Wodanakki Qixxeessiꞌri

Qullaawa Maxaafa xiinxallineemmo woyite, Yihowa daafira ronsoommori loosoho kakkayisankera hasiꞌneemmo. Tennera Izira kaajja lawishsha ikkannonke; isi Yihowa Seera buuxate wodanasi qixxeessiꞌrino. (Izi. 7:10) Wodananke qixxeessiꞌra dandiineemmohu hiittoonniiti?

Huuccatto assiꞌri. Xiinxallattora albaanni woꞌmanka woyite huuccatto assiꞌri. Xiinxalloottore huwatatto gedenna loosu aana hosiisatto gede kaaꞌlahera Yihowa huucciꞌri.— Far. 119:18, 34.

Umokki heeshshi assattoha ikki. Booꞌnatenni uminsa dandoo addaxxitannorira Maganu halaale dixawisanno. (Luq. 10:21) Egennonke wolootaho leellishiꞌrate yine xiinxalla dihasiissannonke. Hedonke Maganunnite ledo sumuu yitinokkita huwantummoro umonke heeshshi assine biddi assiꞌra hasiissannonkere biddi assiꞌra hasiissannonke.

Maganu Gashshooti faarso macciishshi. Muuziiqu loosoho kakkayisankeranna Magano magansiꞌrate qixxaambeemmo gede kaaꞌlankera dandaanno. Xiinxalla hanafatto woyite Maganu Gashshooti faarso faarsakki wodanakki qixxeessiꞌratto gede kaaꞌlitahera dandiitanno.