso afiꞌneemmo?

6. Xagge 55⁠te ronsummohu Saamueeli lawishshi maa leellishanno?

7. Yesuusi Kiristoosi lawishsha harunsa dandiineemmohu hiittoonniiti? Konne assineemmoha ikkiro konni kaꞌa maa afiꞌneemmo?

Wole xaꞌmo:

1. Yohaannisi 17:3 nabbawi.

   Maganu Yihowarenna Yesuusi Kiristoosire afate yaa, egenno afiꞌra calla ikkitinokkita Qullaawa Borro leellishshannohu hiittoonniiti? (Maat. 7:21; Ya. 2:18-20; 1 Yo. 2:17)

2. Faarso 145:1-21 nabbawi.

   1. Yihowa galanteemmo gede assannonkehu duuchchu coyi giddo gamu maati? (Far. 145:8-11; Yo. Aj. 4:11)

   2. Yihowa ‘duuchchunkura dancha’ ikkinohu hiittoonniiti? Kuni isiwa hinge roore shinqeemmo gede assannonkehu hiittoonniiti? (Far. 145:9; Maat. 5:43-45)

   3. Yihowa lubbora banxeemmoha ikkiro, maa assate kakkaꞌneemmo? (Far. 119:171, 172, 175; 145:11, 12, 21)