Ka Maneky ho Voafandrikini-Tranonkala Fifandrambesa

MANINO RO TENA ILÀ? Manahaky ty fitaova iaby ty tranonkala fifandrambesa, ka mety hahasoa na hanimba. Manapa-kevitsy tsy hampiasa ty Kristiana sisany, fa ty ilany mampiasa ani-raha io mba hifandrambesa amy ty longony noho namany. Fe teani-Devoly laha tsy mandiniky soa tsika lafa mampiasa tranonkala fifandrambesa, kanefa mety hanimba ty lazantsika noho ty fifandrambesantsika amy Jehovah raha zay. Manahaky ty nataoni-Jesosy, le afaky mampiasa ty torolala amy Safà-Ndranahary ao tsika mba hahaiza noho hialà amy fandriky.—Lk 4:4, 8, 12.

FANDRIKY TOKONY HOHALAVIRY:

• Fampiasà tafahoatsy ty tranonkala fifandrambesa. Mety handany ty fotoa lafovily azontsika anaova raha ara-panahy ty fandania lera maro ampiasà tranonkala fifandrambesa

  Torolalani-Baiboly: Ef 5:15, 16; Fi 1:10

• Fanentea raha tsy mazavazava. Mety hanjary zatsy manenty sary tiva na haloto fandaisam-bata ty olo raiky lafa manenty sary manaitaitsy filani-nofotsy. Mety ho simba koa ty finoantsika laha mamaky lahatsoratsy aboakini-mpivadi-pinoa amy Internet ao

  Torolalani-Baiboly: Mt 5:28; Fi 4:8

• Fametraha sary na fanamariha raty. Mamitaky ty fo ka mety hitariky antsika hametraky sary na fanamariha raty amy tranonkala fifandrambesa ao. Kanefa mety hanimba ty lazan’olo hafa raha zay na hahavy azy halemy ara-panahy

  Torolalani-Baiboly: Ro 14:13; Ef 4:29

HENTEO TY VIDEO HOE MBA MANDINIHA SOA LAFA MAMPIASA TRANONKALA FIFANDRAMBESA, BAKEO HENTEO HOE AKORY TY FOMBA HANALAVIRA ANI-RAHA MISEHO MANARAKY RETOA: