Akory ty Hatao mba Hahavy ty Fivoria Alohani-Fanompoa Handrambesa Soa?

Mitovy amy fivoria iaby avao ty fivoria alohani-fanompoa. Nanao ani-fandahara io Jehovah mba hahavy antsika hifandrisiky ho amy fitiava noho ty asa soa. (He 10:24, 25) Tokony ho limy na fito minity eo ty faharetany, ka tafilitsy amy zay ty fizarà nama, ty faritany hiasani-mpitory noho ty vavaky. (Tokony ho boribory ty fivoria alohani-fanompoa, laha atao afarani-fivoriani-fiangona.) Lafa manoma mpitariky iny, le tokony hoeritseretiny hoe ino ty raha hampahery noho hanampy ani-ze handeha hanompo amy andro io. Lafa Sabotsy, le soa laha iaraha midiniky tsiela ty raha azo resahy lafa mitory, satria tsy mandeha manompo ty ankamaroani-mpitory lafa andavanandro. Ino iaby ty raha azo iaraha midiniky amy fivoria alohani-fanompoa?

• Hevitsy azo resahy baka amy Kahiem-pivoria: Fiaina Noho Fanompoa Kristiana

• Fomba hampiasà raha niseho na vaovao farany mba hanombohan-dresaky

• Fomba famalea fanohera

• Fomba hamalea ty olo tsy mino a Ndranahary, ty olo mino ty evolision, ty olo manao fivolana hafa na ty olo manaraky fivavaha tsy kristiana, ohatsy hoe silamo

• Fomba fampiasà raha baka amy jw.org ao, na baka amy JW Library^® na ty Baiboly

• Fomba fampiasà fitaova raiky baka amy Fitaova Fampianara ao

• Fomba fanaova fanompoa sankarazany, ohatsy hoe fitoria an-telefony, fitoria an-taratasy, fimpolia mitsidiky na fampianara Baiboly

• Fampitiarova ty fomba hisoroha loza lafa amy faritany eny, fahaiza mandanjalanja, ty toe-tsay tokony hanàna, ty fomba ampisehoa fahalalà fomba, na ty raha manahaky ani-reo

• Mandiniky fianara raiky na video baka amy bokikely Miezaha Marè amy Vakiteny Noho Fampianara

• Fomba hanampea ty nama mba hahita vokatsy soa lafa mitory

• Andinin-teny mampahery na andrambesa fianara, mifandramby amy fanompoa