Qullaawu Maxaafi Xagge Seekkite Hedi

Qullaawu Maxaafi giddo kaajja roso amaddinoti batinye xagge no. Tenne xagge surrenkenni seekkine hende nabbamboommore roore huwatanna horo afiꞌra dandiineemmo. Hanni tenne assa dandaatto gede kaaꞌlitannoheta mite hedo laꞌno.

• Huurokki gotti assite nabbawi. Qullaawa Maxaafa huurokki gotti assite nabbawakki xagge roore seekkite hedatto gede kaaꞌlitannohe. Qullaawa Maxaafa maatete deerrinni nabbabbinanni woyte, mittu mittunku addi addi misilaano ikkitine nabbawaꞌne xagge roore xabbe leeltannoꞌne gede kaaꞌlitannoꞌne.

• Ikkanni noore seekkite hedi. Xaggete giddo kulloonni misilaano heddinorenna macciishshaminonsare huwatate woꞌnaali. Lawishshaho, ateneeto togo yite xaꞌmi: ‘Xaggete giddo kulloonni manchi togoore coyiꞌrinohu woy assinohu mayraati? Ane ikkoommoro mayyee hedeemmo woy may macciishshamannoe?’

• Misile kaysi. Misile kaysate dandoo noohekkiha ikkiro nafa nabbabbanni noottore misile kaysakki xaggete giddo ikkanni noore roore hedatto gedenna qaagatto gede kaaꞌlitannohe.