Xiinxallote Kaaꞌlitanno Hedo

Agarooshshu Shaete INTERNEETETE LAYIBIRERE aana noo borro

Borruwanke addi addite batinye hajo daafira rosatto gede kaaꞌlitannohe. Interneetete aana, Yihowa Farciꞌraasineti Xiinxallote Kaaꞌlitanno Borro, wolu batinyu afiinni qole Qullaawu Maxaafi Qaalla Tiro, Qullaawa Borro Seekke Huwata yaanno maxaafinna Agarooshshu Shae Borro Indekse no.

Agarooshshu Shaete INTERNEETETE LAYIBIRERE aana noohu hasiꞌri yaanno bayichi borruwa afiꞌratto gede kaaꞌlannohe. Hasiꞌri yaanno bayichira borreessatto woyite woroonni saaxinete giddo addi addi qaalla leeltanno. Hatte qaalla mule “Coyi Umo” yaannohu leellanno.

Togo assate woꞌnaali: Hasiꞌri yaanno bayicho “Yihowa” yaanno qaale borreessi (A). Hakkiinni woroonni daanno qaali giddo “Yihowa” yaanno qaali mule nooha “Coyi Umo” yaannoha doori (B). Hakkiinni doorootto qaale addi addi borro giddo afiꞌra dandaatto.