FANAJARIA BOKY ahi-ty Vavolombeloni-Jehovah
FANAJARIA BOKY
ahi-ty Vavolombeloni-Jehovah
Vezo
  • BAIBOLY
  • BOKY
  • FIVORIA
  • 2 Korintianina 10
  • Soratsy Masy Fandikan-tenin’ny Tontolo Vaovao

Tsy misy video mikasiky an'io ty atoa.

Miala tsiny, misy tsy mety amy fandefasa video io.

2 Korintianina: Ho Hitanao Ato

      • Niaro ty fanompoany Paoly (1-18)

        • Tsy arakin’ny nofotsy ty fitaovam-pialianay (4, 5)

2 Korintianina 10:1

Fanamariha Ambany Pejy

  • *

    Na: “fahalemeam-panahy.”

2 Korintianina 10:3

Fanamariha Ambany Pejy

  • *

    Abt: “olo arakin’ny nofotsy.”

2 Korintianina 10:4

Fanamariha Ambany Pejy

  • *

    Abt: “tsy araky ty hevitsin’olombelo.”

  • *

    Na: “fa latsaky vahatsy.”

2 Korintianina 10:8

Fanamariha Ambany Pejy

  • *

    Na: “hamboatsy.”

  • *

    Na: “tsy handrava.”

2 Korintianina 10:13

Fanamariha Ambany Pejy

  • *

    Na: “nizarà-Ndranahary taminay lafa baka nimetariny.”

  • Soratsy Masy Fandikan-tenin’ny Tontolo Vaovao
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
Soratsy Masy Fandikan-tenin’ny Tontolo Vaovao
2 Korintianina 10:1-18

Ty taratasy faharoe ho ahi-ty Korintianina

10 Zaho Paoly, le misoloho aminareo amy alalan’ny fandefera* noho hasoam-panahin’i Kristy, ndre misy mivola aza hoe malemy aho lafa mifanatriky aminareo, fa mahasaky mivola anareo lafa tsy eo. 2 Mitamà aho fa lafa avy aminareo any, le tsy voatery hahasaky handramby fanapaha-kevitsy henja amin’olo mieritseritsy anay hoe manaraky hevitsin’olombelo rey. 3 Fa ndre manahaky ty olo iaby avao aza zahay, le tsy mialy manahaky ty fataon’olo.* 4 Tsy zay fa tsy arakin’ny nofotsy* ty fitaovam-pialianay, fa fitaovam-pialia mahery ty namea-Ndranahary anay mba handravà raha fa mafy fototsy.* 5 Aravanay ty hevitsy noho ty raha abo iaby misaka ty olo tsy hahay a-Ndranahary, le horesenay ty hevitsy iaby mba hanoriky ty safàn’i Kristy. 6 Parè koa zahay hanasazy ani-ze tsy manoriky safà, laha vo hita hoe manoriky safà tanteraky nareo.

7 Mitsara ivelany avao nareo. Laha misy olo matoky ty vatany hoe ahin’i Kristy, le tokony hovetsevetseny ndraiky hoe: Ahin’i Kristy manahaky azy koa zahay. 8 Fa ndre hirengirengy marè aza aho, satria namean’ny Tompo fahefà mba hampahery* anareo fa tsy hanakivy* anareo, le tsy tokony hisy raha hahamenatsy ahy. 9 Tsy zay fa tsy teako laha sahala hoe mampitahotsy anareo aho amy taratasiko ao. 10 Satria misy mivola hoe: “Mavesatsy noho mahery ty taratasy soratiny, kanefa olo tsy mahavoa raha ie lafa manatriky eo sady tsy misy dikany ty raha volaniny.” 11 Tokony ho hain’olo zay fa ze raha volaninay amy taratasinay ao lafa zahay tsy eo rey, ro ataonay koa lafa eo zahay. 12 Tsy zay fa tsy sakinay ty mampitovy na mampitaha ty vatanay amy ty olo mandrengy vata. Tsy mandiniky olo rey satria ze raha eritseretin-drozy fa mety avao ro itsaran-drozy ty vatan-drozy, sady mampitaha ty vatan-drozy amin-drozy samby rozy avao rozy.

13 Fe tsy hirengirengy ivelan’ny faritsy nanendrea anay any zahay, fa anatin’ny faritsin’ny faritany namea-Ndranahary anay* ao avao, le nataony niavy zisiky aminareo atoy faritany zay. 14 Laha ty marina, tsy mila mandeha ivelan’ny faritany nanendrea anay any zahay, satria laha zay ie, le sahala hoe tsy anisan’ny faritaninay nareo, kanefa zahay ro voalohany niavy zisiky aminareo any mba hitory ty vaovao soa mikasiky an’i Kristy. 15 Tsy mirengirengy ivelan’ny faritsy nanendrea anay any zahay, zany hoe tsy mirengirengy amy asa mafy nataon’olo hafa. Fa mitamà zahay hoe lafa mitombo ty finoanareo, le hitombo ty asa ataonay amy faritaninay ao. Amy zay afaky hiasa marerè zahay, 16 ka hitory ty vaovao soa amy tany hafa ankoatsy anareo, mba tsy hampirengirengy anay ty raha fa nataon’olo hafa amy faritaniny any. 17 “Fa ze mirengirengy, le Jehovah ro tokony hampirengirengy azy.” 18 Satria tsy ze mandrengy ty vatany ro mahazo hatò, fa ze rengen’i Jehovah.

Fanajaria Boky Vezo (2001-2025)
Hiboaky
Hilitsy
  • Vezo
  • Hizara
  • Hamboamboatsy
  • Copyright © 2025 Watch Tower Bible and Tract Society of Pennsylvania
  • Fifanekea
  • Fifanekea Mikasiky Sekirè
  • Hanova Fifanekea
  • JW.ORG
  • Hilitsy
Hizara