TY FIAINANTSIKA KRISTIANA
Akory ty Hahavy Ahy Hazoto Mandiniky Soratsy Masy?
Teanao va ty tsy hivaliky manahaky ani-Daniela ndre misy fitsapà? Nazoto nandiniky ty Safà-Ndranahary Daniela, anatini-zay ty faminania sarotsy. (Da 9:2) Lafa dinihinao soa ty raha ianaranao amy Baiboly ao, le hanampy anao tsy hivaliky raha zay. Ino ty antony? Satria hampitombo ty finoanao raha zay hoe ho tanteraky ty raha nampitamanini-Jehovah. (Js 23:14) Hampitombo ty fitiavanao a Ndranahary koa raha zay, ka handrisiky anao hanao raha soa avao. (Sl 97:10) Ka manao akory ty hanaovanao ani-zay? Retoa misy soso-kevitsy:
Ino ty tokony hianarako? Fahazara soa ty fanomana fivoria. Hahazo tombony bevata baka amy famakia Baiboly sankerinandro rey iha, laha manoka fotoa hikaroha ty hevitsy tsy azonao anatiny ao. Ankoatsini-zay, le nanapa-kevitsy ty olo sisany hoe hianatsy raha maro mikasiky ty faminania amy Baiboly ao, mikasiky ty toetsy kiraidraiky anatini-vokatsini-fanahy, ty lia misionera nataoni-Paoly, na ty raha niforonini-Jehovah. Laha mieritseritsy fanontanea raiky amy Baiboly ao iha anatini-andro raiky, le sorato raha zay, bakeo anovo foto-kevitsy amy fianaranao am-bata manaraky.
Aia ty hahitako fanazavà? Misy hevitsy vitsivitsy ty amy video hoe Fitaova Fikaroha mba Hahità Hanana Ara-panahy. Mba hitsapanao ty fahaizanao, le anoharo karohy hoe ia iaby firenena matanjaky asehoni-biby amy Daniela toko faha-7 ao rey.
Firy ty fotoa tokony hatokako hianara? Ho salama ara-panahy iha laha mianatsy tsy tampaky. Azonao atao boribory avao tse raha zay amy voalohany, bakeo atombo tsikelitsikely. Manahaky filà safira io ty fianara Safà-Ndranahary, lafa nahita iha le vomaiky ta hila ndraiky! (Oh 2:3-6) Hitombo koa ty fanirianao hany baka amy Safà-Ndranahary ao, ka tsy ho afaky aminao mihintsy ty fahazara mianatsy Baiboly.—1Pe 2:2.
MAMPISEHO INO BIBY AMY DANIELA TOKO FAHA-7 AO REY?
Da 7:4
Da 7:5
Da 7:6
Da 7:7
FANONTANEA FANAMPINY:
Nanao akory ty nahatanteraky ty Daniela 7:8, 24?
HIANARA AMY MANARAKY:
Mampiseho ino biby amy Apokalypsy toko faha-13 ao rey?