Hasoavo ty Fanompoanao: Miezaha Hidosiky Fo Lafa Mampiasa ty boky “Mijanòna amy Fitiava Ndranahary Ao”

MANINO RO TENA ILÀ? Tsy maintsy mianatsy ty fitsipikini-Jehovah noho miay mifanaraky amy zay ty olo raiky laha ta hanompo azy araky ze itiavany azy. (Is 2:3, 4) Ty boky “Fitiava Ndranahary” ro boky faharoe ampianarantsika Baiboly. Manampy ani-mpianatsy iny hahita ty fomba hanoriha ty torolalani-Baiboly amy fiainany andavanandro boky io. (He 5:14) Mila miezaky midosiky ty fon-drozy tsika lafa mampianatsy. Ho parè hiova rozy amy zay.—Ro 6:17.

AKORY TY HANAOVA AZY?

• Manomana soa, eritsereto ze raha ilani-mpianatsy iny. Manomana fanontanea hahavy azy hivola ty hevitsiny noho ty fihetseham-pony mikasiky ani-fianara iny.—Oh 20:5; be 259

• Ampiasao avao efajoro rey zisiky ivitani-boky iny mba hanampea ani-mpianatsy iny hahita hoe tena ilà ty manoriky ty torolalani-Baiboly

• Ampeo hahay hampiasa ty feoni-fieritseretany mpianatsy iny, fa ka manapa-kevitsy ho azy.—Ga 6:5

• Henteo soa tsy no ho mila fanampea ie mba hanorihany ty torolalani-Baiboly sisany. Miezaha ho soa fanahy sady mahaiza mandanjalanja lafa manampy azy hiova mifanaraky amy ty fitiavany ani-Jehovah.—Oh 27:11; Jn 14:31