TY FIAINANTSIKA KRISTIANA
Mitandrema Tsy no Hampiparitaky Vandy
Malaky miparitaky ty vaovao henanizao tratsini-boky noho gazety, radio noho tele, noho internet. Tsy ta hampiparitaky vaovao tsy marina ty olo mivavaky amy “Ndranaharini-fahamarina” iny, ka miamby soa tsy ho losotsy. (Sl 31:5; Ek 23:1) Mety hanimba olo ty fampiparitaha vandy. Reto misy fanontanea hanampy anao hahay hoe marina sa tsy marina ty raha raiky:
‘Azo antoky va ty nifotorani-vaovao iny?’ Mety tsy tena haini-azy mivola vaovao iny ty raha misy. Tsy maintsy miova koa ty tantara arakaraky ty itantarà azy, ka mila miamby soa iha laha tsy hainao ty tena nifotorani-raha iny. Tena mila miamby soa ty olo mana andraikitsy amy fiangona eo tsy no hiresaky raha tsy misy porofo, satria rozy ro azo atokisa hanome fanazavà marina
‘Mandratiraty olo va raha iny?’ Tena soa laha mitandrina tsika mba tsy hitantara ani-raha iny laha manimba lazan’olo na manimba fikambana raha zay.—Oh 18:8; Fi 4:8
‘Azo inoa va tantara iny?’ Mitandrema lafa maharè tantara mahatseriky, na tantaran’olo io na raha niseho
HENTEO TY VIDEO HOE TANDREMO TY TSIKOTSIKO!, BAKEO VALEO FANONTANEA RETOA:
Ino ty vokatsini-safà volanintsika laha hentea ty Ohabolana 12:18?
Manino ty Filipianina 2:4 ro manampy antsika hahay handanjalanja lafa miresaky olo?
Ino ty tokony hataontsika lafa mivaliky kizaky manambany olo na fandratiratia resaky iny?
Ino iaby ty fanontanea tokony hoeritseretintsika alohani-hivolanantsika olo?