“Ambarao ty Tao Fanomezani-Jehovah Hatò”

Tsy tao ara-bakiteny “tao fanomezani-Jehovah hatò” io

61:1, 2

• Io ro fotoa ameani-Jehovah ty olo miambany mba hamaleany ty fanambarà ho amy fanafaha

• Tamy taonjato voalohany, le nanomboky tamy tao 29 ty tao fanomezani-Jehovah hatò, lafa nanomboky ty fanompoany Jesosy. Nitohy avao raha io zisiky tamy ‘andro famaliani-Jehovah’, zany hoe tamy tao 70 lafa nirava Jerosalema

• Lasa mpanjaka Jesosy tamy 1914. Tamy tao io ro nanomboky ty tao fanomezani-Jehovah hatò amy androntsika henanizao, le ho tampitsy amy fijalea bevata

Tahini-Jehovah amy alalani-“hazobeni- fahamarina” iny ty vahoakiny

61:3, 4

• Mifankariny matetiky ty hazo farany abo mitiry an’ala eny, ka mifanampy

• Mety hifamanditsy ty vahatsini-hazobe rey, ka sahala mifampitanjaky rozy, farany mahazaka tsioky mahery noho orambe

• Miaro ty zana-kazo ambaniny eo ty alokini-hazobe rey, le mahavy ty tany hamokatsy ty raviny lafa mihintsa

Tsy ia “hazobeni-fahamarina” io fa voahosotsy sisa tavela amy henanizao reo. Mahasoa ty Kristiana kiraidraiky amy fiangona amy tany toy iaby ty fanampea noho ty fiarova baka amin-drozy