XIINXALLO 15

Roso Ammanattota Leellishanno Garinni Coyiꞌri

1 Teselonqe 1:5

ASSA HASIISSANNOHERE: Rosiisatto rosi halaalenna kaaꞌlannoha ikkinota seekkite ammanattota leellishi.

Seekkite qixxaawi. Qara hedo hiitteetironna qummeeshshuwa hatti hedo halaale ikkitinota buuxissanno gara huwatatto geeshsha seekkite xiinxalli. Lallawonnita qara hedo boode qaallanni xawisate woꞌnaali. Kuni rosi macciishshaanote kaaꞌlanno gara seekkite hedi. Qullaawa ayyaana afiꞌrate huuccatto assiꞌri.

Rosu surrekkira qucuꞌmi yee ofollanno gedenna shiqishatto gara woyyeessiꞌra dandaatto gede lallawo huurokki gotti assite rosiisiꞌri.
Rosiisattore ammanattota leellishshanno qaalla horoonsiꞌri. Borrote aana noo qaalla noo gedeenni coyiꞌrattonte, umikki qaalla horoonsiꞌri. Coyidhanni noottore mittoreno huluullamattokkita leellishshanno qaalla horoonsiꞌri.
Woꞌma giddonni coyiꞌri. Qoonqokki ajjoonke. Qooxeessiꞌnera manna laꞌnanni coyiꞌra qarra afidhinokkiha ikkiro, macciishshaano laꞌanni coyiꞌri.

Roso ammanattota leellishanno garinni coyiꞌratto yaa kayinni, quwa saꞌꞌatto woy kaitto gede coyiꞌratto yaa diꞌꞌikkitino. Woꞌma giddonni coyiꞌrattoha ikkirono, shaqqillunni coyiꞌri.